Бацькоўскія ініцыятывы

Беларускі расклад заняткаў для школьнікаў

Натхнёная першавераснёўскай лінейкай у беларускамоўнай гімназіі, дызайнер Вольга Кузьміч намалявала цудоўны беларускі РАСКЛАД ЗАНЯТКАЎ.

«Для маладых бацькоў у Беларусі не ў навінку самастойна рабіць размалёўкі, мапы ды іншыя дзіцячыя матэрыялы па-беларуску, бо ў краме не шмат знойдзеш. Вось і я зрабіла свой маленькі творчы ўнёсак у такую вялікую справу.»

Замовіць выдрукаваны асобнік можна праз сайт Нашыя дзеткі – там сем’і разам друкуюць для сваіх малых. Калі ж Мінск далёка альбо ёсць магчымасць выдрукаваць самастойна – прапануем файлы для запампоўкі.

Запампаваць А3
Запампаваць А4

Каментаваць

Да ўвагі бацькоў і дашкольных педагогаў

Самім зрабіць сваім дзецям казку
Паводле http://ikuzminich.livejournal.com/9198.html?view=54254#t54254
Часта можна пачуць, што беларускіх казак мала, альбо, што тыя якія ёсць па нейкай прычыне не падыходзяць майму дзіцяці. Але разам з тым хочацца каб дзіцё бачыла і слухала свае, беларускія казкі. Больш за тое, хочацца каб дзіцё засвойвала тыя каштоўнасці якія важныя для бацькоў.

Пакуль у Беларусі слаба развітая індустрыя стварэння казак, мультфільмаў і кіно для дзяцей, тым больш гэта тычыцца беларускамоўных казак, мультфільмаў і кіно, можна самім бацькам уключыцца ў стварэнне казак для сваіх малюпахаў.

Сучасны стан развіцця тэхналогій дазваляе гэта зрабіць бацькам самастойна. Камп'ютарныя праграмы па агучванню, відэакамеры, фотаапараты і магчымасць мантажа матэрыялаў на кампутары, ствараюць практычна неабмежаваныя магчымасці ў творчасці. У выпадку, калі самастойна цяжка прыдумаць казку, заўсёды можна ўзяць вашую любімую казку і, напрыклад, агучыць яе самастойна, зрабіўшы аўдыё-версію Пазней можна дадаць да гуку некалькі здымкаў ці малюнкаў – і ў вас атрымаецца цікавы матэрыял, які з задавальненнем будуць глядзець вашыя дзеці ці іншыя дзеці праз інтэрнэт.

Ніжэй падаю прыклад сваёй аўдыёказкі, якую я ілюстраваў пры дапамозе здымкаў узятых з інтэрнэта і праграмы Windows Movie Maker. Праграмка даволі простая і разабрацца ў ёй здольны практычна кожны. (вага Казкі 6,79 МВ)
Ігар кузьмініч,
бацька і педагог 

Спампаваць казку
Пакінуць падзяку аўтару за ідэю і казку.
Чытаць далей/Каментаваць

Cайт для бацькоў і дашкольных педагогаў.

Нашыя суайчыннікі, якія пакінулі Радзіму ў пошуках лепшай долі, стварылі сайт “Дзяцінства”, які назвалі віртуальнай беларускай школкай. Сайт утрымлівае беларускія дзіцячыя песні, кніжкі і дыяфільмы. Сайтам і нядзельнай школкай для беларускіх дзетак займаецца ў асноўным сям'я Галіны і Андруся Падлескіх.
Нагадваем, што расціць беларусаў дапамогуць і наступныя інтэрнэт рэсурсы.: партал Нашыя дзеткі, Казачнік, «З рога ўсяго многа«.

Хатняе навучанне, альбо ці варта вадзіць свайго дзіцёнка ў школу

 Артыкул Вольгі Куўшынавай паводле http://wgcre.net/
“Калісці непісьменнымі былі тыя, хто не хадзіў у школу – зараз акурат наадварот”.
Французскі навэліст Поль Ґу

Калі я стала маці, я вырашыла, што падару свайму дзіцёнку самае галоўнае – дзяцінства. Іншымі словамі, не буду ламаць ягоную натуру. Не буду прымушаць стаяць, калі хочацца бегаць, не буду ўсаджваць, калі хочацца стаяць, не буду заганяць дахаты, калі хочацца пагуляць на вуліцы. Не буду адмахвацца ад ягонага жадання атрымліваць адказы на свае пытанні.  >>>

Партал Нашыя Дзеткі

Партал Нашыя Дзеткі – унікальны некамерцыйны рэсурс, створаны ў дапамогу сем'ям, якія гадуюць сваіх дзяцей па-беларуску. Створаны бацькамі для бацькоў і педагогаў дашкольнікаў.

• арыгінальныя й адаптаваныя артыкулы
• гульні ды забаўкі (тэксты дзіцячае літаратуры, музыка, слайды, флэш-анімацыя);
• даведкавая інфармацыя пра ўстановы дашкольнае, школьнае й пазашкольнае адукацыі;
• кансультацыі адмыслоўцаў: знаўцаў груднога кармленьня, мэдыкаў, праўнікаў, мовазнаўцаў ды інш.;
• зьвесткі пра тавары ды паслугі, водгукі спажыўцоў;
• форум для сумеснага абмеркаваньня надзённых праблемаў;
• афіша падзеяў і імпрэзаў;
• анансаваньне ды справаздачы пра рэальныя сустрэчы, фатасэсіі ды інш.;
• віншаваньні, прыватныя паведамленьні ды інш.;
• супольныя й прыватныя фотагалерэі;
• спасылкі на рэсурсы дзіцячае ды беларускае тэматыкі;
• бонусы сайта: беларускія подпісы да форумаў, конкурсы ды інш.

Глядзіце http://dzietki.org

Парады бацькам абітурыентаў

Да паступлення сваёй дачкі мы ўсёй сям’ёй падрыхтаваліся, як мне здавалася, адказна: уважліва вывучылі ўсе законы і дакументы, загадзя выбралі ВНУ, самастойна і з рэпетытарамі на паглыбленым узроўні вывучалі патрэбныя прадметы. Настаў час ЦТ. Асаблівых хваляванняў не было. Аказалася дарма.Артыкул цалкам…