Жодзінскія школьнікі прадставілі два дзесяткі даследчых прац на Радзівілаўскіх чытаннях.
Уладзімір Сіўчыкаў,
пісьменнік і выдавец, сябра Арганізацыйнага камітэту Радзівілаўскіх чытанняў 
Сёлета спаўняецца 340 гадоў з дня смерці, а ў 2010 годзе будуць адзначаныя 390-ыя ўгодкі знакамітага дзяржаўнага і ваеннага дзеяча Вялікага Княства Літоўскага, мецэната і таленавітага творцы князя Багуслава Радзівіла (1620–1669). Даты не вельмі круглыя, але ўдзячныя жодзінцы арганізавалі чытанні, прысьвечаныя памяці заснавальніка іх горада. Праводзяцца яны з ініцыятывы краязнаўчага музея і называюцца “Роля роду Радзівілаў у гісторыі Беларусі”.
Гарадскі этап чытанняў праходзіў 23 снежня 2009 года ў Маладзёвым цэнтры (г.Жодзіна, пр. Міру, 20). На ім былі прадстаўлены два дзесяткі прац і даследаванняў, прызнаных самымі цікавымі ў школах і іншых навучальных установах горада.


Чытаць далей/Каментаваць

Запрашаем на беларускую Ялінку

Шаноўныя бацькі і дзеткі!
Суполка «Нашыя Дзеткі" запрашае на традыцыйную Ялінку.
Ялінка адбудзецца 3 студзеня (у нядзелю) у 10:30 у Палацы дзяцей і моладзі на Возеры, у кавярні «Планета зорак» (Старавіленскі тракт, 41, левы уваход).
У праграме: гульні, карагоды, сустрэча з Дзедам Марозам, падарункі, салодкі стол.
Для ўдзелу неабходна зарэгістравацца на http://dzietki.org  альбо праз e-mail: n.dzietki@yahoo.com, skype: Kryscina ці тэл. (029) 632 27 43 (скайп і тэлефон пасля 18:00).
Паважаныя бацькі! Падрыхтуйце, калі ласка, падарунак свайму дзіцяці, загарніце яго ў непразрыстую абгортку і падпішыце вялікімі літарамі.
Паводле  http://dzietki.org
 

Агляд адукацыйных навінаў

– Алена і Лявон Баршчэўскія падрыхтавалі арфаграфічны слоўнік. Ён выйдзе згодна з новымі правіламі беларускай арфаграфіі і пунктуацыі, якія ўступаюць у сілу з 1 верасня 2010 года >>>


– Міністэрства адукацыя зацвердзіла праграмы ўступных іспытаў у ВНУ і ССНУ >>>


– Суайчыннікі-эканамісты: «Хочам зрабіць у Беларусі універсітэт з сусветнага ўзроўню выкладаннем эканомікі" >>>


– Акадэмія мастацтваў зоймецца падрыхтоўкай прадусараў
>>>


– Выйшла ў свет аўдыёкніга Міколы Ермаловіча “Беларуская дзяржава Вялікае Княства Літоўскае” >>>




Каментаваць

Актыўная ацэнка і адзнака – у чым розніца?

Данута Стэрна
Раздзел з кнігі Danuta Sterna. Ocenianie kształtujące w praktyce. Warszawa: Centrum Edukacji Obywatelskiej, 2008. S. 58 – 69.

- Калі госць у рэстаране каштуе суп – гэта адзнака, калі тое ж робіць кухар на кухні, каб упэўніцца, які ў супа смак – гэта актыўная ацэнка. Розніца ў тым, што госць з супам ужо нічога не зробіць, а вось кухар яшчэ можа яго прыправіць.

Функцыі актыўнай ацэнкі і адзнакі. Ці можна спалучаць іх абедзве? Як выпрацаваць уласную стратэгію ацэнкі? Ацэнка ў школе атаясняецца з баламі. Пры гэтым можна казаць пра два віды ацэнкі. Першы – перадача зваротнай інфармацыі, якая дапамагае вучню вучыцца. Другі – ацэнка вынікаў, якая найчасцей вы-яўляецца праз балы. Для першага віду будзем ужываць назву актыўная ацэнка, для другога – адзнака.
Чытаць далей /Спампаваць
Каментаваць

Новае на сайце

Сцэнар «Рыцар свабоды і сумлення»

Сцэнар вечарыны, прысвечанай асобе і творчасці Васіля Быкава.

Спампаваць сцэнар (doc, 51 КБ)

Паводле сайта «З рога ўсяго многа»



Каментаваць

Шаноўныя калегі!

Віншуем вас з Калядамі і Новым годам!


Жадаем вам багатага плёну ў працы, міру і паразумення ў сям'і і з калегамі.

Няхай новы год стане годам добрых навінаў для Беларусі і беларускіх настаўнікаў.


Добрага настрою і добрага адпачынку ў час зімовых канікул!


Ваш Nastaunik.info

Агляд адукацыйных навінаў

– Украіна і Польшча створаць супольны універсітэт >>>


– Мінадукацыі — аб праблемах дзіцячых садкоў >>>


– У Пінскім коледжы вучацца ў паліто, па калідорах прабіраюцца навобмацак
>>>


– У мінскім гатэлі Crown Plaza адбыўся семінар «Універсітэт ХХІ стагоддзя: ідэі і рэалізацыя». >>>




Каментаваць

Сёмая Усходняя Зімовая школа

Калегіюм Усходняй Еўропы імя Яна Новака-Язеранскага і аддзяленне Усходняй Еўропы Варшаўскага унівэрсытэта абвяшчаюць набор студэнтаў у Сёмую Усходнюю Зімовую школу.

Заняткі Школы ладзяцца з 1 да 10 сакавіка ва Уроцлаве.

Школа прызначаная для студэнтаў гуманітарных факультэтаў (апошні год навучання), не старэйшых за 25 год, якія рыхтуюць дыпломныя (магістэрскія) работы ў галіне гісторыі і сучаснасці Цэнтральнай і Усходняй Еўропы.

Удзельнікамі Школы могуць стаць студэнты з краін былога СССР, Польшчы, краін Еўрасаюзу.

Больш падрабязная інфармацыя – на вэб-пляцоўцы па адрасе: www.kew.org.pl


Паводле рассылкі http://ngo.by



Каментаваць

Карыснае з польскага досведу для школьнай адукацыі ў Беларусі

На працягу першага снежаньскага тыдня група настаўнікаў, метадыстаў ды выкладчыкаў універсітэтаў з розных гарадоў краіны мела адукацыйную паездку ў Варшаву.


Сваімі ўражаннямі ад паездкі падзяліўся загадчык кафедры педагогікі і філасофіі адукацыі Акадэмііі паслядыпломнай адукацыі Мікалай Іванавіч Запрудскі


Чытаць артыкул

25 снежня пройдзе штогадовы Калядны фэст.
Надакучылі стандартныя электронныя “елкі”? Хочацца жывой энергетыкі, падарункаў і карнавалу? У такім выпадку, “Калядны фэст”, які 25 снежня трэці год запар прагрыміць у клубе “Рэактар” – тое, што патрэбна!
Фолк-цуды ў чарадзейны вечар будуць чыніць музыкі з Litvintroll, “Рокаш”, Unia, “Кейлі Кёл” ды “Расалія”. А кожны, хто рызыкне прыйсці ў незвычайным калядным строі, атрымае музычны дыск у падарунак.
БМА запрашае 25 снежня а 19 00 у клуб “Рэактар”  атрымаць асалоду ад чатырох гадзінаў суцэльнага музычнага драйву, святочнага карнавалу ды калядных сюрпрзаў.
 Тэлефон для даведак: 8 029 649 08 88 (Вэлком).
Больш падрабязна
 

Праграма “Эразмус Мундус” абвяшчае набор студэнтаў на 2010 год

Мэтаю праграмы з'яўлецца наладжванне культурніцкага дыялогу паміж краінамі шляхам студэнцкага абмену.


Да ўдзелу запрашаецца студэнты, магістранты, аспіранты ВНУ.


Больш інфармацыі па праграме і ўсе анкеты (на англійскай, французскай, нямецкай мовах) Вы можаце знайсці тут: http://eacea.ec.europa.eu/erasmus_mundus/funding/2010/call_eacea_29_09_en.php#introduction

Апошні тэрмін падачы заявак: 30 красавіка 2010 г.


Паводле рассылкі belngo.info



Каментаваць

Адукацыйная праграма 2010/2011 фонда Роберта Боша

Праект «Валантэры Правоў Чалавека», www.afc.ynnet.org/vpch, абвясціў аб пачатку адукацыйнай праграмы ад фонду Р. Боша (Германія) на 2010–2011 гг. Праграма зараз даступная на рускай мове.


Да ўдзелу запрашаецца моладзь ва ўзросце ад 18 да 25 год з дастатковым веданнем нямецкай альбо рускай мовы.


Падчас праграмы удзельнікі атрымаюць магчымасць рэалізаваць ідэі сваіх праектаў, абмяняцца досведам і пазнаёміцца з іншымі культурамі.


Працоўная мова на семінарах і пры рэалізацыі праектаў – нямецкая альбо руская (у залежнасьці ад летняга семінару, на які падаецца заяўка).


Апошні тэрмін падачы заявак: 28 лютага 2010 году.


Дадатковая інфармацыя і ўмовы падачы заявак на удзел у нямецкамоўных семінарах – на сайце http://www.theodor-heuss-kolleg.de/bewerbung.html

Дадатковая інфармацыя і ўмовы падачы заявак на удзел у рускамоўных семінарах – на сайце: http://www.theodor-heuss-kolleg.de/aplikacija.html

Падрабязней аб праграме на рускай мове чытайце на сайце:
http://theodor-heuss-kolleg.de/index.php?id=211


Паводле рассылкі belngo.info



Каментаваць

Новае на сайце

«Казка пра смелага вожыка»

Сцэнар п'есы-казкі А. Якімовіча можа быць карысным для рознага кшталту пазашкольных мерапрыемстваў, а таксама для дзіцячага тэатра.


Спампаваць сцэнар (doc, 56 КБ)



Каментаваць

ДОБРААХВОТНЫ САЦЫЯЛЬНЫ/ ЭКАЛАГІЧНЫ ГОД У ГЕРМАНІІ
Рэспубліканская моладзевая грамадская арганізацыя «Ліга добраахвотнай працы моладзі» пачынае набор на праграму «ДОБРААХВОТНЫ САЦЫЯЛЬНЫ/ ЭКАЛАГІЧНЫ ГОД У ГЕРМАНІІ"
 Што гэта такое? Праграма «Добраахвотны сацыяльны/экалагічны год у Германіі» – гэта доўгатэрміновы дабраахвотніцкі праект, на працягу якога ўдзельнік-валанцёр працуе на сацыяльна-значных праектах, уносячы сваё пасільны ўнёсак у іх рэалізацыю; пазнаючы сябе, развіваючы свае здольнасці/асобу, назапашваючы практычны досвед і паляпшаючы веды мовы (3 разавыя курсы ў тыдзень).
Валанцёру бясплатна прадстаўляецца жыллё, харчаванне, а таксама медыцынская страхоўка на ўсе выпадкі жыцця; выдаюцца штомесячныя кішэнныя грошы.
Хто можа ўдзельнічаць? У праекце можа ўдзельнічаць любы, каму ўжо ёсць 18 гадоў, але няма яшчэ 27;
Для ўдзелу ў праграме неабходна веданне нямецкай мовы на гутарковым узроўні. Самае галоўнае – ваша матывацыя. Гэта жаданне быць валанцёрам,  працаваць,з мэтай рэалізаваць сацыяльна-значныя праекты.
Набор на праграму здзяйсняецца да сакавіка 2010 гада 
Звяртайцеся на адрас: «Ліга добраахвотнай працы моладзі», вул. Б. Хмяльніцкага 4,
тэл.: (017) 2840881Б www.lyvs.bn.by  

Каментаваць

Конкурс на лепшую мультыму 
Конкурс на лепшую мультыму  (электронную газету) – гэта добрая нагода, каб авалодаць навыкамі стварэння электроннай газеты, заявіць пра сябе як будучага журналіста, набрацца досведу працы ў камандзе і атрымаць навагоднія прызы ад фонду “Новыя Мэдыі”. Падрыхтоўка да свята – важней, чым само свята.
Для удзелу патрэбна:
1) Добры настрой і фантазія;
2) Наяўнасць усмешкі на вуснах;
3) Зарэгістравацца на інтэрнэт-старонцы mammedia.org
4) Закласці на сайце электронную гаеэту (мультыму);
5) Падрыхтаваць і апублікаваць у ёй нумар (5–20 старонак) прысвечаны каляднай тэматыцы.
У выданьні дапускаецца паўторнае размяшчэньне раней публікаваных артыкулаў, але фонд патрабуе, каб тэксты і выявы належалі стваральніку электроннай газеты і/або камусьці з чальцоў рэдакцыі, ці распаўсюджваліся ў інтэрнэце па ліцэнзіі Creative Commons.
* за добрае графічнае афармленне налічваюцца дадатковыя балы.
Удзельнічаць могуць усе жадаючыя.  Заяўкі прымаюцца да 14 студзеня
Свае пытанні кіруйце на: mam@nowemedia.info За вынікамі конкурсу сачыце на галоўнай старонцы Э-лекцыяў. Я
к новы год сустрэнеш, так яго і правядзеш. Вучыся перамагаць Словам.
Посехаў!

Каментаваць

Агляд адукацыйных навінаў

– Прыняты шэраг паправак у праект Кодэкса аб адукацыі >>>


– Беспрацоўных выпускнікоў уладкоўваюць на «вучнёўскія» месцы >>>


– Сарказі паставіў мэту зрабіць французскія універсітэты «найлепшымі ў свеце» >>>


– Чыноўнікам забаранілі праводзіць заняткі з навучэнцамі ў працоўны час >>>


– Грамадская арганізацыя «Ахова птушак Бацькаўшчыны» (АПБ) разам з Міністэрствам адукацыі распрацавала вучэбна-метадычны комплекс «Дзікая прырода Беларусі" >>>




Каментаваць

Сустрэчы ў беларускіх школах

Літаратурная сустрэча са Станісалавам Суднікам пройдзе ў в. Дзітва Лідскага раёну Гродненскай вобласці 17 снежня.


Сустрэча на тэму “Сучасная лідская літаратура” адбудзецца перад школьнікамі мясцовай школы і распачнецца ў 12.00.


Юрый Малаш сустрэнецца са школьнікамі Заслаўя Мінскай вобласці 28 снежня.


Лекцыя для школьнікаў пройдзе на тэму “Язэп Драздовіч – невядомы пясняр Беларусі” ў СШ №1 і распачнецца ў 14.00.


Паводле budzma.org


Каментаваць

Майстар-класы па выцінанцы на Калядных узорах

У рамках штогадовай выставы Беларускага саюзу майстроў народнай творчасці “КАЛЯДНЫЯ ЎЗОРЫ” (Мінск, вул. Гікалы, д.4) праводзіцца шэраг майстра-класаў па выцінанцы.


Дзяліцца сакрэтамі свайго майстэрства будзе Вольга Бабурына.


Тэматыка наступная:

18.12.2009 (пятніца), з 17.00 да 19.00 – “СНЯЖЫНКІ. РАЗЕТКІ” Спосабы складванняў; прыёмы выстрыгання; як зрабіць сняжынку прыгожай.


25.12.2009 (пятніца), з 17.00 да 19.00 – “КАРУНКІ. ГІРЛЯНДЫ” Карагоды, падвескі, упрыгожванні на вокны.


08.01.2010 (пятніца), з 17.00 да 19.00 – “СВЯТОЧНАЕ ДРЭВА” Гэта можа быць не толькі навогодняя ялінка, але і Ваша ўласнае чароўнае дрэўца жаданняў.


15.01.2010 (пятніца), з 17.00 да 19.00 – “ВІНШАВАЛЬНАЯ ПАШТОЎКА” Святы скончыліся? – Не. Яшчэ цэлы год наперадзе! Павіншуйце сябра ўласнай паштоўкай.


22.01.2010 (пятніца), з 17.00 да 19.00 – “РАМКА ДЛЯ ФОТАЗДЫМКА” Абыйдземся без фоташопу, каб зрабіць віньетку для фота. Дастаткова будзе паперы ды нажніц.


Кожны майстра-клас прадугледжвае знаёмства з рознымі сваеасаблівасцямі выцінанкі. Таму калі Вы наведаеце ўсе 5, гэта зусім не пашкодзіць.


Кошт майстар-класу – 7500руб.


Пры сабе мець: нажніцы вострыя (маленькія і вялікія), паперу каляровую, ды паперу белую, белы картон, клей-аловак, просты аловак.


Паводле budzma.org



Каментаваць

Валанцёрскі праект у Іспаніі

Грамадская арганізацыя «Фіальта» (Беларусь) і арганізацыя Ser Joven – (Іспанія) запрашаюць валанцёраў на доўгатэрміновы валанцёрскі праект тэрмінам на 1 год. (пачатак 1.01.2011 і заканчэнне 1.01.2012) ў Іспаніі, г. Сантандэр


Сайт прымаючай арганізацыі www.ser-joven.org


Асноўныя задачы валанцёраў падчас праекту:

-дапамога ў арганізацыя пазашкольных мерапрыемстваў для дзяцей ва ўзросце 6–12 гадоў. Валанцёр будзе працаваць разам з іспансікмі калегамі, якія будуць яго\яе суправаджаць і навучаць працы з дзецьмі ў вольны час.


-дапамога ў дзейнасці гадлёвага латка падчас кірмашоў.


Асноўныя патрабаванні для кандыдатаў:


-Быць ва ўзросце 18 гадоў

-Валодаць размоўнай англійскай ці іспанскай мовай

-Быць гатовымі працаваць на карысць мясцоваму насельніцтву

-Жадаць атрымаць новы жыццёвы, валанцёрскі досвед

Праект фінансуецца за кошт праграмы Еўрапейскага Саюза праграмы «Моладзь у Дзеянні". Валанцёру аплочваюцца выдаткі на пражыванне, праезд і кошт візы. Штомесяц валанцёру будуць выдавацца невялікія кішэнныя грошы і грошы на ежу.


Валоданне іспанскай мовай не з'яўляецца абавязковым, на працягу першых трох месяцаў валанцёр зможа наведваць інтэнсіўныя моўныя курсы.


Падчас валантэрыяту ўдзельнік не можа ўладкоўвацца на працу і па сканчэнні тэрміна праекта мусціць вернуцца ў сваю краіну.


Для таго каб стаць удзельнікам праекта, кандыдаты павінны запоўніць заяўку і рэзюмэ (у вольнай форме) на англійскай ці іспанскай мове і даслаць не пазней за 17.12.2009 на паштовую скрыню evsbelarus.@gmail.com



Каментаваць

Конкурс эсэ па правах чалавека


10 снежня 2009 году ў Дзень правоў чалавека Фонд развіцця прававых тэхналогій і Цэнтр прававой трансфармацыі абвесцілі конкурс эсэ па правах чалавека.


Конкурс накіраваны на падтрымку самастойных даследаванняў па пытаннях забеспячэння і абароны правоў чалавека ў Беларусі.


Да ўдзелу ў конкурсе запрашаюцца студэнты, магістранты і аспіранты ўсіх гуманітарных спецыяльнасцяў.


Работы прымаюцца на адрас: lawessay2010@gmail.com


Апошні тэрмін падачы працаў: 1 сакавіка 2010 году.


Падрабязная інфармацыя аб конкурсе размешчаная на сайце lawtrend.org


Паводле рассылкі belngo.info



Каментаваць

Варшаўская вандроўка, або чым польская школа адрозніваецца ад нашай.

Алена Вінчэўская
Кожная магчымасць выехаць і ўбачыць свет для мяне – падарунак лёсу. У гэты раз падарунак і лёс у асобе Настаўнік.інфо і праграмы «Спрыянне развіццю найноўшых метадаў адукацыі" перанеслі мяне ў Варшаву. Мэта – убачыць, як на практыцы выкарыстоўваюць метад АА* (актыўнай ацэнкі)  польскія настаўнікі, пазнаёміцца с сістэмай адукацыі ў Польшчы.
Школьная адукацыя максімальна прыстасавана да патрэб вучня і сітуацыі развіцця свету!
Першае, што мяне ўразіла – разняволеная атмасфера ў школе. Дзеці без формы, настаўнікі ў выгодных джынсах на ўроках сядзяць на стале і пацягваюць з кубачка каву, класы без “афрарамонту” аформлены дзіцячымі праектамі па тэме ўрокаў або выхаваўчых гадзін. Школьнае жыццё ідзе павольна, без напругі і перабольшанай рэгламентаванасці, якую ў нас называюць “парадкам”.
Класныя журналы аформлены рознымі колерамі на адным лісце па прадмету, ёсць школы дзе няма званкоў – усе самі трапляюць на заняткі.
Чытаць далей/Каментаваць

Адукацыйнае аб’яднанне Еўропы

Наталля Арцёменка
Паводле pdf-часопісу “Новая Эўропа”

Адмова ад удзелу ў Балонскім працэсе прыводзіць Беларусь да адукацыйнай і прафесійнай самаізаляцыі.
46 дзяржаў падпісалі Балонскую дэкларацыю для стварэння адзінай еўрапейскай прасторы вышэйшай адукацыі. У межах праекта яны дапасоўваюць свае структуры, выпрацоўваюць прынцыпы ўзаемнага прызнання кваліфікацый, каб павысіць якасць адукацыі і павялічыць мабільнасць студэнтаў ды выпускнікоў. У адрозненне ад усіх мяжуючых з ёй краін Беларусь дагэтуль ігнаруе гэтую ініцыятыву.

Працэс адукацыйнай еўраінтэграцыі распачаўся ў 1999 годзе з прыняцця Балонскай дэкларацыі. Тады яе падпісалі міністры, адказныя за вышэйшую адукацыю, з 29 краін, а за чарговыя 10 гадоў да Балонскага працэсу далучыліся яшчэ 17 дзяржаў. Прычым сярод іх не толькі тыя, якія цяпер уваходзяць у Еўрапейскі Саюз, але і, напрыклад, Арменія, Азербайджан, Грузія, Расія або Украіна.

Сёння Балонскі працэс ахоплівае даволі шырокі спектр адукацыйных пытанняў. Засяродзімся на трох асноўных яго прыярытэтах: увядзенні трохузроўневай сістэмы вышэйшай адукацыі, прызнанні кваліфікацый ды перыядаў адукацыі, а таксама гарантыі якасці.



Чытаць далей/Каментаваць

Бюлетэнь «Настаўнік.інфо» №12–13

Новыя выпускі настаўніцкага бюлетэня прысвечаныя метаду актыўнай ацэнкі – збору і крыніцы многіх «дыдактычных радасцяў", як казалі ўдзельнікі летняга метадычнага семінара «Эфектыўныя метады матывацыі і ацэнкі. Азнаямленне з метадам Актыўнай Ацэнкі". Матэрыялы бюлетэня складзеныя паводле кнігі польскай метадысткі Дануты Стэрны «Актыўная ацэнка ў практыцы» і асвятляюць такія элементы методыкі, як зваротная сувязь, узаемная ацэнка і самаацэнка, выкарыстанне «наштобузу» і выніковых сказаў ды іншыя.


Спампаваць «Настаўнік.інфо» №12 (pdf, 513 КБ)



Спампаваць «Настаўнік.інфо» №13 (pdf, 312 КБ)



Каментаваць

Серыя асветніцкіх лекцый

У суботу 12 снежня пачынаецца цыкл асветніцкіх лекцый па беларускай гісторыі і культуры.


Распачынаюць праграму 2 лекцыі:
16.00 – слайд-лекцыя па культуры Беларусі «Культурная спадчына Беларусі: з мінуўшчыны ў будучыню», якую правядзе краязнаўца, экскрусавод і музыка Аляксей Фралоў.
18.30 – лекцыя-прэзентацыя па беларускай гісторыі «Вытокі Беларусі" гісторыка, культуролага і паэта Алеся Спіцына.


Лекцыі пройдуць па адрасе: вул. Машэрава (былая Варвашэні), 8. Уваход вольны.


У адукацыйную праграму акрамя гісторыі і культуры Беларусі ўвойдуць кароткія курсы паліталогіі, эканомікі, праваабароны, лідэрства ды іншых дысцыплінаў.


Тэл. для кантактаў: +375–29–571–26–11 /+375–29–307–27–13 (Валерыя)


Паводле рассылкі belngo.info



Каментаваць

Медыйныя курсы «Новыя медыі"

Актывісты беларускіх НДА запрашаюцца прыняць удзел у 5-дзённых медыйных курсах, падчас якіх яны атрымаюць новыя веды ў галіне мультымедыйных тэхналогій, навучацца асновам стварэння IT-праектаў, новым анлайн стратэгіям і г.д.


Час правядзення курсаў: 24–29 студзеня 2010 г. 

Месца правядзення: Прага (Чэхія).


Мова курсаў — англійская.


Усе выдаткі кампенсуюцца арганізатарамі мерапрыемства.


Апошні тэрмін падачы заявак: 20 снежня.


Заяўку неабходна запоўніць анлайн: http://forms.tol.cz/form/41/


Больш інфармацыі пра праект на англійскай мове вы можаце прачытаць тут: http://www.tol.cz/look/TOL/article_courses.tpl?IdLanguage=1&IdPublication=23&NrIssue=25&NrSection=10&NrArticle=20901


Паводле рассылкі belngo.info



Каментаваць

ГАДУЙМА БЕЛАРУСАЎ РАЗАМ!

У Мінску прайшла прэзентацыя мультымедыйнага дыска «Гадуем беларусаў».
Дыск стаў адказам на шматлікія запыты бацькоў і педагогаў, якім нестае якасных метадычных і дапаможных матэрыялаў па-беларуску, паведаміла рэдактарка парталу nastaunik.info. і ўкладальніца дыска Тамара Мацкевіч. Паводле яе слоў, «Гадуем беларусаў» – першы крок у стварэнні сучаснай навучальнай прасторы для беларускіх дзетак, гэтым разам для дашкольнікаў і малодшых школьнікаў.

Неўзабаве плануюцца яшчэ дзве часткі складанкі, адрасаваныя педагогам, бацькам ды вучням сярэдняй і старэйшай школы. Больш за сто аўтараў ахвяравалі свае напрацоўкі ў дыск. У ім можна знайсці канспекты школьных урокаў і пазакласных заняткаў, п’есы для школьнага тэатра і сцэнарыі святаў, тэксты чытанак і песень, ноты і караоке, фанаграмы, дыяфільмы, навучальныя кліпы, мультфільмы, гульні, размалёўкі і шмат чаго іншага.

Навуковы супрацоўнiк Нацыянальнага iнстытута адукацыi Алеся Чарняўская падкрэсліла, што сучасны стан адукацыі па-беларуску як для дашкольнікаў, так і малодшых школьнікаў, амаль цалкам рускамоўнае атачэнне патрабуюць ад бацькоў і педагогаў рашучых крокаў, каб дапамагчы дзеткам з маленства адчуць чароўнасць беларускай роднай мовы. “Таму дыск «Гадуем беларусаў» павінен стаць «настольнай кнігай» шматлікіх зацікаўленых выхавальнікаў, настаўнікаў і асабліва бацькоў, што імкнуцца выгадаваць чалавека, які з гонарам прамаўляе «Я – беларус»”.
На здымку Тамаш Сідаровіч і Адась Матафонаў, чые галасы гучалі не толькі на прэзентацыі, але і запісаны на дыску «Гадуем беларусаў"


Чытаць далей/Каментаваць

Конкурс па метадах тэхнічнай і прафесійнай адукацыі


У межах праграмы «Investing in People» Еўрасаюз абвяшчае конкурс «Распрацоўка методык тэхнічнай і прафесійнай адукацыі ды паслуг у нефармальнай эканоміцы».


Мэтай праграмы з'яўляецца палягчэнне людзям усіх узростаў (уключна з дзецьмі) доступу да адукацыі з мэтай падвышэння ўзроўню ведаў і фармавання навыкаў, якія пашыраюць магчымасці працаўладкавання і стымулююць актыўнасць насельніцтва.


Дакументы для афармлення заявак глядзіце на сайце, https://webgate.ec.europa.eu/europeaid/online-services/index.cfm?ADSSChck=1259685792660&do=publi.detPUB&searchtype=QS&ord


Апошні тэрмін падачы заявак: 25 студзеня 2010 году.


Паводле рассылкі belngo.info



Каментаваць

Агляд адукацыйных навінаў



– Як і колькі зарабляюць беларускія настаўнікі? >>>


– Памылка Радзькова: у Францыі размеркавання няма.


– Каго рыхтуюць беларускія ВНУ? >>>


– У Полацкім універсітэце адкрылася ўласная кінастудыя >>>


– Школьнікі Даніі цяпер могуць карыстацца Інтэрнэтам на экзаменах >>>


– Прэзідэнт Еўрапарламенту ахвяраваў прэмію ЕГУ >>>


– У Мінску прайшоў круглы стол па пытаннях нефармальнай адукацыі >>>




Каментаваць

Запрашаем педагогаў-дашкольнікаў, настаўнікаў малодшых класаў, метадыстаў, бацькоў, школьных бібліятэкараў на прэзентацыю дыска метадычных і дапаможных матэрыялаў “Гадуем беларусаў”

Першая частка складанкі “Гадуем беларусаў” змяшчае матэрыялы для дашкольнікаў і малодшых школьнікаў. У яе ўвайшлі напрацоўкі больш чым 100 чалавек: метадычныя матэрыялы, распрацоўкі ўрокаў і пазакласных заняткаў, сцэнарыі святаў і школьных спектакляў, чытанкі, песенькі, ноты, караоке, фанаграмы, дыяфільмы, навучальныя кліпы, мультфільмы, гульні, размалёўкі і шмат чаго іншага.
Падчас прэзентацыі плануюцца выступы прадстаўнікоў розных дзіцячых выданняў, а таксама музыкаў, аўтараў матэрыялаў і стваральнікаў дыска.
Дыск укладзены пры дапамозе партала для настаўнікаў Nastaunik.info і супольнасці «Нашыя дзеткі".
Прэзентацыя адбудзецца 10 снежня ў 17.00 у Дзяржаўным музеі гісторыі беларускай літаратуры (Багдановіча, 13).

Каментаваць

Новае на сайце

Зборнік артыкулаў «Выбітныя дзеячы Наваградчыны»

Падборку надзвычай цікавых артыкулаў аб выдатных навукоўцах, грамадскіх дзеячах, мастаках ці проста незвычайных людзях, якія паходзяць з Наваградчыны, даслала нам настаўніца англійскай мовы гімназіі №5 Валянціна Быстрык.

Артыкулы прысвечаныя такім вядомым-невядомым людзям, як Адам Міцкевіч, рэлігійныя дзечы Язэп Руцкі, Андрэй Волян, Леў Гарошка, удзельнікі паўстання 1863 г. Уладзімір Барзабагаты і Адам Пуслоўскі, лекарка Саламея Русецкая ды іншыя.


Спампаваць матэрыял (zip, 150 КБ)



Каментаваць

Выстава і майстар-клас «Коміксы для ўстойлівага развіцця»

4 снежня 2009 году ў 17.00 у Мінскім міжнародным адукацыйным цэнтры ім. Ёханэса Раў (прасп. газеты «Праўда», 11) адкрылася выстава «Коміксы для ўстойлівага развіцця». Выстава арганізавана экалагічным таварыствам «Зялёная сетка» пры падтрымцы Кардынацыйнага цэнтра «Адукацыя ў інтарэсах устойлівага развіцця» МДЭУ ім. А.Д. Сахарова, Global Action Plan (GAP-international) і Swedish Institute (SI) і з'яўляецца часткай праграмы па распаўсюдзе дзеянняў для ўстойлівага ладу жыцця ў рамках Дэкады ААН па Адукацыі для ўстойлівага развіцця.


На выставе прадстаўленыя коміксы, створаныя дзецьмі і дарослымі на майстар-класах пад кіраўніцтвам швецкага мастака Эсб'ерна Ёрсатэра.
Выставу можна будзе наведаць да 7 снежня.

На майстар-клас «Коміксы для ўстойлівага развіцця» запрашаюцца ўсё, хто займаецца распаўсюдам ідэй устойлівага развіцця (выкладчыкі, студэнты, экалагічныя актывісты) і жадае папоўніць сваю творчую скарбонку сучаснай і папулярнай ва ўсім свеце тэхнікай стварэння коміксаў.


Тэма майстар-класа: «Змена клімату».

У праграме:

– магчымасці выкарыстання коміксаў у педагогіцы Адукацыі ў інтарэсах устойлівага развіцця, у сацыяльных і экалагічных праектах;

– уводзіны ў тэорыю і практыку стварэння коміксаў: распрацоўка сцэнара, стварэнне персанажа, тэхнікі малявання, стварэнне вокладкі для коміксаў, падрыхтоўка коміксаў для друку ў часопісе;

– стварэнне ўласнага коміксу па тэме «Змена клімату».

Для ўдзелу ў семінары просім выслаць заяўку з указаннем Ф.І.І.п.б, арганізацыі, кантактных тэлефонаў на адрас: esd.bel@gmail.com.

Выйшаў з друку Англа-беларускі парэміялагічны слоўнік

У слоўніку апісваюцца каля 300 англійскіх прыказак, якія ўжываюцца ў сучаснай англійскай мове, і больш за 1300 эквівалентных ім беларускіх парэмій. Беларускія прыказкі падаюцца паводле павелічэння іх семантычных і лексічна-граматычных адрозненняў ад англійскіх парэмій. У канцы слоўніка змешчаны спіс англійскіх прыказак, іх лексічны паказальнік, алфавітны спіс беларускіх адпаведнікаў, які дазваляе карыстацца слоўнікам у адваротным парадку.


У Мінску гэты слоўнік можна набыць ў кнігарні «Эўрыка» (вул. Куйбышава, 75).


Паводле slounik.org



Каментаваць

Праграма «Еўрапейцы за мір»

Праграма «Еўрапейцы за мір» фінансуе супрацоўніцтва маміж школамі альбо пазашкольнымі ўстановамі з Германіі і Усходняй Еўропы, якія жадаюць рэалізаваць сумесны праект. Правядзенне праектаў плануецца з ліпеня 2010 па ліпень 2011 гг.


Тэмай праектаў мусяць стаць парушэнні правоў чалавека, якія адбываюцца ў дадзены момант, і тое, як і што кожны паасобку можа зрабіць для абароны правоў чалавека. Праекты мусяць акрэсліць канкрэтныя парушэнні правоў чалавека і паказаць, хто і якія арганізацыі дапамагаюць змагацца з гэтым. Удзельнікамі праектаў могуць быць маладыя людзі ва ўзросце ад 14 да 21 году.

Апошні тэрмін падачы заявак: 15 студзеня 2010 году.


Дакументы для падачы заявак і падрабязная інфармацыя аб праграме знаходзяцца на сайце: www.europeans-for-peace.de/index.php/ru/home/news



Паводле рассылкі belngo.info



Каментаваць

Агляд адукацыйных навінаў



– У Беларусі будзе створаная Асацыяцыя даследчыкаў зместу дашкольнай, агульнай і спецыяльнай сярэдняй адукацыі >>>


– Новыя абліччы ПТВ: паводле словаў міністра, у ПТВ зніжаецца злачыннасць і ўзмацняецца прыхільнасць да здаровага ладу жыцця, плануецца паглыбіць вывучэнне замежных моў і наогул, пераўтварыць ПТВ у ліцэі.


– Школьнік з Магілёва высветліў свой радавод да сёмага калена. >>>




Каментаваць

Сайт «Народныя казкі для дзетак»

У сеціве з’явіўся яшчэ адзін беларускамоўны дзіцячы сайт — «Народныя казкі для дзетак». Ён быў ствараны па ініцыятыве ЮНІСЕФ у Беларусі.


«Дзяцінства немагчыма ўявіць без казкі, таму што слухаць казкі, якія табе расказваюць тата і мама, бабуля ці дзядуля — гэта адно з правоў, запісаных у Канвенцыі аб правах дзіцяці. У ёй сказана, што дзіця мае права на зносіны і на ўвагу, на паўнавартаснае развіццё, самавыяўленне, на адпаведную свайму ўзросту і зразумелую ў гэтым узросце інфармацыю, а таксама на вывучэнне культуры свайго народа. Усё гэта ёсць у казках», — адзначае Юрый Аксамітны, прадстаўнік Дзіцячага фонду ААН (ЮНІСЕФ) у Беларусі.


На сайце змешчаныя народныя казкі «Аб каралевічу-чараўніку», «Бык і ваўкі», «Каваль і аднавокае гора», «Сынок з кулачок» і іншыя. Іх можна паслухаць альбо пачытаць. Спецыяльна для бацькоў разам з тэкстам казкі яшчэ падаюцца парады наконт правільнага чытання, а таксама каментары і тлумачальны слоўнік.


У асобным раздзеле размешчана кніжка-размалёўка. Яе можна спампаваць і раздрукаваць. У якасці гульняў дзіцёнку прапаноўваецца сабраць пазл.


Паводле Нашай Нівы



Каментаваць

Дапамога для старэння інтэрнэт-пляцоўкі па праблемах выхавання дзяцей і моладзі ў школе
Паважаныя калегі,
У наступным годзе плануецца адкрыць інтэрнэт-пляцоўку для кансультавання бацькоў, настаўнікаў, вучняў па розных пытаннях зязаных з выхаваннем дзяцей і моладзі ў школе. Да супрацоўніцтва будуць прыцягнутыя лепшыя спецыялісты Беларусі, Польшчы, Украіны, Расіі. Зараз ідзе праца па адбору найбольш патрэбных тэмаў, якія хвалююць бацькоў і настаўнікаў у гэтых краінах.
Калі ласка, запоўніце анкету і дашліце яе на адрас, указаны з бланку. Анкета добраахвотная і ананімная, а сабраная інфармацыя будзе скарыстаная выключна ў мэтах стварэння кансультацыйнага цэнтра ў Інтэрнэце (кансультацыі on-line) і публікацый, якія закранаюць праблемы выхавання дзяцей і моладзі.
Даследаванне праводзіцца Цэнтрам адукацыі лідэраў і выхавальнікаў ім. Педро Арупе ў супрацоўніцтве з Таварыствам беларускай школы.
У анкеце трэба падкрэсліць або вылучыць якім-небудзь іншым спосабам (знакам або колерам) патрэбны адказ.
Дашліце, калі ласка, запоўненыя анкеты на адрас centrum@arrupe.org  і/або nastaunik.info@gmail.com  да 10. 12.2009.

Дзякуй за дапамогу.

Анкета для настаўнікаў
Анкета для бацькоў

Каментаваць

Новае на сайце

Факультатыўны занятак для 3 класа «Роднае слова»


Факультатыўны занятак арганізаваны Аленай Пятроўнай Дакшанінай у форме прэзентацыі для бацькоў, дапаможа дзецям у спасціжэнні светапогляду і душы беларускага народа, яго гумару і таленавітасці з дапамогай народных прыказак і выслоўяў, казак і гульняў.


Спампаваць матэрыял (doc, 63 КБ)



Каментаваць

Запрашаем на семінар “Чэшскі досвед для Беларусі: Выкарыстанне відэаматэрыялаў у навучальным працэсе і пазакласнай працы”

Семінар адбудзецца ў г. Мінску 6 снежня 2009 г.

Пачатак 10:30.

Падчас семінара ўдзельнікі даведаюцца пра чэшскі досвед і метады працы з фільмамі, відэаролікамі, кліпамі, іншымі відэаматэрыяламі на ўроку і падчас пазакласных мерапрыемстваў і факультатываў. Беларускія і чэшскія выкладчыкі пазнаёмяць прысутных са сваімі распрацоўкамі, прыкладнымі сцэнарамі заняткаў, адкажуць на пытанні.

Акцэнт будзе зроблены на разбор відэаматэрыялаў па тэме «Правы чалавека. Метады выкладання ў школе», арганізатары плануюць атрымаць зваротную сувязь ад удзельнікаў і наладзіць супрацоўніцтва для падрыхтоўкі метадычнага відэадыска для беларускіх настаўнікаў.


Усім зацікаўленым прыняць удзел неабходна да 3.12.2009 даслаць заяўку на адрас: metodyka2009@gmail.com.

У заяўцы пазначце, сваё імя, прозвішча, навучальную ўстанову ці арганізацыю, кантактны тэлефон (каб з вамі мог звязацца наш арганізатар) і некалькі сказаў пра тое, як Вы плануеце выкарыстаць набытыя на семінары веды.


Колькасць месцаў абмежаваная, перавагу будуць мець тыя, хто раней даслаў заяўку.


Іншагароднім арганізатары кампенсуюць праезд пры наяўнасці білетаў.


Пытанні і заяўкі дасылайце на адрас metodyka2009@gmail.com


Кантактны тэлефон: (29)7524832 (МТС) — Вольга.



Каментаваць

Адукацыйныя візіты ў Польшчу для студэнтаў

Польска-Амерыканскі Фонд Свабоды, Фонд «Барусія», Калегія Усходняй Еўропы імя Яна Новака-Язеранскага, Фонд адукацыі для Дэмакратыі запрашаюць актыўных студэнтаў з Беларусі наведаць Польшчу з адукацыйным візітам.


Удзельнікам будзе прадстаўленая магчымасць пазнаёміцца з дзейнасьцю польскіх акадэмічных цэнтраў, грамадскіх арганізацыяў, сустрэцца з вядомымі грамадзкімі дзеячамі Польшчы, прыняць удзел у лекцыях, майстар-класах, культурных мерапрыемствах.


Праграма забяспечвае поўнае ўтрыманне ўдзельнікаў у Польшчы, уключна з пражываннем, харчаваннем ды навучаннем, а таксама аплатай праезду і садзеяннем у атрыманні візаў. Веданне польскай мовы не з'яўляецца абавязковай умовай для ўдзелу ў праграме.


Каб падаць заяўку на ўдзел, неабходна запоўніць форму, якая знаходзіцца на сайце http://www.borussia.pl/strony/aktualnosci/aktualnosci.html і даслаць яе на эл. адрас nabor2010@studytours.pl. На гэты ж адрас звяртайцеся па дадатковую інфармацыю.


Апошні тэрмін падачы заявак: 15 снежня 2009 году.

Паводле рассылкі belngo.info



Каментаваць

Таварыства беларускай мовы запрашае


Мінская гарадская арганізацыя ГА «Таварыства беларускай мовы імя Францішка Скарыны» запрашае моладзь да ўдзелу ў праекце «Дыялог», які прадугледжвае сустрэчы з вядомымі гісторыкамі, краязнаўцамі, фалькларыстамі ды мовазнаўцамі. Таксама ў межах праекту працуе дыскусійны клкб, дзе абмяркоўваюцца розныя актуальныя праблемы, у тым ліку пытанні гісторыка-культурнай спадчыны.


Усе мерапрыемствы праводзяцца кожны аўторак у 19.00 у сталічным офісе ТБМ па вул. Румянцава, 13.


Падрабязную інфармацыю аб мерапрыемствах у межах праекта «Дыялог» чытайце на сайце Таварыства беларускай мовы tbm.org


Паводле рассылкі belngo.info



Каментаваць

Агляд адукацыйных навінаў



– Сёння адноўленыя заняткі ў гомельскіх школах >>>


– У дзіцячых садках неўзабаве могуць з'явіцца стаўкі настаўніка >>>


– Беларускі праект «Экзамен.kz» прадстаўнікоў урада Казахстана >>>


– Міністр Радзькоў: «Зарплату педагогам неабходна павышаць за якасць іх працы». Праўда, па якіх крытэрах будзе рабіццца павышэнне, можна толькі здагадвацца. Можна ўзяць у якасці такіх паказчыкаў кілаграмы справаздачаў аб праведзеных патрыятычна-выхаваўчых мерапрыемствах, сярэдні бал вучняў, працэнт паступлення. Толькі якімі лічбамі апісаць тыя маральныя каштоўнасці, якія настаўнікі закладаюць вучням? >>>




Каментаваць

Круглы стол па нефармальнай адукацыі

Рэспубліканскае грамадскае аб'яднанне «Беларуская Асацыяцыя клубаў ЮНЭСКА» (РГА «БЕЛАЮ») запрашае прыняць удзел у круглым стале «Накірункі развіцця праграм нефармальнага навучання ў моладзевых летніках».

Круглы стол адбудзецца ў г. Мінску 8 снежня 2009 году (аўторак) з 15.00 да 17.00 у канферэнц-зале гасцініцы «Еўропа».

Да ўдзелу ў працы круглага стала запрашаюцца прадстаўнікі грамадскіх аб'яднанняў і дзяржаўных цэнтраў пазашкольнага навучання і выхавання, якія праводзяць летнія лагеры для дзяцей і моладзі з кампанентам нефармальнага навучання.



Чытаць далей/Каментаваць

Набор у вучэбны гурток

Сярэдневечны Вулічны Тэатр “DiGrease's Buffoon Theatre”
(www.medievalbelarus.org/bel/) запрашае ўсіх жадаючых ў вучэбны гурток па вывучэнню дысцыпліны Фізічнага тэатру і Сольнага
Танцавальнага Перфоманса.


У праграме навучання:


Рэлаксацыя, цялесныя тэхнікі, зняццё фізічных і ментальных заціскаў;

Кантактная імправізацыя;

Пантаміма;

Акрабатыка;

Сольны танцавальны перфоманс;

«Пластыка Пачвараў";

Спантанная імправізацыя;

Сцэнаграфія і драматургія спектаклю.

Заняткі па чацьверах, ў раёне Кіеўскага Скверу. Заняткі платныя,
узрост ад 14 гадоў.


Па пытаннях пішыце fireshow@tut.by



Каментаваць

Новае на сайце

Урок-гульня «Марскі бой»

Урок матэматыкі для 6 класа, прэзентаваны сёлета на метадычным летніку «Альхоўка». Аўтар – настаўніца Дзмітраўскай школы-садка Клічаўскага раёна Кунцэвіч
Раіса Уладзіміраўна.

Спампаваць прэзентацыю (ppt, 5,8 МБ)



Каментаваць

Новае на сайце

Асобы беларускай адукацыі: Галіна Сухава і Вольга Брыч
На гарбату да Настаўніка.інфо завіталі фіналісткі сёлеташняга «Крыштальнага жураўля», сталыя аўтаркі сайта — Галіна Сухава і Вольга Брыч. Якія, дарэчы, пазнаёміліся і пасябравалі акурат на нацыянальным конкурсе настаўніцкага майстэрства.
Галіна Сухава — настаўніца беларускай мовы і літаратуры ў гімназіі № 5 г. Віцебска.
Настаўнічае 15 гадоў — пасля Віцебскага дзяржаўнага педагагічнага інстытута.
На Nastaunik.info выкладзены яе матэрыялы: урок для 6 класа на тэму «Правапіс канчаткаў назоўнікаў 2 скланення адзіночнага ліку роднага склону»; тэхналагічная карта ўрока па беларускай мове для 9 класа па тэме «Канструяванне складаных сказаў з рознымі відамі сувязі частак, перабудова іх у іншыя граматычныя структуры»; матэрыялы для правядзення вучнёўскай канферэнцыі «Беларуская Атлантыда».

Вольга Брыч — настаўніца англійскай мовы ў школе № 1 г.Івацэвічы.
На «Настаўнік года-2009» стала самай маладой удзельніцай, увайшла ў дзесятку пераможцаў і была ўзнагароджана ганаровай граматай Міністэрства адукацыі.
Настаўнічае чатыры гады, пасля Мінскага дзяржаўнага лінгвістычнага ўніверсітэта.
Заняла другое месца ў конкурсе «Ноўтбук для актыўнага настаўніка».
На nastaunik-info выкладзены яе матэрыялы: цыкл урокаў англійскай мовы «Цудоўны свет музыкі»; агляд выкарыстання кейс-метада на прыкладзе вывучэння тэмы «Прэса Вялікабрытаніі».

Поўны тэкст інтэрв'ю

Праграма студэнцкага абмену UGRAD на 2010–2011 акадэмічны год

Праграма абмену для студэнтаў вышэйшых навучальных установаў (UGRAD) з'яўляецца праграмаю Бюро па справах адукацыі і культуры Дзяржаўнага дэпартаменту ЗША ды адмініструецца Радай міжнародных навуковых даследаванняў і абменаў (IREX). Праграма дае магчымасць студэнтам першых, другіх і трэціх курсаў з Беларусі навучацца на працягу акадэмічнага году ва універсітэтах альбо двухгадовых ці чатырохгадовых каледжах ЗША. Удзельнікі адбіраюцца шляхам адкрытага конкурсу.



Чытаць далей/Каментаваць

Агляд адукацыйных навінаў

– Мінадукацыі: Чвэрць школаў закрытыя з-за высокага ўзроўню захворванняў
>>>


– Радзькоў: Сярод выпускнікоў стала модным ехаць у вёску па размеркаванні
>>>


– Распрацаваная новая праграма развіцця вышэйшай школы >>>


– Ідэолагі па працы з моладдзю з'явяцца нават у прыватных кампаніях
>>>


– Студэнтаў-платнікаў адмысловым чынам «прараўнялі" да бюджэтнікаў >>>


– Унучку Лукашэнкі датэрмінова прынялі ў піянеры >>>



Каментаваць

Конкурс сачыненняў на англійскай мове

Абвешчаны міжнародны конкурс сачыненняў на англійскай мове. У конкурсе маюць права прымаць удзел усе, хто вывучае англійскую мову, незалежна ад узросту. Тэматыка сачыненняў і ўзровень ведання мовы не абмяжоўваецца.


Дэдлайн – 28 лютага 2010 году.


Падрабязная інфармацыя – http://kariera.by/post-716/


Паводле kariera.by



Каментаваць

Экалагічная стажыроўка ў Сіэтле

EarthCorps запрашае лідэраў экалагічных арганізацыяў да ўдзелу ў шасцімесячнай экалагічнай навучальнай праграме ў Сіэтле (штат Вашынгтон, ЗША). Напрамкі навучання: экалагічная служба, пабудова грамадзянскай супольнасці, развіццё лідэрскіх якасцяў.


Навучанне бясплатнае.


EarthCorps аплочвае ўдзельнікам праграмы страхоўку, пражыванне ў сем'ях, харчаванне, штомесячную стыпендыю, а таксама садзейнічае ў атрыманні навучальнай візы US J-1.


Запрашаюцца стажоры ва ўзросце ад 18 да 25 год, якія валодаюць англійскай мовай і не маюць судзімасцяў, маюць не меньш чым пяцігадовы досвед працы ў сферы экалогіі альбо не меньш за 4 гады навучання па адпаведнай спецыяльнасці. Пачатак праграмы – 2 чэрвеня 2010 году.


Дэдлайн для падачы аплікацыяў – 29 студзеня 2010 года.


Падрабязная інфармацыя тут: http://www.earthcorps.org/join_international.php


Паводле рассылкі belngo.info



Каментаваць

Мультымедыйны адукацыйны праект “Маладзевая акцыя мультымедыяў”

Асноўная ідэя праекту – данесці моладзі каштоўнасці, адказнасць і веды, якія нясе ў сабе прафесія журналіста.

“Маладзевая акцыя мультымедыяў” базуецца на партале http://www.mammedia.org, ахоплівае Польшчу, Беларусь, Украіну і разлічаны на школьную і студэнцкую моладзь з мэтай навучыць яе праз журналісцкую дзейнасць выпрацоўваць, фармуляваць і абараняць сваю грамадскую пазіцыю, а таксама ўплываць на свет вакол сябе.

Дэвіз праекта “Маю выбар. Маю ўплыў. Маю медыі” адлюстраваны на нашым партале http://www.mammedia.org, дзе зарэгістраваныя ўдзельнікі змогуць ствараць і публікаваць уласныя газэты: партал прапануе гатовыя і разнастайныя макеты газэт, з якіх застаецца толькі абраць адпаведны, напоўніць яго зместам і публікаваць – на партале ці ў друкаванай версіі. Праект прапануе таксама ўдзел у конкурсах і семінарах, якія ладзіць разам з партнэрамі фонд “Новыя медыі”, і вучобу непасрэдна ў аўтарытэтных журналістаў, у тым ліку за мяжой. Маладыя журналісты, сябры праекту МАМ, атрымаюць не толькі парады і дапамогу ад дасведчаных калег, але і змогуць камунікаваць паміж сабой, між сваімі рэдакцыямі на форуме партала.

Партал http://www.mammedia.org прадугледжвае адмысловую дыстанцыйную школу журналістыкі – электронныя лекцыі www.еlekcyi.org, пасля заканчэння якіх удзельнік атрымае веды і сертыфікат. Для актывістаў праекта будуць ладзіцца міжнародныя летнікі і стажыроўкі.

Праект МАМ прадугледжвае супрацу з настаўніцкім асяроддзем, кіраўнікамі журналістскіх школ і гурткоў.

Партал http://www.mammedia.org праекту МАМ рыхтуе разнастайныя конкурсы з узнагародамі для лепшых. Першы конкурс для рэдакцый пачнецца ў дзень старту – 16 лістапада 2009г. Кожнай рэдакцыі прапануем абраць сваё крэда (ці дэвіз) – а пазней аўтарытэтная камісія з журналістаў і прадстаўнікоў фонду вызначыць, наколькі ён адпавядае зместу газеты (прынамсі, на прыкладзе аднога нумару выдання).

Наступны конкурс працягнецца ад 1 снежня да 15 студзеня: будзе абірацца найлепшае святочнае, каляднае выданне.



Каментаваць

Новае на сайце

Сцэнар трэнінгу «Як стаць прадпрымальным»

Сцэнар трэнінгу будзе карысным як настаўнікам, так і метадыстам, школьным псіхолагам і сацыяльным педагогам для фармавання ўмення прыняцця рашэння і прадпрымальніцкіх навыкаў, умення аргументаваць і бараніць уласную думку. Падчас трэнінгу выкарыстоўваецца шэраг актыўных метадаў (мазгавы штурм, кейс-метад, «дрэва мудрасці", дэбаты).
Аўтар – польская метадыстка Уршуля Малек.


Спамаваць сцэнар (doc, 88 КБ)



Каментаваць

Гурток для бацькоў дзетак з асаблівасцямі

Вы выхоўваеце хворае дзіця? Сутыкаецеся з праблемамі? Ёсць пытаньні, на якія Вы не можаце знайсьці адказаў? Вам патрэбная падтрымка?

У межах праграмы навучальных гурткоў для дарослых у Гродне арганізуецца гурток для бацькоў, якія выхоўваюць дзяцей з асаблівасьцямі. На сустрэчах, якія будуць праходзіць раз на тыдзень, можна будзе падзяліцца сваімі праблемамі і пашукаць шляхі іх вырашэньня, абмяняцца досведам, атрымаць параду спецыяліста.

Заняткі гуртка распачнуцца, як толькі будзе сфармавана група.

За інфармацыяй звяртайцеся да арганізатараў па тэлефонах МТС: 868 53 44 (Аляксандра), 224 79 26 (Кацярына)

Паводле Кронікі грамадзкага жыцьця Гарадзеншчыны



Каментаваць

Ліст мінскага настаўніка Генадзя Лойкі міністру культуры

Паважаны спадар Міністар!


Прашу перавесьці справаводзтва, навучаньне і выхаваньне ў Менскай мастацкай вучэльні імя А. К. Глебава на беларускую мову. Будучыя беларускія мастакі, работнікі беларускае культуры, якія выпускаюцца з гэтай вучэльні, не валодаюць роднай беларускай мовай. Я працаваў там ад 3 верасьня 2008 г. да 2 верасьня 2009 г. і заўважыў, што вучні ў асноўным ня могуць зьвязаць і пару слоў па-беларуску, не кажучы ўжо пра выражэньне свае думкі. Колішні дырэктар, В. Ясюк, перавёў усё на другую дзяржаўную мову. Відаць, былі патрачаныя фінансавыя сродкі. Але гэтыя захады, як бачым, не паспрыялі ані глыбейшаму навучаньню, ані выхаваньню павагі да роднае мовы.


Другая мая просьба датычыць кадравай палітыкі дырэктара Аляксандра Валер’евіча Шантаровіча. Са мною не працягнуты працоўны кантракт. Паводле закону, дырэктар мае права нават не тлумачыць за што. Але для мяне прычына відавочная – мае выразныя, ні перад кім не хаваныя дзеяньні па абароне беларускай мовы. Такім чынам, дырэктар даў урок сваім падначаленым – калі хтосьці паспрабуе адстойваць беларускую мову як Лойка, дык таксама апынеца беспрацоўным.



Чытаць далей/Каментаваць

Агляд адукацыйных навінаў

– Нягледзячы на настойлівыя рэкамендацыі медыкаў, заняткі ў мінскіх школах было вырашана аднавіць. Але ў школы прыйшло меньш за палову вучняў. Тым часам у Брэсцкай вобласці прыпыненыя заняткі яшчэ ў чатырох навучальных установах.


– Міністэрства адукацыя не адступае ні на крок у школьнай рэформы: скарачэння зімовых і вясенніх канікулаў не плануецца, а «наганяць» праграму вучні будуць праз факультатыўныя заняткі.


– Зменены парадак падачы дакументаў пры паступленні. Цяпер інфармацыю аб колькасці пададзеных дакументаў можна будзе атымаць не пазней за 3 гадзіны да заканчэння прыёму >>>

– ЦТ-2010: рэгістрацыя па схеме «аднаго акна» >>>


– ЦТ-2010: тэсты, сейфы, таемныя сховы інстытута кантроля ведаў >>>


– К. Фарыно: «Рэпетытарства было, ёсць і будзе» >>>




Каментаваць

КОНКУРС “Беларускі Настаўнік 2009 года”

Рэспубліканскае грамадскае аб’яднанне “Таварыства беларускай школы” (ТБШ) з 2007 года сістэматычна праводзіць конкурс “Беларускі Настаўнік года”.

Сёлета абвешчаны чарговы конкурс. У ім могуць прыняць удзел педагогі усіх тыпаў адукацыйных і выхаваўчых устаноў (ад дашкольных да каледжаў), акрамя ВНУ, са стажам працы не менш за тры гады.

На кандыдата конкурса запаўняецца анкета рэкамендуючай арганізацыі, установы, або самім педагогам і дасылаецца да 12.12.09 на адзін з адрасоў: tbskoly@tut.by, або паштовы, які можна атрымаць па даведачным тэлефоне 8029–7520821.

Могуць дадавацца іншыя матэрыялы, што пацвярджаюць высокія вартасці кандыдата. Пры неабходнасці журы ТБШ можа наведаць установу канкурсанта.


Чытайце падрабязней на старонцы конкурса

Семінар для маладых журналістаў

Мінскі міжнародны адукацыйны цэнтр праводзіц цыкл семінараў на тэму журналісцкага даследавання ў
Інтэрнэце.


Да ўдзелу ў адукацыйным трэнінгу запрашаюцца маладыя журналісты і
пачаткоўцы. Семінар адбудзецца 25 — 26 лістапада гэтага году. Пачатак
заняткаў 25 лістапада ў 14.00 па адрасе: г. Мінск, пр-т Газэты «Правда», 11.


Падчас семінара будуць разглядацца тэарэтычныя і практычныя аспекты
камунікацый у Сеціве: як правільна сфармуляваць запыт, як падабраць
ключавое слова, як праверыць праўдзівасьць атрыманых зьвестак, як не прапусціць галоўнага ў вялікім аб’ёме інфармацыі… На гэтыя ды іншыя
пытанні ўдзельнікі атрымаюць адказы, якія дапамогуць ім пры напісанні
матэрыялаў.


Колькасць удзельнікаў абмежаваная. Для ўдзелу запоўніце фармуляр і дашліце яго да 18 лістапада 2009 г. на адрас wolf@ibb.by альбо накіруйце па факсе (017) 270–39–95.


Іншагароднім удзельнікам прадастаўляецца магчымасць размяшчэння ў гасцініцы бясплатна.


Фармуляр заяўкі і праграма семінара – у файлах Zajauka.pdf і Prahrama.pdf.


Паводле рассылкі belngo.info



Каментаваць

Рыцарскі клуб «Белы Тур» набірае хлапцоў і дзяўчат.


Клуб займаецца рэканструкцыяй войска быта, танцаў і культуры Вялікага Княства Літоўскага 15-га стагоддзя.

Чытаць далей

Суполка Nasaunik.info у сетцы vkontakte

Запрашаем настаўнікаў-карыстальнікаў vkontakte далучацца да групы Nastaunik.info: http://vkontakte.ru/club12939011

Новае на сайце

Метад актыўнай ацэнкі

Formative evaluation — навучальная (актыўная) ацэнка: ацэнка набытых ведаў і ўменняў, якая праводзіцца на працягу навучання; яе мэта – выялвіць праблемныя ўчасткі і адразу за іх узяцца; супрацьлеглавая выніковай ацэнцы.

Інавацыйная сістэма навучання, добра распрацаваная і апрабіраваная польскім Цэнтрам грамадзянскай адукацыі і Акадэміяй SUS, фактычна злучае розныя актыўныя метады ў адзіную сістэму ацэньвання працы вучняў. Асноўныя элементы такой сістэмы – гэта планаванне ўрока з асаблівай увагай да матывацыі навучання, вызначэнне дакладных крытэраў ацэньвання (т.зв. «наштобузу» – скар. ад «на што буду звяртаць увагу»), тэхніка задавання пытанняў, арганізацыя зваротнай сувязі з бацькамі і вучнямі, узаема- і самаацэнка навучэнцаў.


Метад актыўнай ацэнкі быў прадстаўлены настаўнікам падчас летніх метадычных семінараў і ўжо пачаў выкарыстоўваецца ў розных навучальных установах.



Прэзентацыя метада актыўнай ацэнкі (ppt, 1,5 МБ)

10 правілаў выкарыстання актыўнай ацэнкі (doc, 54 КБ)

«Што распавядаць вучням?» (doc, 28 КБ)

Прыклад выкарыстання «наштобузу» пры зваротнай сувязі (doc, 170 КБ)

Прыклад ліста да бацькоў (doc, 30 КБ)

Картка-план урока (doc, 32 КБ)

Прыклад плана ўрока (doc, 55 КБ)



Каментаваць

Бацькі Янкі Лапіцкага дамагліся працягу навучання сына на роднай мове


На колькі доўга і на якіх умовах гэта будзе адбывацца адказаць пакуль цяжка, бо пісьмовых адказаў на звароты бацькоў у Жодзінскі выканкам і Гімназію №1 – дагэтуль так і не паступала.


Аднак вучня, які па віне службоўцаў прапусціў цэлую навучальную чвэрць, нядаўна па тэлефоне запрасілі назад у Гімназію №1 для працягу беларускамоўнага навучання …


Нагадаем, што з-за неправамернага і дэструктыўнага бяздзеяння службоўцаў мясцовай і мінскай “выртыкалі” беларускамоўны вучань Янка Лапіцкі быў пазбаўлены права на адукацыю на роднай мове і не навучаўся ў Гімназіі №1 горада Жодзіна цэлую чвэрць.


Толькі пасля чарговага пісьмовага пратэсту бацькоў у бок Міністра Адукацыі Беларусі А.Радзькова і адказу на яго за подпісам намесніка міністра К.Фарыны, у якім урэшце з'явілася ўзгадка пра наяўную магчымасьць працягу беларускамоўнага навучаньня Янкі ў памяшканні Гімназыі №1 у Жодзіне – справа, здавалася, зрушыла з “мёртвае кропкі”.



Чытаць далей/Каментаваць

Новае на сайце

Бюлетэнь «Настаўнік.інфо» №11
Чарговы нумар інфармацыйна-метадычнага бюлетэня «Настаўнік. інфо» прысвечаны фіналістам  рэспубліканскага конкурсу прафесійнага майстэрства «Настаўнік года – 2009». Галіна Сухава і Вольга Брыч  дзеляцца прафесійнымі сакрэтамі, распавядаюць пра тое, дзе і як яны набіраліся майстэрства, разважаюць пра вучняў, ролю настаўніка, Беларусь. Традыцыйная рубрыка «Праграмы. Конкурсы. Абвесткі" змяшчае шмат карысных прапановаў для настаўнікаў і вучняў.
Спампаваць бюлетэнь (PDF, 920КБ)


Каментаваць

Конкурс праектаў сацыяльнага фонда “Шчырасць”

Сацыяльны фонд «Шчырасць», створаны па выніках ІІІ Сацыяльнага форуму (14–15 сакавіка, Магілёў), абвяшчае спабор праектаў у сацыяльнай сферы.

Мэта конкурсу – аказанне фінансавай падтрымкі праектам, скіраваным на дапамогу сацыяльна неабароненым групам насельніцтва, якія пацярпелі ад наступстваў сусветнага эканамічнага крызісу.

Да ўдзелу запрашаюцца мясцовыя і рэгіянальныя няўрадавыя арганізацыі, ініцыятыўныя групы, якія працуюць у сацыяльнай сферы.

Працягласць праектаў не абмежаваная, аднак вітаюцца кароткатэрміновыя і пілотныя праекты.

Заяўкі аб'ёмам ня больш за 5 старонак прымаюцца на e-mail rassylka@socfond.com.

Апошні тэрмін – да 9 лістапада.

Падрабязная інфармацыя і патрабаванні да зместу заявак даступныя на вэб-пляцоўцы http://socfond.com/fond/news/1/129.html

Паводле рассылкі belngo.info



Каментаваць

Настаўніца зарабляе 689 тысяч беларускіх рублёў
689 тысяч беларускіх рублёў – столькі складае сярэдні заробак супрацоўніка сферы адукацыі сёлета. Гэткую лічбу назваў намеснік міністра адукацыі Казімір Фарыно, выступаючы ў Палаце прадстаўнікоў. Ён сказаў, што міністэрства цяпер працуе над падвышэннем заробкаў. Але калі канкрэтна і наколькі падвысяць заробкі, сп. Фарыно не паведаміў. Між тым, дэпутатка Ларыса Кузняцова сказала, што па ўзроўні заробкаў адукацыйная галіна знаходзіцца толькі на пятым месцы ў сацыяльнай сферы. Кузняцова прывяла наступныя лічбы: калі ў чэрвені сярэдні заробак у галіне адукацыі складаў 680 тысяч бел. руб, то ў сферы турызму 1 млн.230 тысяч.
Старшыня парламенцкай камісіі ў адукацыі Ўладзімір Здановіч звярнуў увагу на тое, што моцна старэюць педагагічныя кадры. Прынамсі, аж 80% дактароў навук, якія працуюць цяпер у ВНУ Беларусі, перасягнулі 60-гадовы рубеж.
Паводле Радыё Свабода

Каментаваць

10 найбольш вядомых памылковых уяўленняў

На працягу дзесяцігоддзяў пакаленні дзяцей з розных крыніц чуюць рэчы, якія пры больш уважлівым разглядзе ператвараюцца ў міфы. Амерыканскі настаўнік Пол Джоўры выбраў дзесятку найбольш значных памылковых уяўленьняў аб свеце, распаўсюджаных у грамадстве.

Чытайце артыкул на старонцы generation.by

Агляд адукацыйных навінаў

– Навучанне ў мінскіх школах адновіцца 9 лістапада >>>


– У Бабруйску, нягледзячы на эпідэміялагічную сітуацыю, школьнікаў і рабочых прымушаюць хадзіць на хакей >>>


– Кодэкс аб адукацыі прыняты ў першым чытанні >>>


– Школьнікам прапануюць у якасці сродкаў ад грыпу часнык і «актыўныя перапынкі" >>>




Каментаваць

Школьныя канікулы падоўжылі да 6 лістапада.
У сувязі з ростам вострых рэспіраторных захворванняў учора было аб’яўлена аб працягу на тыдзень канікулаў для школьнікаў Мінска. Да Мінска можа далучыцца Маладзечна, Жлобін, Бабруйск і некаторыя гарады Брэстчыны. Аб гэтым заявіла галоўны дзяржаўны санітарны лекар Беларусі Валянціна Качан, перадае БЕЛТА. «Гэтыя рашэнні носяць лакальны характар, мы будзем прымаць іх для таго, каб не дапусціць распаўсюджвання эпідэмічных працэсаў сярод насельніцтва», – сказала яна. Валянціна Качан адзначыла, што медустановы рэгіструюць рост захворвання вострымі рэспіраторнымі віруснымі інфекцыямі да 30%. Хварэюць у асноўным дзеці.
Паводле tut.by

Каментаваць

Конкурс праектаў літоўска-беларускага супрацоўніцтва

Ghftrn LitPro ладзіць конкурс праектаў, скіраваных на развіццё
беларуска-літоўскага супрацоўніцтва ў сацыяльнай, культурнай, навуковай і
адукацыйнай сферах. У конкурсе маюць права прымаць удзел сябры супольнасці
Еўрапейскага гуманітарнага ўніверсітэту (гэта значыць – навучэнцы любой формы навучання альбо выкладчыкі, супрацоўнікі ЕГУ).


Правілы падачы праектаў, крытэры адбора і іншая інфармацыя даступныя на сайце LitPro
http://litpro.lt/index.php/permanent/studentspro/76-konkursokt2009


Дэдлайн – 22 лістапада 2009 г.


Паводле рассылкі belngo.info



Каментаваць

Конкурс «Цішоткі вольных беларусаў"

У межах конкурса “Цішоткі вольных беларусаў” прапануецца даць адказ на пытанне «Што мы ведаем пра свабоду, якой яе ўяўляем і хочам бачыць у Беларусі?" у форме малюнка (дызайнэрскага прынта) для майкі (цішоткі).


Да 29 лістапада на паштовую скрыню tishotka@tut.by арганізатары прымаюць
варыянты малюнкаў (прынтаў), якія далей, магчыма, знойдуць увасабленне
на цішотках беларусаў.


Пераможцы конкурсу атрымаюць ўзнагароджаньні за першае, другое і
трэцяе месца.


Усе конкурсныя работы будуць змешчаныя на афіцыйным сайце кампаніі: tishotka.blog.tut.by, таксама плануецца правядзенне выставы ў галерыі мастацтваў "Ў". Усе ўдзельнікі конкурсу па распрацоўцы малюнкаў пасьля яго заканчэння ў якасці падарункаў атрымаюць цішоткі з прынтамі пераможцаў.




Чытаць далей/Каментаваць

Агляд адукацыйных навінаў

– Мінадукацыі: правілы правядзення ўступнай кампаніі прайшлі праверку часам >>>


– Выйшла восем аўдыёкніг Караткевіча за раз >>>


– Беларускія ВНУ ўпершыню набіралі абітурыентаў у Расію >>>


– Немец перавёўся ў пінскую школу, каб вывучыць беларускую мову >>>


– Прыватныя ВНУ Беларусі абавяжуць ўзгадняць планы прыёму абітурыентаў з Мінадукацыі >>>




Каментаваць

Шукаем настаўніка беларускай мовы

У гімназію № 23 патрэбны настаўнік беларускай мовы вышэйшай альбо першай катэгорыі. Тэлефон працоўны 2848716. E-mail: gymn23@minsk.edu.by.


Паводле http://gymn23.minsk.edu.by/main.aspx?uid=19940

Трэнінг для кіраўнікоў праектаў і моладзевых лідэраў

Трэнінг “Еўрапейскае грамадзянства – курсы ў Францыі” адбудзецца 12–18 красавіка 2010 году.

Мэтавая группа: кіраўнікі праектаў, моладзевыя лідэры, моладзевыя работнікі.

Мэта – стымуляваць развіцьцё патрабавалнага (крытычнага), дэмакратычнага і еўрапейскага грамадства і падтрымка рэалізацыі і падвышэньне якасці праграмы «Моладзь у дзеянні»; падтрымка прафесійнага развіцця моладзевых работнікаў і лідэраў праз развіццё крытычнага разумення Еўрапейскага Грамадзянства і выкарыстанне яго патэнцыяла ў працы з моладзю.

Працоўная мова – англійская.
Апошні тэрмін падачы заявак – 2 лютага 2010 году.

Больш падрабязная інфармацыя па адрасе: http://www.european-citizenship.org/courses/, e-mail: eeca@salto-youth.net

Паводле Кронікі грамадзкага жыцьця Гарадзеншчыны



Каментаваць

Выстава творчасці студэнтаў і для студэнтаў

Моладзевая прафсаюзная група «Студэнцкая Рада» і моладзевае грамадскае аб’яднанне «Дзедзіч» ладзяць конкурс работ студэнцкай творчасці, вынікам якога стане студэнцкая выстава напярэдадні святкаваньня Міжнароднага Дня Студэнта – 17 лістапада.

Выстава пад назвай “Цяжка быць студэнтам” адбудзецца 7–8 лістапада ў адным з выставачных цэнтраў Мінску.

Удзельнікам прапаноўваецца рэалізаваць сябе і свае ідэі з дапамогай фотаздымкаў, малюнкаў, карцін, вершаў і любых рэчаў, якія можна лёгка зрабіць на парах і ў вольны ад іх час і якія раскрываюць наступныя тэмы:

* правы студэнтаў ва ўніверсітэце/інтэрнаце;

* адносіны ў трохкутніку студэнт-выкладчык-адміністрацыя;

* праблема самарэалізацыі/вольнага часу студэнтаў;

* беларускі студэнт і яго “адметнасць”/студэнт Беларусі ў будучыні.

Гэтыя тэмы не з'яўляюцца адзінымі магчымымі, таму творчасць і цікавы падыход вітаецца.




Чытаць далей/Каментаваць

Новае на сайце

Прэзентацыя «Старадаўнія сядзібы Гомельшчыны»

Матэрыял прэзентуе інфармацыю, сабраную вучнямі гомельскай гімназіі №10 пад кіраўніцтвам настаўніцы беларускай мовы і літаратуры Н.Ф. Васіленкі і кіраўніцы абласнога цэнтра краязнаўства і турызму І.У. Варапінавай

Спампаваць матэрыял (ppt, 2,2 МБ)


Каментаваць

Міжнародная школа правоў чалавека ў Мінску

«Студэнцкая Рада» пры падтрымцы Міжнароднай сеткі па правах студэнтаў і міжнароднага Моладзевага Праваабарончага Руху (МПД) запрашае Вас да ўдзелу ў праекце «Студэнт. Веды і дзеянне», які будзе праходзіць у лістападзе гэтага года ў Мінску.


Калі Вам цікава і Вы не абыякавыя да правоў студэнтаў, гатовыя ўдзельнічаць у вырашэнні актуальных грамадскіх праблем, злучаных з імі, тады гэтая праграма для Вас.


Мы прымаем заяўкі на ўдзел у Праграме ад кандыдатаў з Беларусі, Расіі і Украіны, не старэйшых за 30 гадоў. На асобных умовах могуць быць разгледжаны заяўкі з іншых краін.



Чытаць далей/Каментаваць

Імпрэзы ў беларускіх школах

Новы творчы тандэм у складзе Алеся Камоцкага і Антаніны Хатэнка правядзе культурніцкую сустрэчу са школьнікамі СШ №207 гораду Мінску 27 кастрычніка.


Сустрэча распачнецца ў 16.00 па адрасе: Рафіева, 103.


Чарговыя творчыя сустрэчы з артыстам і тэлевядучым “Новых падарожжаў дылетанта” на канале СТБ Юрыем Жыгамонтам маюць адбыцца 27 кастрычніка.


Актор сустрэнецца ў 13.30 з навучэнцамі СШ № 1 (вул. Савецкая, 7) Чашнікаў Віцебскай вобласці 26 кастрычніка і ў 13.00 – са школьнікамі СШ № 2 (вул. Панчука, 3) Новалукомля Чашніцкага раёну 27 кастрычніка.


Паводле budzma.org


Каментаваць

Культурніцкі візіт у ЗША

Для каго: падлеткі. Дзе: ЗША. Калі: ліпень 2010. Дэдлайн: 29/10/2009.


Удзельнікі будуць мець магчымасць пазнаёміцца з амерыканскай культурай і рэпрэзентаваць беларускую.


Падрабязная інфармацыя пра крытэрыі адбору ўдзельнікаў, заяўкі на ўдзел
і патрабаванні да кандыдатаў на старонцы
www.ycopportunity.org/webForms/index.php?frmno=38.


Вынікі адбору будуць вядомыя пасля 15 снежня.


Дэдлайн падачы заявак – 29 лістапада.

Паводле budzma.org


Каментаваць

Новае на сайце

Беларускі правапіс: традыцыі, пераемнасць і перспектывы

Прэзентацыя, падрыхтаваная Уладзімірам Куліковічам, кандыдатам філалагічных навук, змяшчае асноўныя параграфы новага закону аб правапісе, датычныя зменаў у арфаграфіі і пунктуацыі, а таксама супастаўляльную табліцу старых і новых правілаў напісання.


Спампаваць матэрыял (ppt, 700 КБ)



Каментаваць

Якую мову лічаць роднай магілёўскія школьнікі?

Як, вядома, у магілёўскіх школах няма ніводнага класа, дзе выкладанне вялося б па-беларуску. Бясспрэчна і тое, што абсалютная большасць шкаляроў Магілёва карыстаецца рускай мовай у паўсядзённым жыцці. А вось хто іх, нягледзячы на рускамоўнасць, лічыць роднай усё ж беларускую мову?


З нагоды правядзення рэспубліканскага перапісу насельніцтва настаўнік Юрась Каласоўскі вырашыў правесці апытанне наконт роднай мовы сярод вучняў адной з гімназій горада, у якой працую настаўнікам. І кожнаму з больш як сотні маіх вучняў 5–7-х класаў прапанаваў вызначыць сваю родную мову і аргументаваць уласны выбар.


Пры гэтым патлумачыў толькі, што родная мова – гэта тая, якую сам чалавек вызначае для сябе роднай па тых ці іншых прычынах. А значыць, чалавек можа і не размаўляць у паўсядзённым жыцці на той мове, якую лічыць роднай.

Чытайце падрабязней на старонцы ТБМ Магілёва




Каментаваць

Імпрэзы ў беларускіх школах

Паэтычны дуэт у складзе Эдуарда Акуліна і Леаніда Дранько-Майсюка выступіць перад шэрагам вясковых школ у Любанскім раёне Мінскай вобласці 12 лістапада.


СШ вёскі Загалле прыме паэтаў у 10.00, СШ вёскі Сосны – у 11.15, Палічынская вясковая школа – у 12.30 (в. Палічын), а ў 13.30 – СШ вёскі Малыя Гарадзяцічы.

Творчыя сустрэчы з Антанінай Хатэнка і Алесем Камоцкім маюць адбыцца ў Пружанах Брэсцкай вобласці ў музеі-сядзібе “Пружанскі палацык”, які знаходзіцца на вуліцы Урбановіча, 21 кастрычніка. Сустрэча ладзіцца ў “гасцёўні” і распачнецца ў 17.00.


Наступная сустрэча адбудзецца перад школьнікамі СШ в. Шані Пружанскага раёну 22 кастрычніка і распачнецца ў 11.30.

Паводле budzma.org


Каментаваць

Агляд адукацыйных навінаў

– Радзькоў: Прыём у ВНУ Беларусі і Расіі будзе паступова ўніфікаваны
>>>


– 16-гадовы хлопец зь Індыі заснаваў уласную школу для бедных дзяцей >>>


– Самая папулярная прафесія — антыкрызісны кіраўнік >>>


– Студэнтам-ядзершчыкам не далі павышаныя стыпендыі >>>


– У Падляшскім ваяводстве Польшчы беларуская мова прызнана афіцыйнай
>>>




Каментаваць

Новае на сайце

Тлумачальны слоўнік па інфарматыцы
Аўтар-укладалінік Мікола Савіцкі
Слоўнік-даведнік змяшчае больш за 2500 найбольш ужывальных тэрмінаў па інфарматыцы і вылічальнай тэхніцы. Кожны тэрмін прыводзіцца на беларускай і ангельскай мовах і даецца яго тлумачэнне на беларускай мове. Мэта слоўніка – спрыяць замацаванню беларускай тэрміналогіі па інфарматыцы і вылічальнай тэхніцы ў навуковай літаратуры і навучальным працэсе. Прызначаны для выкладчыкаў усіх тыпаў навучальных устаноў, аспірантаў, студэнтаў і школьнікаў. Можа быць карысным навукоўцам і спецыялістам рознага профілю ў галіне інфарматыкі і вылічальнай тэхнікі.
Спампаваць слоўнік (pdf, 1,9 Mb)


Каментаваць

Новае на сайце

Выкарыстанне знакавых мадэляў пры падрыхтоўцы да ЦТ
Прэзентацыя метада знакавых мадэляў і канкрэтных магчымасцяў яго выкарыстання пры падрыхтоўцы вучняў да цэнтралізаванга тэставання. Аўтар – настаўніца беларускай мовы і літаратуры гомельскай гімназіі №10 Наталля Жаўняк.

Спампаваць матэрыял (ppt, 216 КБ)



Каментаваць

Адукацыйная праграма для моладзі

Медыя-студыя ГА “Адукацыйны Цэнтр “ПОСТ” запрашае да ўдзелу ў адукацыйнай праграме “Правы чалавека і медыя-сродкі”.

Праграма складаецца з наступных частак:

– арыентацыйныя семінары (Мінск)

– медыя-трэнінг (Мюнстэр, Германія)

– міжнародны адукацыйны семінар (Ваймар, Германія)

– праца міні-групы па стварэнні медыя-прадуктаў, прысвечаных розным аспектам тэмы правоў чалавека

– круглы стол (Мінск).

Да ўдзелу ў праграме запрашаецца моладзь, зацікаўленая тэмай правоў чалавека і магчымасцямі працаваць з рознымі аспектамі гэтай тэмы праз СМІ.

Для ўдзелу ў адборы неабходна запоўніць анкету і адправіць на эл.адрас: post.mediastudio@gmail.com.

Апошні тэрмін – 22 кастрычніка.

Пра вынікі спрабору на ўдзел у праграме будзе паведамлена 24 кастрычніка.

Удзел у арыентацыйным семінары з’яўляецца абавязковай умовай удзелу ў праграме. Усе выдаткі за ўдзел у скмінары арганізатары бяруць на сябе.
Больш падрабязная інфармацыя – па тэл. +375 29 6532531 альбо e-mail post.mediastudio@gmail.com

Паводле Кронікі грамадзкага жыцьця Гарадзеншчыны


Каментаваць

Конкурс дыдактычных матэрыялаў «Давайце пазнаёмімся бліжэй з нашымі суседзямі"

Мэтай конкурсу з'яўляецца стварэнне і публікацыя новых дыдактычных матэрыялаў, якія дазволяць моладзі бліжэй пазнаёміцца з жыццём бліжэйшых суседзяў, іх культурай, гісторыяй і традыцыяй. Падрабязнасці конкурса і форму заяўкі на ўдзел глядзіце тут (zip, 156 КБ).
Каментаваць

Магілёўскі гурток беларускай мовы запрашае

Гурток беларускай мовы пры Магілёўскім ТБМ пачынае новы навучальны год. Чарговыя заняткі адбудуцца ў сераду 14 кастрычніка а 18–30.

Запрашаем наведаць заняткі усіх:


– хто хоча паглыбіць свае веды і болей карыстацца беларускай мовай;


– хто хоча далучыцца да беларускамоўнага асяроддзя і мець адпаведную моўную практыку;


– хто хоча вырвацца з абдымкаў канапы і тэлевізара і зрабіць крок да рэальнасці;


– хто хоча зразумець час і сябе.


– хто паважае краіну, у якой жыве.


– хто любіць гэтыя “ў”, “ь”, апостраф(‘) і памятае чорныя ад зямлі матчыны далоні.


Пачніце размаўляць па-беларуску – і вы будзеце зачараваны мілагучнасцю і багаццем адной з прыгажэйшых моў свету.


Кантактныя тэлефоны: Алена Асмакоўская (МТС – 8-0295–83–18-85; Velcom – 8-0293–74–38-52; гарадскі 45–90–39).

Таццяна Красоўская (Velcom – 8-0293–93–14-61, гарадскі 22–80–46)

Паводле budzma.org


Каментаваць

Праграма стыпендыяў Эдмунда Маскі

Праграма стыпендыяў Эдмунда Маскі (Muskie) для спецыялістаў з вышэйшай адукацыяй – гэта праграма аддзела адукацыі і культуры праграм Дзярждэпартаменту ЗША, якая адмініструецца IREX (Саветам па міжнародных даследаваннях і абменах).


Праграма прадастаўляе магчымасць спецыялістам з вышэйшай адукацыяй з Беларусі атрымаць магістарскую ступень ва універсітэтах ЗША. Удзельнікі адбіраюцца на аснове адкрытага конкурсу. Адабраныя ўдзельнікі праграмы пройдуць поўны акадэмічны курс: да двух гадоў навучання.


Праграма прадугледжвае навучанне ў амерыканскім універсітэце з атрыманнем магістарскай ступені па наступных спецыяльнасцях: кіраванне бізнэсам, эканоміка, юрыспрудэнцыя, дзяржаўнае кіраванне і дзяржаўная палітыка.


Апошні тэрмін падачы заявак: 2 лістапада да 17.00.


Падрабязная інфармацыя аб праграме, бланк анкеты-заяўкі, інструкцыя па запаўненні ды інфармацыйны флайер – на сайце:
http://www.irex.ru/programs/muskie/


Па дадатковую інфармацыю звяртайцеся да Наталлі Пятровай па тэл.у Маскве: (495) 234–01–44, e-mail: muskieprogram@irex.ru


Паводле рассылкі belngo.info



Каментаваць

Агляд адукацыйных навінаў

– Беларускі гуманітарны ліцэй пачаў заняткі >>>


– Віцебскі астраном-аматар Віталь Неўскі адкрыў астэроід і назваў яго ў гонар свайго настаўніка астраноміі Уладзіміра Голубева. >>>


– У школах і каледжах Францыі забаранілі карыстацца мабільнікамі >>>


– Выйшаў «Сучасны руска‑беларускі слоўнік для школьнікаў» >>>




Каментаваць

Анонс вучэбных курсаў ЮНЕСКА
Рэспубліканскае грамадскае аб'яднанне «Беларуская Асацыяцыя клубаў ЮНЭСКА» у кастрычніку – снежні 2009 гада праводзіць у г. Мінску два навучальных курсы для лідэраў і трэнераў клубаў ЮНЭСКА і партнёрскіх арганізацый па тэмах: «Эфектыўнае лідэрства ў малой групе: 7 крокаў для поспеху» і «Паспяховы моладзевы трэнер: абменьваемся досведам».
Для ўдзелу ў навучальных курсах неабходна запоўніць анкету-заяўку  ўсталяванай формы і адправіць у Сакратарыят не пазней 14 кастрычніка 2009 гада па электроннай пошце, указанай у анкеце.
Удзельнікі навучальных курсаў атрымаюць персанальнае запрашэнне на першую сустрэчу курсу не пазней 16 кастрычніка 2009 гады па электроннай пошце або па тэлефоне.
Каментаваць

Новае на сайце

Вучнёўская канферэнцыя «Беларуская Атлантыда»
Матэрыялы для правядзення вучнёўскай канферэнцыі, складзеныя настаўніцай віцебскай гімназіі №5 Сухавай Галінай, дапамогуць вучням усведаміць сябе часткай беларускага народу, паглядзеўшы на гісторыю, традыцыі і звычкі з розных пунктаў гледжання, вывучаючы спецыфіку ладшафту, нацыянальнай кулінарыі, спрабуючы зразумець менталітэт ("імідж") беларусаў і, вядома ж, яго палепшыць.

Спампаваць матэрыял (doc, 65 КБ)



Каментаваць

Прэзентацыя «Нацыянальная ідэнтычнасць вачыма беларусаў: хто мы і якімі мы будзем?»
Грамадская культурніцкая кампанія “Будзьма беларусамі!” у супрацоўніцтве з лабараторыяй “НовАК” ды інстытутам BISS (Літва) запрашаюць на прэзентацыю «Нацыянальная ідэнтычнасць вачыма беларусаў: хто мы і якімі мы будзем?», дзе будуць агучаныя вынікі даследавання сучаснага стану і тэндэнцыяў развіцця этнічнай ідэнтычнасці беларусаў, уплыву, які аказвае гэтае разьвіцьцё на дынаміку палітычных і грамадскіх працэсаў у Беларусі.


Прэзентацыя адбудзецца 12 кастрычніка ў Мінску.


Пра ўдзел у мерапрыемстве паведамце праз тэлефон + 375 29 337 20 54 альбо электронную пошту: razam@budzma.org

Паводле рассылкі belngo.info



Каментаваць

Трэнінг па Еўрапейскім грамадзянстве

Мэта – стымуляваць разьвіццё патрабавальнага (крытычнага), дэмакратычнага і Еўрапейскага грамадзянства і падтрымка рэалізацыі і павышэньня якасці праграмы “Моладзь у дзеянні”, прасоўванне праграмы і структур падтрымкі асобаў, якія працуюць з моладзю.

Мэтавая група: кіраўнікі праекта, моладзевыя лідэры, асобы, што працуюць з моладдзю.

Трэнінг ладзіцца ў Чэхіі 22–28 сакавіка 2010 года.

Апошні тэрмін падачы заявак – 12 студзеня 2010 года.

Больш падрабязную інфармацыю можна знайсьці на вэб-пляцоўцы па адрасе: http://www.european-citizenship.org/courses/, e-mail: eeca@salto-youth.net

Паводле Кронікі грамадзкага жыцьця Гарадзеншчыны



Каментаваць

Магілёўскі кінаклуб ТБМ 8 кастрычніка: рушым у казку!


Усе мы родам з дзяцiнства. Кожны, напэўна, сумуе па тых часах, калi жыццё было рoзнакаляровым i лёгка верылася у дзiвосы. Хаця б на гадзiну адарвацца ад рэчаiснасцi i патрапiць у краiну беларускай мультыплiкацыi прапаноувае Вам кiнаклуб ТБМ.


Разам паглядзiм сучасныя беларускiя мульцiкi, даведаемся нешта новае, абмяркуем уражаннi.


8 кастрычніка, 18.30. Палац Культуры Вобласцi.


Мы чакаем Вас. Будзе па-дзiцячаму цiкава!


Паводле budzma.org



Каментаваць

Імпрэзы ў беларускіх школах

Дудар Зміцер Сідаровіч і скрыпачка Таццяна Матафонава возьмуць удзел у шэрагу творчых сустрэчаў у Мінскай вобласці 10 і 13 кастрычніка.


10 кастрычніка творчы тандэм завітае ў мястэчка Кальчуны Ашмянскага раёну Мінскай вобласці і выступіць перад школьнікамі мясцовай сярэдняй школы ў 10.00


А ў 12.00 музыкі наведаюць СШ №3 у саміх Ашмянах.


Уваходы вольны.


13 кастрычніка Рудзенская сярэдняя школа Пухавіцкага раёну Мінскай вобласці прыме Змітра Сідаровіча на занятках беларускай мовы і літаратуры ў 10.00.

Паводле budzma.org



Каментаваць

Набор у моладзевую групу тэатру

Юнацкі тэатр “Рондстудыя” аб’яўляе набор падлеткаў ва ўзросце 13–18 год для ўдзелу ў моладзевай групе тэатру.


У праграме: акторскае майстэрства, пластыка, сцэнічны рух, удзел у пастаноўцы спэктакляў.


Навучанне бясплатнае. Дадатковая інфармацыя па тэлефоне (029) 851–45–76. Адрас: г. Менск, вул. Адзінцова, 10, ЦХТ.


Паводле budzma.org



Каментаваць

Канферэнцыя на тэму Другой сусветнай вайны

Няўрадавая арганізацыя «За грамадзянскую супольнасць» (Літва) і Каардынацыйная рада ініцыятываў па даследаванні злачынстваў камунізму і ўшанаванні памяці ахвяраў таталітарызму (Беларусь) запрашаюць прыняць удзел у канферэнцыі, прысьвечанай 70-годзьдзю пачатку 2-й сусветнай вайны: «Прычыны пачатку 2-й сусветнай вайны: роля камуністычнай і нацысцкай ідэалёгіяў. Праблемы барацьбы з таталітарнай спадчынай у сучасным грамадстве».


У праграме канферэнцыі: выступы гісторыкаў і грамадскіх дзеячоў, прагляд кінахронікі, дыскусія. Сярод выступоўцаў: кандыдат гістарычных навук Ігар Кузняцоў, dr.Paulius Saudargas (Літва); доктар гістарычных навук, праф. ЕГУ Алесь Смалянчук, чалец Праўлення БАЖ Аляксей Кароль, кандыдат гістарычных навук Юрась Бачышча. Таксама да ўдзелу запрошаныя вядомыя грамадскія ды палітычныя дзеячы.



Чытаць далей/Каментаваць

Даведнік «Твая адукацыя ў Еўропе» размешчаны на старонцы Еўракамісіі ў Беларусі


Поўны даведнік па адукацыйных стыпендыях, якія прапануе Еўрапейскі Саюз і 27 яго краінаў-сябраў, змешчаны на сайце Прадстаўніцтва Еўрапейскай Камісіі ў Беларусі. Мэтай даведніка з’яўляецца садзейнічаць мабільнасці сярод студэнтаў, а таксама заахвоціць большую колькасць беларускіх студэнтаў павучыцца некаторы час за мяжой, у краінах-сябрах ЕС.


У дадзены момант Еўрапейскі Саюз фінансуе важныя праграмы ў галіне адукацыі, такія як Tempus і Erasmus Mundus, якія садзейнічаюць мабільнасці сярод студэнтаў. Новая схема прысуджэння стыпендыяў “Акно Знешняга Супрацоўніцтва Эразмус Мундус” (Erasmus Mundus External Cooperation Window) яшчэ больш умацуе прыхільнасць ЕС да вышэйшай адукацыі і мабільнасці сярод выкладчыцкага складу. Новая схема прысуджэння стыпендыяў уключае ў сябе садзейнічанне мабільнасці на студэнцкім, магістэрскім, доктарскім і постдоктарскім узроўні, а таксама абмен выкладчыцкім складам у навучальных, даследчых і выкладчыцкіх мэтах.


Падтрымка гэтага даведніка з’яўляецца дадаткам да ўласнай традыцыі краінаў-сябраў ЕС па прысуджэнні стыпендыяў беларускім студэнтам і мае на мэце садзейнічанне ліквідацыі ўсіх перашкод для мабільнасці сярод студэнтаў. Упершыню ўся гэтая інфармацыя сабраная разам па ўсіх краінах-сябрах ЕС.


Беларускія студэнты не павінны забываць, што яны жывуць у Еўропе, і што ЕС зацікаўлены ва ўсталяванні цеснай сувязі з моладдзю сваёй краіны-суседкі. Гэта асабліва важна ў той час, калі адукацыю ўсё больш разглядаюць у якасці элемента, які адыгрывае цэнтральную ролю ў развіцці сучасных грамадстваў праз паляпшэнне сацыяльнага, культурнага і эканамічнага развіцця.


Даведнік можна спампаваць тут (PDF – 1,38 Мб)


Паводле http://www.delblr.ec.europa.eu/page2583.html



Каментаваць

Агляд адукацыйных навінаў

– Ці стане ў школах больш выдатнікаў? >>>

– У ЕГУ – новы навучальны год >>>

– У мінскія школы, садкі і бальніцы сёння прыйдзе цяпло >>>

– Украінскі ўрад абавязаў школы весці навучанне па-украінску >>>

– Гарадзенскія школьнікі – гледачы пад прымусам >>>

– Універсітэты “адбяруць” 40 мільёнаў у выпускнікоў, якія не даехалі на працу >>>




Каментаваць

Настаўнік года Юрый Андрэйчык: «Вучні мяне чамусьці не баяцца»
Настаўнік 2009 года, біёлаг Юрый Андрэйчык у інтэрв'ю «Камсамольскай праўдзе» расказаў, як ён стаў настаўнікам, і чаму ён лічыць прафесію настаўніка унікальнай і ... высокааплатнай.
Цалкам інтэрв'ю чытаць тут

Новае на сайце

Сцэнар свята «У госці да восені»

Сцэнар свята восені для дзяцей старэйшага дашкольнага і малодшага школьнага ўзросту, распрацаваны метадыстам Гродзенскай абласной станцыі юных натуралістаў  Святланай  Глембоцкай і надрукаваны ў часопісе «Пралеска».
Спампаваць сцэнар (doc, 85 КБ)

Паводле сайта З рога ўсяго многа

Каментаваць

Шаноўныя калегі!

Каманда Nastaunik.info шчыра віншуе вас з Днём Настаўніка!

Жадаем вам здароўя і моцы, добрых вучняў і разумных кіраўнікоў на ўсіх узроўнях!

Застаемся разам!

Патрэбная беларускамоўная выхававацелька

Садочку №545, што ва Уруччы, тэрмінова патрабуецца беларускамоўная выхавацелька (або выхавацель).
Кантакты: Таццяна Мікалаўна (загадчыца) 260–11–77, 260–15–38.

Паводле budzma.org



Каментаваць

Моладзевы навучальны візіт у Польшчу

Польская грамадская арганізацыя Цэнтр Супрацоўніцтва моладзі ў Гдыні, якая працуе з моладдзю, у супрацы з Гарадской Радай Гдыні ў снежні ладзіць праект “Навучальныя візіты і стажыроўкі для развіцця”, у межах якога будзе арганізаваны навучальны візіт для моладзі – студэнтаў і прадстаўнікоў грамадскіх арганізацый Малдовы, Грузіі, Украіны і Беларусі.

Узрост удзельнікаў – 18–25 гадоў.

Навучальныя візіты дапамогуць пазнаёміцца з Польшчай, даведацца пра адміністратыўную і адукацыйную сістэмы, пра ўрад, бізнсс, СМІ, грамадскія арганізацыі, культуру, гісторыю.

Інфармацыю ўдзельнікі атрымаюць падчас нефармальных сустрэч з людзьмі, якія працуюць у розных сферах і дасягнулі поспехаў.

У межах праграмы ладзяцца семінары, майстар-класы, лекцыі, экскурсіі па гарадах паўночнай Польшчы.

Кандыдаты на ўдзел мусяць даслаць анкету на эл.адрас civic.cwm@gmail.com

Апошні тэрмін падачы заяўкі – 11 кастрычніка.

Адабраныя кандыдаты атрымаюць падрабязную інфармацыю і запрашэнне на ўдзел па эл.пошце.

Больш падрабязна пра праект можна даведацца, звярнуўшыся на вэб-старонку www.cwm.org.pl


Паводле Кронікі грамадзкага жыцьця Гарадзеншчыны



Каментаваць

Адукацыйны візыт у Брусель

«Офіс за дэмакратычную Беларусь” (Бельгія) у партнерстве з Фондам развіцця прававых тэхналогій (Україна), Беларускім інстытутам стратэгічных даследаванняў (Літва) пры патрымцы Шведскага агенцтва па міжнародным супрацоўніцтве і развіцці ладзіць 23–26 лістапада адукацыйны візіт у Брусель па тэме “Палітыка Еўрасаюзу ў галіне навукі і адукацыі”.

Мэта візіту – стварэнне больш эфектыўных камунікацыйных каналаў з інстытутамі Еўрапейскага Саюзу, а таксама паляпшэнне разумення механізмаў функцыянавання Еўрапейскай камісіі, Рады ЕС і Еўрапарламента прадстаўнікамі дзяржаўных
устаноў, незалежных і камерцыйных арганізацый Беларусі. Акрамя агульнага азнаямлення са структурамі ЕС, адукацыйная праграма таксама адкрые перспектывы больш глыбокага вывучэння магчымасцяў супрацоўніцтва паміж Бруселем і Беларуссю ва ўзгаданай сферы.

Арганізатары зацікаўленыя ва ўдзеле прадстаўнікоў Міністэрства адукацыі РБ, навукоўцаў і даследчыкаў, парламентарыяў і прадстаўнікоў грамадскіх арганізацый краіны.



Чытаць далей/Каментаваць

Талькаўскі фэст 2009

Сёлетні Талькаўскі фестываль адбудзецца ў нядзелю 4 кастрычніка 2009 г. Пачатак у 12 гадзін ля Талькаўскага ДК, а працяг на беразе ракі.


Запрашаюцца барды, паэты, выканаўцы беларускіх народных песень.


Падрабязнасці на сайце: talka.info


Каментаваць

Патрэбны настаўнік англійскай мовы
Гімназіі №23 г Мінска атрэбны настаўнік англійскай мовы для 8, 9, 11 класаў (19 гадзін).
Тэлефон працоўны 2848716, mts 7762881.
Крыніца інфармацыі http://gymn23.minsk.edu.by/main.aspx?uid=19940

Каментаваць

Агляд адукацыйных навінаў

– Прасцей паступіць у ВНУ, чым трапіць у інтэрнат >>>

– Хто жадае вучыцца, той павінен шукаць падручнік сам? >>>

– У Беларусі толькі пятая частка школьнікаў навучаецца па-беларуску >>>

– Усе ВНУ Беларусі будуць праходзіць міжнародную сертыфікацыю >>>

– Беларускамоўным вучням у Польшы выдадуць стыпендыі за мову >>>

– Сямікласніца з Магілёва атрымала прэмію ЮНЭСКА за ліст аб годных умовах працы >>>

– У пустых віленскіх офісах будуць школы >>>

– У БДУ пачынаецца рэгістрацыя на рэпетыцыйнае тэставанне >>>




Каментаваць

Новае на сайце

Урокі беларускай мовы для 6 і 9 класаў

Аўтар – настаўніца віцебскай гімназіі №5 Сухава Галіна. Выкарыстоўвае эфектыўныя метады, прыёмы і формы працы, якія дапамагаюць вырашыць праблему фармавання ўнутранай матывацыі школьнікаў на ўроках беларускай мовы і літаратуры: тэхніку намінальных груп; метад стварэння сітуацыі пазнавальнай спрэчкі; мазаіку; метад эмацыйнага стымулявання; арфаграфічную хвілінку; асацыятыўную хвілінку. Фіналістка конкурсу настаўнік году-2009.

Урок для 6 класа на тэму «Правапіс канчаткаў назоўнікаў 2 скланення адзіночнага ліку роднага склону»

Тэхналагічная карта ўрока па беларускай мове для 9 класа па тэме «Канструяванне складаных сказаў з рознымі відамі сувязі частак,
перабудова іх у іншыя граматычныя структуры”


Дадатковую інфармацыя пра аўтара можна прачытаць
на сайце Акадэміі паслядыпломнай адукацыі.



Каментаваць

Юрый Андрэйчык – Настаўнік года Рэспублікі Беларусь

Пераможцам рэспубліканскага конкурсу прафесійнага майстэрства «Настаўнік года Рэспублікі Беларусь – 2009» стаў дырэктар Ганцавіцкай школы №2, настаўнік біялогіі Юрый Андрэйчык.
Сайт Nastaunik.info віншуе пераможцу і зычыць яму грамадзянскай мужнасці, годнасці і моцы, каб адпавядаць высокаму званню ў сучасных умовах і накіраваць сваё прафесійнае майстэрства на карысць беларускай адукацыі.
----------
Конкурсы прафесійнага майстэрства педагагічных работнікаў праводзяцца ў нашай краіне з 1991 года. Конкурс уяўляе сабою комплекс мерапрыемстваў па выяўленню, абагульненню, распаўсюджванню досведу працы лепшых педагогаў Беларусі. Ён накіраваны на развіццё творчай дзейнасці педагагічных работнікаў для абнаўлення зместу адукацыі, рост прафесійнага майстэрства; падтрымку інавацыйных тэхналогіі ў галіне педагогікі; умацаванню прыярытэту адукацыі ў грамадстве.

Фінал рэспубліканскага конкурсу прафесійнага майстэрства «Настаўнік года Рэспублікі Беларусь»

Сёння адбываецца супер-фінал  конкурсу. Прапануем вам он-лайн рэпартаж з залі Акадэміі паслядыпломнай адукацыі.
10:00
Урачыстае адкрыццё супер-фіналу. На сцэне шэсць фіналістаў: Алег Купрацэвіч, Вікторыя Бандарэнка, Галіна Сухава, Вольга Боніч, Юры Андрэйчык, Таццяна Сагаль. Гэта найлепшыя з лепшых. Нагадаем, у фінал конкурсу патрапіў 21 настаўнік.

 
11:07
Удзельнікі праводзяць іправізаваныя ўрокі на сцэне, а журы працуе.

12:22
Скончылася дэманстрацыя імправізаваных урокаў.
Фіналісты  выбіралі вельмі розныя тактыкі, каб спадабацца журы і гледачам.
Вынаходлівая  Вікторыя Бандарэнка, напэўна каб задобрыць высокіх чыноўнікаў, прысутных ў залі, да тэмы ўрока  "Шчасце" здолеле далучыць тэму дажынак і нават прынесла на сцэну дажыначны сноп. Галіна Сухава адрознівалася добрай мовай і паслядоўнасцю. Яна выбрала тэму «Паэтам можаш ты не быць» і зачаравала ўсіх прысутных паэзіяй Ніны Мацяш і Рыгора Барадуліна. Віктар Андрэйчык сыпаў жартамі, Алег Купрацэвіч заваёўваў сэрцы і галовы сваім інтэлектам.  Вольга Боніч і Тацяна Сагаль прадэманствавалі шматбаковыя (у дадатакдак да педагагічных)  таленты. Журы будзе вызначыцца цяжка. А па рэакыцыі залі – лідэрамі  з'яўляюцца Галіна Сухава і Віктар Андрэйчык. Менавіта яны атрымліваюць большыя авацыі.

12:50
Абвешчаны перапынак да 14:00

14:23
Пачалася абарона адукацыйных праектаў. Галіна Сухава абараніла праект на тэму «Фарміраванне
разумення вучнямі вучэбнай інфармацыі".

15:47
Усе удзельнікі абаранілі праекты. Журы пайшло лічыць балы. Пачаўся канцэрт настаўніцкай самадзейнасці.

15.59
Аказалася, што вынікі будуць абвешчаныя толькі заўтра ў 14:00. Дзіўны фінал для такога ўрачыстага мерапрыемства. Паміж волі ўзнікаюць думкі,  што  трэба час, каб ўзгадніць кандыдатуру пераможца  на самым версе. Нездарма ж вынікі конкурсу засакрэчаныя нават ад журы.

Больш фота/Каментары

Конкурс адукацыйных праектаў

У конкурсе могуць прымаць удзел настаўнікі, выкладчыкі вышэйшых і сярэдне- спецыяльных установаў, выхавальнікі, асобы і грамадскія арганiзацыі, якія працуюць у сферы фармальнай і нефармальнай адукацыі.
Задача конкурсу – падтрымаць адукацыйную і грамадскую дзейнасць педагогаў, скіраваную на замацаванне дэмакратычных і нацыянальна-культурных каштоўнасцяў як адной з асноўных мэтаў адукацыі.
Калі Вы ствараеце ўмовы, каб вашыя вучні, калегі, бацькі навучэнцаў адчулі важнасць свабоды, незалежнасці, асабістай годнасці, права на ўласнае меркаванне, правоў чалавека, роднай мовы, іншых каштоўнасцяў, на якіх базуецца дэмакратыя, — гэты конкурс для Вас.
Таксама да ўдзелу ў конкурсе запрашаюцца педагогі, зацікаўленыя ў распаўсюдзе ўласнага адукацыйнага досведу, выкарыстанні інавацыйных методык выкладання, формаў правядзення пазакласных мерапрыемстваў і выхаваўчай працы, заснаваных на каштоўнасным падыходзе. 
Для ўдзелу ў конкурсе Вам неабходна запоўніць анкету-заяўку  даслаць яе на электронны адрас 2008konkurs@gmail.com да 12 кастрычніка 2009 года.
Пра вынікі конкурсу будзе паведамлена да 20 кастрычніка 2009 г. 
Спампаваць анкету-заяўку

Каментаваць

Майстар-класы для вучняў і моладзі па народных танцах, знаёмства з абрадамі свайго краю

Калі Вы ўжо пачалі думаць аб тым, як правесці занятак па гісторыі ці факультатыў, або адкрыты урок (з улікам таго, што сёлета аб'яўлены Год роднай зямлі), тады гэтая прапанова для Вас!

Студэнцкая танцавальная суполка прапануе дапамогу для правядзення заняткаў, класных гадзінаў ці ўрокаў «Жыву ў Беларусі і тым ганаруся» на тэму гісторыі, беларускіх традыцый, беларускіх народных танцаў з удзелам танцавальнага каллектыву і дудара, альбо проста танцавальных майстар-классаў з расповедам пра гісторыю танца і абрады роднага краю.

Кантактная інфармацыя: +375 29 764 62 50, Ягор, e-mail: jagor.z(сабака)gmail.com

Каментаваць

КОНКУРС “Беларускі Настаўнік 2009 года”

Рэспубліканскае грамадскае аб’яднанне “Таварыства беларускай школы” (ТБШ) з 2007 года сістэматычна праводзіць конкурс “Беларускі Настаўнік года”.
Сёлета абвяшчаецца чарговы конкурс. У ім могуць прыняць удзел педагогі усіх тыпаў адукацыйных і выхаваўчых устаноў (ад дашкольных да каледжаў), акрамя ВНУ, са стажам працы не менш трох гадоў.
На кандыдата конкурса запаўняецца анкета (спампаваць)  рэкамендуючай арганізацыі, установы, або самім педагогам і дасылаецца да 12.12.09 на адзін з адрасоў: tbskoly@tut.by, або паштовы, які можна атрымаць па даведачным тэлефоне 8029–7520821.
Могуць дадавацца іншыя матэрыялы, што пацвярджаюць высокія вартасці кандыдата. Пры неабходнасці журы ТБШ можа наведаць установу канкурсанта.
Конкурс будзе асвятляцца ў прэсе і на старонцы ў інтэрнэце http://nastaunik.info .
Задачы конкурса:
• маральная падтрымка беларускамоўных педагогаў адукацыйных устаноў;
• прыцягненне ўвагі грамадскасці да праблем роднамоўнага выкладання і выхавання ў базавых і сярэдніх школах, дашкольных і пазашкольных установах, ліцэях, гімназіях і каледжах;
• фарміраванне грамадскай думкі аб прэстыжнасці навучання па-беларуску;
• аб’яднанне беларускамоўных педагогаў, спрыянне іх супрацоўніцтву, абмену досведам працы, арганізацыі супольных праектаў і інш.
Крытэрыі вызначэння пераможцаў конкурса:
• выкладанне па-беларуску дысцыпліны ці правядзенне выхаваўчай працы на роднай мове;
• прафесіяналізм і наватарства, творчасць і навуковасць;
• аўтарытэт сярод калег, бацькоўскай грамадскасці і навучэнцаў;
• высокая грамадзянская пазіцыя. Усе дастойныя кандыдаты будуць адзначаны дыпломамі ТБШ, асобна будуць ганараваны тры пераможцы-лаўрэаты на калядныя святы.
Паўторна могуць прымаць удзел у конкурсе ўсе дыпламанты ТБШ, акрамя пераможцаў.


Каментаваць

Круглы стол для моладзі па пабудове кар'еры

Круглы стол «Магчымасці Інтэрнэт-тэхналогіяў у падвышэнні канкурэнтаздольнасці моладзі на рынку працы» пройдзе 25 верасня 2009 году з 16.00 да 19.00 у памяшканні гістарычнай гасцёўні па адрасе: г. Мінск, вул. Сухая, 25 (праезд ст.т. «Фрунзенская»).


Да ўдзелу запрашаюцца студэнты мінскіх ВНУ, якія актыўна выкарыстоўваюць Інтэрнэт пры пошуку інфармацыі, неабходнай для прафесійнага развіцця ды пабудовы кар'еры. Мерапрыемства арганізуе інфармацыйны сервіс для моладзі kariera.by пры моладзевым грамадскім аб'яднанні «Фокус-група» у межах «Тыдня нефармальнай адукацыі-2009» (www.adukatar.net).


Мэта круглага стала: дапамагчы студэнтам старэйшых класаў у пытаннях падвышэньня кваліфікацыі, выкарыстоўваючы магчымасці Інтэрнэту.


У праграме круглага стала будзе прадстаўлены агляд вэб-рэсурсаў, накіраваных на развіццё прафесійна-значных уменняў ды навыкаў у моладзі, будзе арганізаванае абмеркаванне магчымасцяў і абмежаванняў працаўладкавання і развіцця прафесійных кампетэнцыяў з выкарыстаннем магчымасцяў сеткі Інтэрнэт. У якасці экспертаў на круглы стол запрошаныя: рэдактар інфармацыйнага сервісу па прафесійным развіцці моладзі www.kariera.by, кіраўнік праекта «Моладзевая акцыя мультымедыяў" http://mammedia.org/#, супрацоўніца электроннай газеты «ТОП-Пэрсона» www.top-persona.by, менеджэр каталогу www.press.net.by.


Па пытаннях удзелу ў круглым стале звяртайцеся да каардынатара мерапрыемства Дрык Вікторыі: +3753643112 (velcom), +375336041849 (МТС), e-mail: F-E-N-I-C-S@tut.by, альбо праз кантактную форму на сайце WWW.KARIERA.BY.


Паводле рассылкі belngo.info



Каментаваць

Конкурс эмблем праекта «Чатыры стыхіі"


Конкурс эмблем – гэта першая акцыя праграмы «Непратаптаны Шлях», якая пачынае гадавы цыкл праекта «Чатыры стыхіі".

Мэтай гэтага мерапрыемства з'яўляецца развіццё мастацкіх здольнасцяў людзей з адмысловымі патрэбамі. Кульмінацыяй акцыі будзе выбар эмблемы, якая найбольш адпавядае тэме года (на 2009 – 2010 год гэта тэма «Чатыры стыхіі") і якая стане эмблемай года. Гэта міжнародны конкурс. Усе дасланыя для ўдзелу ў конкурсе эмблемы пазней афармляюцца ў выставу і экспануюцца на працягу года на ўсіх мерапрыемствах у трох краінах (Беларусь, Польшча, Украіна). Пераможца конкурсу будзе ўзнагароджаны на тэатральным фэсце, які пройдзе ў маі 2010 году.




Чытаць далей/Каментаваць

Новае на сайце

Выйшаў новы бюлетэнь «Настаўнік.інфо», прысвечаны тыдню нефармальнай адукацыі
Тэма чарговага нумару бюлетэню «Настаўні.інфо» — нефармальная адукацыя і яе сувязь з фармальнай. Таксама бюлетэнь змяшчае матэрыялы, прысвечаныя пачатку навучальнага году, абмеркаванню новага Кодэксу аб адукацыі і школьнай формы.
У раздзеле абвесткі раім звярнуць увагу на праграму падтрымкі працы са старшакласнікамі.
Цалкам бюлетэнь можна спампаваць тут
Каментаваць

Новае на сайце

Прэзентацыя «Масты майго дзяцінства»

Выхаванне любых грамадзянскіх каштоўнасцяў пачынаецца з простага, зразумелага і даступнага назірання за тым, што знаходзіцца навокал – твая вуліца, твой горад. І аказваецца, што шмат якія рэчы маюць свае імёны, ужо былі да твайго нараджэння, і ад цябе залежыць тое, якімі стануць пасля. Напрыклад, настаўнік гомельскай гімназіі №10 Сяргей Несцяровіч разам са сваімі вучнямі звярнуў увагу на гарадскія і вакольныя масты, іх гісторыю, назвы, і рознабаковую класіфікацыю. Прапануем вам прэзентацыю таго, што атрымалася ў выніку гарадскіх вандровак да знаёмых -незнаёмых гомельскіх мастоў.


Спампаваць прэзентацыю (2,9 МБ)



Каментаваць

Запрашэнне для моладзі і студэнтаў
Валанцёрскі клуб «Камяніца» (МДПДзіМ) запрашае ўсіх, каму цікава навучыцца праводзіць экскурсіі і выступаць перад публікай. На працягу бліжэйшых паўгода мы будзем праводзіць заняткі, на якіх можна будзе навучыцца рыхтаваць і праводзіць экскурсіі, рабіць выступы на гістарычныя і не толькі тэмы. Ну і якія экскурсіі без падарожжаў:). Будзем ездзіць па Беларусі і практыкавацца адно на адным.
Сустрэчы адбываюцца па пятніцах у 18.30, у Палацы Дзяцей і Моладзі (Старавіленскі тракт, 41) Кантактны тэлефон: 5571124 (МТС) Цімох.
historyka@gmail.com

“Школа Ранняга Развіцця” запрашае дзетак у беларускамоўную групу

Школа Ранняга Развіцця Рэспубліканскага цэнтра тэхнічнай творчасці (вул.Макаёнка, д. 12) запрашае дзетак ў “Школу Ранняга Развіцця”. Накірункі дзейнасці дзіцячага гуртка:

• Выяўленчая дзейнасць

• Экалагічнае выхаванне

• Агульнапсіхалагічнае развіццё (логіка, развіццё мыслення, увагі, памяці, камунікатыўныя гульні)

Беларускамоўныя групы для дзетак 3–4 год займаюцца двойчы на тыдзень ў сераду і пятніцу у 17–00 і 17–35.
Для дзетак 3–4 год заняткі працягласцю 35 хвілін. Групы па 5–8 чалавек. Таксама існуюць гурткі для дзетак 4–5 год.

ЗАНЯТКІ БЯСПЛАТНЫЯ!!!


Кіраўнік Таццяна Уладзіміраўна тэл. + 375–29–569–34–24 (запіс у кіраўніка)


Паводле budzma.org



Каментаваць

Курсы народнай вышыўкі


Абвяшчаецца чарговы набор на курсы беларускай народнай вышыўкі. Выкладчык – майстар народнай творчасці Галіна Рудніцкая. Заняткі ладзяцца ў памяшканні Мінскага абласнога цэнтра народнай творчасці (вул. Гікалы, 4), у двух кроках ад ст.м. “Плошча Я.Коласа”.


Праграма курсаў надзвычай насычаная і разлічаная на 2 навучальныя гады (з кастрычніка па май). У першы год вывучаюцца больш распаўсюджаныя тэхнікі вышыўкі, у другі – больш рэдкія і складаныя.


Пры ахвоце падчас заняткаў можна атрымаць падрабязныя кансультацыі па шыцці і аздабленні беларускай традыцыйнай кашулі (як мужчынскай, так і жаночай), а таксама дапамогу пры падрыхтоўцы да ўступлення ў Беларускі саюз майстроў народнай творчасці.



Чытайце далей на старонцы budzma.org

Міжнародны трэнінг “I’m media smart”

«I’m media smart» – міжнародны трэнінг, які адбудзецца 10- 18 кастрычніка ў Кішынёве і ў якім прымуць удзел каля 30 чалавек з такіх краінаў, як Літва, Малдова, Турцыя, Грэцыя, Польшча, Партугалія, Беларусь, Арменія, Грузія і Азербайджан. Галоўная тэма праекту – медыя, яе статус і дачыненне да працы з моладдзю.

Галоўныя мэты трэнінгу:


– Навучыць удзельнікаў, як наблізіцца да медыя і выкарыстаць магчымасці медыя для дасягнення пастаўленых мэтаў;


– Паказаць на практыцы, як выкарыстоўваць існуючыя інструменты медыя, а таксама стварыць новыя для паляпшэння работы з моладдзю;


– Даследаваць медыя як інструмент нефармальнай адукацыі моладзі;


– Прааналізаваць становішча медыя ў розных краінах Еўропы;


– Пабудаваць асноўны каркас, каб стаць “media smart”, праз адкрыццё для сябе культуры медыя;


– Абмеркаваць асноўныя пытанні медыя, якія датычуцца НДА і праграмы “Youth in Action”


– Натхніць удзельнікаў на новыя праекты ў рамках праграмы “Youth in Action” і дапамагчы ім на першым этапе іх рэалізацыі;



Чытаць далей/Каментаваць

Агляд адукацыйных навінаў

– Мінадукацыі: 70% педагогаў пасля размеркавання замацоўваюцца на месцах
>>>

– Школьнікі будуць здаваць залік па Правілах дарожнага руху >>>

– Школьнікам вернуць ільготы на праезд? >>>

– Чыноўнікі магілёўскага абласнога і гарадскога аддзелаў адукацыі апраўдваюць адсутнасць беларускіх класаў адсутнасцю заяў ад бацькоў, якія б жадалі вучыць дзяцей па-беларуску. >>>

– Прафесар Універсітэта культуры Аляксандр Смолік: у школы трэба вярнуць курс сусветнай мастацкай культуры >>>



Каментаваць

 ПАВАЖАНЫЯ КАЛЕГІ! ШАНОЎНЫЯ СЯБРЫ!

“Тыдзень нефармальнай адукацыі-2009”

пачынае сваю працу!

 Тэма сёлетняга тыдня: “Нефармальная адукацыя (НФА) у Беларусі – да паляпшэння якасці жыцця”

 “Тыдзень НФА-2009” пройдзе 21–27 верасня 2009 г. у розных гарадах Беларусі.
Мэта “Тыдня НФА-2009” – прадэманстраваць, як з дапамогай нефармальнай адукацыі можна палепшыць якасць жыцця чалавека – маладога, сталага ці пажылога.
Ініцыятарамі і арганізатарамі Тыдня-2009 выступілі:

• МГА “Адукацыя без межаў”


• ГА “Фокус-група”


• ГА “Цэнтр сацыяльных інавацый”


• ГА “Адукацыйны цэнтар “ПОСТ”


• ГА “Цэнтр “Трэці сектар”


• БМГА “Новыя твары”


• Грамадскае аб’яднанне “ВІТ”

і іншыя.
Паляпшэнне якасці жыцця, сярод іншых вызначэнняў, можа разумецца таксама як мажлівасць свабоднага выбару чалавекам розных ладаў жыцця. Чым большая разнастайнасць ладаў жыцця прадстаўлена для выбару, тым вышэй якасць жыцця чалавека. Нефармальная адукацыя ў такім падыходзе можа разглядацца як інструмент, які дазваляе зразумець, убачыць і далучыцца да ўсёй разнастайнасці існуючых і мажлівых ладаў жыцця, а таксама як эфектыўны інструмент, які садзейнічае фарміраванню ключавых сацыяльных, грамадзянскіх і іншых кампетэнцый, неабходных для гэтага.
Праграма “Тыдня-2009” складаецца з мерапрыемстваў (круглыя сталы, семінары-трэнінгі, тэматычныя сустрэчы, выставы і майстар-класы), якія распрацавалі арганізацыі і ўстановы, што займаюцца ў Беларусі прадастаўленнем паслуг у галіне нефармальнай адукацыі дарослых і моладзі.
Асаблівасць сёлетняга тыдня заключаецца ў тым, што:

• Мерапрыемствы размеркаваны па тэматычных днях,


• Да удзелу ў мерапремствах запрашаюцца ўсе жадаючыя.

 У праграме Тыдня-2009 пазначаны кантактныя асобы, у якіх можна атрымаць падрабязную інфармацыю пра канкрэтныя мерапрыемствы і запісацца для ўдзелу.
Сачыце за анонсамі!
ПРЫХОДЗЬЦЕ І ЗАПРАШАЙЦЕ СЯБРОЎ!

Каардынатар Тыдня НФА – 2009:
Яніна Зінчанка:

aha.info@gmail.com

Этот адрес e-mail защищен от спам-ботов. Чтобы увидеть его, у Вас должен быть включен Java-Script

, (м.) +375 296 54 90 48.
Падрабязная інфармацыя – на www.adukatar.net


Праграма тыдня

Тыдзень нефармальнай адукацыі ў Гродне

Сёлета “Тыдзень нефармальнай адукацыі” будзе прадстаўлены ў Гродне шасцю мерапрыемствамі.

21 верасня ў 15 гадзін Экалагічнае таварыства “Зялёная сетка” ладзіць трэнінг “Коміксы для ўстойлівага развіцця”. 22 верасня сябры таварыства ў Гродзенскім унівэрсітэце імя Янкі Купалы арганізуюць прагляд і абмеркаваньне фільма “Гісторыя рэчаў”. 23 верасня “Экалагічная сетка” зладзіць навучальны семінар, прысвечаны праблеме змянення клімату. Больш падрабязную інфармацыю пра гэтыя мерапрыемствы і магчымасці ўдзелу можна даведацца ў Наталлі Рабавай па маб.тэл. (29) 557 64 11.

Апошні дзень “Тыдня”, 27 верасня, для гарадзенцаў будзе насычаны падзеямі.

У 12 гадзін Грамадскае аб’яднанне “Цэнтр “Трэці сэктар” распачне прэзентацыю праекта “Школа маладога журналіста-13”. За больш падрабязнай інфармацыяй па праекце звяртайцеся да Ланы Руднік па тэлефоне (29) 284 77 99.

Грамадскае аб’яднанне маладых навукоўцаў “ВІТ” у 14 гадзін распачне круглы стол “Механізм эфектыўнага супрацоўніцтва асветніцкіх грамадскіх аб’яднанняў з арганізацыямі сацыяльнай сферы”. Прэзентацыя “Сам сабе турагент, альбо як вандраваць актыўна, цікава і эканомна” распачнецца ў 18 гадзін. З пытаннямі ўдзелу ў мерапрыемствах “ВІТа” звяртайцеся да Віталя Нікановіча па тэлефоне (29) 869 39 21.


Паводле Кронікі грамадзкага жыцьця Гарадзеншчыны



Чытаць далей/Каментаваць

Мастацкі пленэр для дзяцей у Гродне

Мастацкі пленэр “Новы Свет вачыма дзяцей” пройдзе 12 верасня ў мікрараёне Новы Свет.

Плэнэр, які ладзіцца намаганнямі сябраў і валантэраў грамадскага аб’яднання “Цэнтр “Трэці сэктар”, пачнецца з экскурсіі па Новым Свеце, пад час якой удзельнікі даведаюцца пра гісторыю ўзнікнення і развіцця гэтага раёна Гродна, яго ўнікальнасьць і непаўторнасць, вядомых асобаў, якія тут жылі.
Акрамя пазнавальнай вандроўкі па старых утульных вулачках і задавальнення ад творчасці, удзельнікі атрымаюць шанец выйграць падарунак, бо ўсе малюнкі возьмуць удзел у конкурсе.




Чытаць далей/Каментаваць

Беларускі Калегіюм запрашае на навучанне

Беларускі Калегіюм прапануе дадатковае навучанне па спецыялізацыях:

– журналістыка

– найноўшая гісторыя

– філасофія/літаратура

А таксама – адмысловы набор на спецкурс па фатаграфіі.

Запрашаюцца студэнты старэйшых курсаў альбо асобы з вышэйшай адукацыяй. У выключных выпадках прымаюцца студэнты малодшых курсаў. Навучэнцамі БК могуць быць тыя, хто пастаянна альбо на час навучаньня пражывае ў Мінску.


Навучальныя праграмы БК арыентаваныя на выкладанне найноўшых фрагментаў сучаснай веды і не дублююць існуючыя праграмы дзяржаўных і недзяржаўных унівэрсытэтаў.


Сэртыфікат Калегіюму не замяняе дыплом аб вышэйшай адукацыі.


Навучанне ў БК – бясплатнае.


Пачатак заняткаў з 5 кастрычніка 2009 г. 

Заяўкі прымаюцца па 25 верасня.


Падрабязнасці пра працэс паступлення http://bk.baj.by/abviestka2009.html


Дадатковую інфармацыю можна атрымаць па тэл. +37529 276 27 15 (MTC), +37529 679 26 82 (Velcom) з 15.00 да 19.00 (акрамя суботы і нядзелі), на bk.baj.by/faq/faq2009.htm ці праз kalehium @ gmail.com

Паводле budzma.org



Каментаваць

Агляд адукацыйных навінаў

– Ці прымусяць настаўнікаў заглядаць у халадзільнікі ў кватэрах вучняў?>>>

– У Беларусі кітайскую мову вывучаюць 230 школьнікаў. Цікава, колькі ж кітайцаў вывучаюць беларускую? >>>

– У бабруйскіх школах збіраюць па 20–30 тысяч рублёў на школьныя патрэбы
>>>

– Мінадукацыі Беларусі панізіла ўзровень патрабаванняў да выстаўлення дзявятак і дзясятак >>>

– У Казахстане ў педагагічным часопісе рэкамендуюць не насіць міні-спадніцы і джынсы. Беларускае Мінадукацыі ад унясення патрабаванняў да знешняга выгляду настаўніка ў адукацыйны кодэкс пакуль што адмаўляецца



Каментаваць

Міжнародны моладзевы форум «Валантэрства і грамадства»

Міжнародны моладзевы форум «Валантэрства і грамадства» пройдзе 25–27 верасня 2009 году ў Мінску ў межах праекта Асацыяцыі беларускіх гайдаў і Асацыяцыі Гайдаў і Скаўтаў Даніі.


Ідэя форуму:

– 20 валянтэраў з Асацыяцыі гайдаў і скаўтаў Даніі, Латвіі, Літвы і Эстоніі, 40 прадстаўнікоў гайдаў і скаўтаў ды іншых грамадзкіх арганізацыяў Беларусі будуць абменьвацца досведам валантэрства і гутарыць аб узмацненні ягонай ролі ў развіцці грамадства.

– Выдатная магчымасць атрымаць інфармацыю аб новых валантэрскіх праектах і пазнаёміцца з цікавымі людзьмі.

– Магчымасць удзелу грамадскасці Беларусі ў праграме форуму.

Задачы форуму:

– Кааперацыя гайдаў і скаўтаў ды іншых грамадакіх арганізацыяў для ўцягнення моладзі ў валантэрскую дзейнасць.

– Прыцягненне ўвагі грамадства да валантэрскага руху.



Чытаць далей/Каментаваць

Семінар па он-лайн журналістыцы

Мінскі міжнародны адукацыйны цэнтар імя Йоханэса Раў працягвае цыкл адукацыйных семінараў (17–18 снежня), прысвечаных он-лайн журналістыцы.


Для ўдзелу ў адборы неабходна запоўніць анкету і даслаць яе да 13 верасня па факсе 270–39–95 альбо па электроннай пошце natallia.pcholkina@ibb.by. Колькасць удзельнікаў абмежаваная.


Да 15 верасня адабраныя ўдзельнікі атрымаюць запрашэнне на семінар.


Праграму семінара глядзіце на сайце:
http://n-europe.eu/files/programma_online.pdf

Паводле n-europe.eu



Каментаваць

Праграма вывучэння польскай мовы і культуры


Мэта заняткаў – пазнаёміць ахвотнікаў з польскай мовай і польскай культурай.

Навучанне будзе праходзіць з носьбітамі мовы ў вольнай атмасферы, удзельнікі самі змогуць сфармаваць змест навучальнай праграмы.
Кожны занятак будзе прысвечаны пэўнай тэме, вывучэнне якой будзе карысным пры кантактах з прадстаўнікамі польскай культуры.

Таксама будзе магчымасць паглядзець польскія фільмы папулярных і выбітных польскіх рэжысёраў.

З часам, калі ва ўдзельнікаў курсу з'явіцца жаданне, то можна будзе абмеркаваць больш сур'ёзныя пытанні, якія тычацца польскай мовы і культуры.


Заняткі будуць праходзіць у Мінску адзін раз у тыдзень па два гадзіны.


Выкладаюць польскія студэнты.


Для ўдзелу неабходна запоўніць невялікую анкету і адправіць яе на адрас yiabelarus@gmail.com да 20 верасня 2009 году.

Удзел у праграме – бясплатны.



Каментаваць

Новае на сайце

Праўда і міфы беларускага алімпізму

Гісторыя любой больш-меньш значнай з'явы з цягам часу можа абрасці дадумкамі, якія або павялічваюць, або прыніжаюць яе значэнне. У тым ліку і гісторыя беларускіх алімпійскіх спартсменаў, якая бярэ пачатак з 1920-х гадоў, калі СССР яшчэ не ўдзельнічаў у гульнях. Прапануем вам кароткі нарыс аб праўдзе і міфах алімпізму ў даваеннай Беларусі.


Спампаваць матэрыял


Паводле tut.by


Каментаваць

Заняткі для гісторыкаў і краязнаўцаў

Валанцёрскі клуб «Камяніца» (МДПДзіМ) запрашае ўсіх, каму цікава навучыцца праводзіць экскурсіі і выступаць перад публікай.


На працягу бліжэйшых паўгода мы будзем праводзіць заняткі, на якіх можна будзе навучыцца рыхтаваць і праводзіць экскурсіі, рабіць выступы на гістарычныя і не толькі тэмы.


Ну і якія экскурсіі без падарожжаў:). Будзем ездзіць па Беларусі і практыкавацца адно на адным.


Сустрэчы адбываюцца па пятніцах у 18.30, у Палацы Дзяцей і Моладзі (Старавіленскі тракт, 41)



Каментаваць

Агляд адукацыйных навінаў

– Тэрмін навучання ў ВНУ скароцяць з-за замежных студэнтаў? >>>

– Чаму ў ВНУ не паступілі абітурыенты, якія падалі дакументы ў час? >>>

– Уладзімір Здановіч: Бацькі не абавязаныя матэрыяльна дапамагаць школе >>>

– Каб патрапіць у школу з беларускай мовай, у Бельску, што на Беласточчыне, стаяць чэргі
, а беларускамоўныя гараджане – ў пошуках школ для сваіх дзяцей



Каментаваць

Беларускамоўны слоўнік па інфарматыцы

Прафесар Мікола Савіцкі склаў і выдаў «Тлумачальны слоўнік па інфарматыцы» на беларускай мове.


«Я паставіў перад сабой дзве задачы. Першая — паказаць і даказаць, што на беларускай мове распрацавана навуковая тэрміналогія па інфарматыцы і вылічальнай тэхніцы. Другая — даць нацыянальна свядомым беларусам тлумачальны слоўнік па інфарматыцы для практычнага ўжытку», — кажа прафесар.


Слоўнік увабраў больш за 2500 тэрмінаў. Гэта плён амаль дваццацігадовай працы. Яшчэ ў 1990 годзе Мікола Савіцкі перайшоў на выкладанне інфарматыкі і вылічальнай тэхнікі ў эканамічным універсітэце па-беларуску. Тады ён і пачаў працу над беларусізацыяй навуковых дапаможнікаў.


Тэрміны ў тлумачальным слоўніку падаюцца па-беларуску і па-англійску. «Рускамоўныя адпаведнікі не прыводзіў наўмысна. Тым самым я хацеў падкрэсліць самадастатковасць беларускай мовы і яе самастойнасць сярод развітых моў свету».


Набыць выданне можна ў кнігарні «Акадэмкніга».


Паводле Нашай Нівы



Каментаваць

Выйшаў аўдыёдыск «Азбука для маленькіх»


Чытанне вершаў, прысвечаных кожнай літары алфавіта, на дыску чаргуецца са спевамі. Спяваюць дзіцячыя вакальныя ансамблі «Цімпан» і «Званочкі ». Паэзія Барадуліна, Віткі, Шніпа, Бадака, Сокалава-Воюша, Мазго, Мацвеенкі, Гілевіча, Вольскага гучыць галасамі В. Ерахаўца, Ю. Жыгамонта, І. Пятрова, М. Жуковіча.


На выпадак, калі ў вас няма магчымасці паслухаць дыск разам з малым (едзеце, напрыклад, у аўтобусе), прадугледжана друкаваная чытанка. У ёй змешчаны тыя самыя вершы, што гучаць на дыску.


Ідэя стварэння такой азбукі належыць Алесю Гуркову.


Матэрыялы дыска даступныя на старонцы сайта «Нашыя дзеткі"


Паводле Нашай Нівы



Каментаваць

Школа маладога журналіста запрашае

Маладыя гарадзенцы, якія хочуць паспрабаваць свае сілы ў журналістыцы, могуць падаваць заяўкі на ўдзел у праекце “Школа Маладога Журналіста-13”.

ШМЖ – гэта ўнікальная школа ў Беларусі, дзе выкладаюць журналісты-практыкі.

За 12 год “Школу” прайшло больш за 250 хлопцаў і дзяўчат. Некаторыя з іх сталі лаўрэятамі нацыянальных і міжнародных узнагарод у галіне журналістыкі. Выпускнікі ШМЖ працуюць сёньня ў газетах “Вечерний Гродно”, “Гродзенская праўда”, “Перспектива”, “Наша Ніва”, “Белорусы и Рынок”, на тэлеканале АНТ, а таксама ў замежных СМІ.

Праект складаецца з тэарэтычнага і практычнага блокаў. Тэарэтычная частка будзе прысвечаная асновам журналістыкі (“Уводзіны ў журналістыку”, “Прававыя і этычныя аспекты працы журналіста”, “Жанры журналістыкі”, “Асаблівасці газетнай, радыё- і інтэрнэт-журналістыкі” і многія іншыя).


Чытаць далей/Каментаваць

Круглы стол на тэму нефармальнай адукацыі


22 верасня 2009 году ў межах “Тыдня нефармальнай адукацыі-2009” адбудзецца круглы стол “Нефармальная адукацыя ў паляпшэнні якасці жыцця: праблемы і перспектывы”.


Мэтай круглага стала з'яўляецца арганізацыя адкрытай і публічнай дыскусіі, якая дазваляе прэзентацыю розных пазыцыяў, магчымасць крытыкі і ўзгаднення меркаванняў і праграмаў дзеянняў у пошуку адказаў на пытанні:

• Ці патрэбна шукаць новыя арганізацыйныя формы ў новых умовах, альбо належыць працягваць развіваць пачатыя раней ініцыятывы?

• Ці павінна нефармальная адукацыя быць скіраванай на задавальненне разнастайных патрабаванняў насельніцтва, альбо яе задача заключаецца ў фармаванні гэтых патрабаванняў і пашырэнні гарызонту ўяўленняў, ідэяў і ладаў жыцьця?

• Ці належыць падтрымліваць альтэрнатыўнасць фармалізаванай і нефармальнай адукацыі, альбо неабходна імкнуцца да сумесных дзеянняў і мэтаў?


Чытаць далей/Каментаваць

Школа маладых менеджэраў публічнага адміністравання

Школа маладых менеджэраў публічнага адміністравання абвесціла конкурс на ўдзел у адукацыйнай праграме 2009–2010 навучальны год.


Праграма накіраваная на фармаванне ў Беларусі супольнасці маладых людзей, кампетэнтных у сферы дзяржаўнага кіравання і публічнага адміністравання на розных узроўнях.


Да ўдзелу ў праграме запрашаюцца маладыя людзі, якія валодаюць англійскай мовай, занятыя ў сферы адукацыі, сацыяльнай працы, а таксама ў бізнэсе, грамадскіх арганізацыях і палітычным жыцці. Арганізацыйна праграма складаецца з 4 вочных навучальных сесій, якія будуць праведзеныя ў Беларусі, Украіне, Літве ды Швецыі, а таксама працы ўдзельнікаў паміж сесіямі.



Чытаць далей/Каментаваць

Валантэрскі праект для моладзі ў Вільні

Грамадская арганізацыя “Маладзёжны адукацыйны цэнтр “Фіальта” запрашае да ўдзелу маладых людзей з Беларусі ў праекце Еўрапейскай Валантэрскай Службы ў Літве ў Цэнтры дапамогі сям’і ім.Матулайціса.

Хто можа прымаць удзел? – Беларуская моладзь ва ўзросце 18–30 год.

Калі? – Пачатак праекта 1 кастрычніка 2009, працягласць праекта – 10 месяцаў.


Дзе? – Літва, Вільня


Валантэру забяспечваецца: пражыванне, харчаванне, кішэнныя грошы штомесячна, кошты за атрыманне візы, праезд да Вільні і па сканчэнні праекта – дадому, моўныя курсы (літоўская мова).



Чытаць далей/Каментаваць

Імпрэзы ў беларускіх школах і каледжах

Зміцер Вайцюшкевіч адкрыў новы сезон сваіх выступаў.

4 верасня Зміцер выступіць у раённым Доме культуры аграгарадка “Новы шлях” Мсціслаўскага раёну Магілёўскай вобласці. Выступ распачнецца ў 18.00.


6 верасня знакаміты спявак дасць канцэрт у ДК аграгарадка “Станіслава” Дубровінскага раёну Віцебскай вобласці. Канцэрт пачнецца ў 20.00.


7 верасня Зміцер Вайцюшкевіч выступіць у школе мастацтваў г. Дуброўна Віцебскай вобласці ў 11.00.


А ў 14.00 спевака можна будзе пачуць у педагагічным каледжы г. Горкі Магілёўскай вобласці.

Аўтарка дзіцячых песняў Ала Кажэра працягвае сустрэчы са школьнікамі Мінска.

16 верасня паэтка наведае гімназію № 174 па адрасе: вул.Касманаўтаў д.15, корп.2 у 12.00


17 верасня сустрэча пройдзе ў гімназіі № 192, якая знаходзіцца на вул. Касманаўтаў, 13/2, у 13.00.

Паводле budzma.org



Каментаваць

Конкурс падтрымкі працы са старэйшымі школьнікамі

Асацыяцыя па міжнародных пытаннях (Чэшская рэспубліка) запрашае настаўнікаў беларускіх адукацыйных установаў прыняць удзел у конкурсе міні–праектаў.
Да ўдзелу ў конкурсе прымаюцца праекты, якія накіраваны на рэалізацыю ідэй старэйшых школьнікаў, а таксама ініцыятывы з боку настаўнікаў, мэтай якіх з’яўляецца павышэнне і падтрымка актыўнасці школьнікаў, вырашэнне праблемаў у школе, рэалізацыя грамадскіх праектаў, накіраваных на падвышэнне сацыяльнай і грамадзянскай кампетэнцый старшакласнікаў, правядзенне пазакласных мерапрыемстваў і інш.
Час рэалізацыі праектаў: 1 кастрычніка 2009 г. – 20 снежня 2009 г. 
Максімальная сума падтрымкі: 400$
Тэрмін падачы заявак: да 30 верасня 2009 г. 
Запоўненую заяўку дасылайце на адрас: 1konkurs@gmail.com
Праект ажыццяўляецца пра падтрымцы Міністэрства замежных спраў Чэшскай рэспублікі.
Форма заяўкі

Створым першы беларускі клас
Як вядома, жыццё развіваецца па спіралі, некаторыя падобныя праявы яго паўтараюцца праз пэўны перыяд. Мы цвёрда ўпэўнены ў тым, што новы віток адраджэнскага руху, які выведзе Беларусь на «пачэсны пасад між народамі», не за гарамі. У 1993 годзе ў першых беларускамоўных класах навучалася 76% ад усіх першакласнікаў, а ў сталічнай вобласці нават – 92,6%.
Тыя, хто навучаўся тады, ужо самі становяцца бацькамі і аддаюць сваіх дзяцей у дашкольныя ўстановы з беларускай мовай навучання і выхавання, першыя беларускія класы.
Пра свой намер адкрыць новыя групы і класы заявілі праз СМІ нашы актывісты ў Мінску, Брэсце, Гродне, Магілёве, Лідзе. У Мінску прымаюць заявы не сем адукацыйных устаноў з беларускай мовай навучання, як пра гэта пісалі некаторыя газеты.
Сёлета навучанне па-беларуску вялося ў 18-ці агульнаадукацыйных установах: гімназіях № 4, 9, 14, 23, 28, гімназіі-каледжы мастацтваў, СШ № 11, 60, 68, 72, 89, 108, 131, 180, 190, 205, 209, 218. Можна прадоўжыць і лік дашкольных устаноў сталіцы, акрамя названых у СМІ (№ 187, 234, 314, 412, 522, 534), напрыклад, 533, 133 і інш.
Як паказвае досвед, поспех стварэння новых навучальных i выхаваўчых суполак у адукацыйных установах у большай ступенi залежыць ад актыўнасцi i прадпрымальнасцi зацiкаўленых бацькоў. Дык за справу!

У сваю чаргу Рэспубліканскае грамадскае аб’яднанне «Таварыства беларускай школы» знойдзе магчымасць на пачатку навучальнага года маральна падтрымаць лепшых актывістаў, новыя беларускія класы і групы ў садах краіны.
Дасылайце iнфармацыю пра актывiстаў стварэння беларускiх класаў i груп у дашкольных установах на адрасы ТБШ (tbskoly@tut.by) цi тэлефануйце (8029–7520821) да 15верасня 2009 г.

Алесь Лозка,
старшыня РГА «Таварыства беларускай школы»

Каментаваць

Агляд адукацыйных навінаў
- У Беларусі зачыняюцца яшчэ 97 школ >>>
- Гарадзеншчына: Школу ў сіротаў адабралі пад ПТВ будаўнікоў АЭС >>>
- Настаўнікі атрымліваюць найменшыя заробкі ў рэгіёне >>>
- У Магілёве і Бабруйску не будзе беларускамоўных класаў >>>
- Настаўнікі Віцебшчыны распачнуць навучальны год без планаў >>>
- Нашто беларускім дзецям замежныя мовы >>>
- Чарговы фэст «Рок па вакацыях» адбудзецца ў мінскім клубе «Рэактар» 2 верасня >>>
- Мінгарвыканкам: правядзенне факультатыўных заняткаў у мінскіх школах суправаджаецца шэрагам складанасцяў >>>
- 1 верасня. Дзяржава для педагогаў – вялікі пафас і малыя заробкі >>>
- Навцчэнцы зачыненага ў 2003 г. ліцэя ім Я. Коласа правялі лінейку. Ліцэй жыве >>>

 

Івонка Сурвіла напісала адкрыты ліст да настаўнікаў Беларусі

У сувязі з пачаткам навучальнага года да настаўнікаў Беларусі з Канады звярнулася старшыня Рады БНР Івонка Сурвіла.
    «Высокапаважаныя і дарагія Настаўнікі Беларусі,
   Апошнім часам неяк шмат мне даводзілася чуць пра двухмоўе нашага народу. Я жыву ў двухмоўнай Канадзе – і з сумам бачу розніцу між беларускім і канадскім двухмоўем. Хацела б падзяліцца з Вамі маімі думкамі на гэтую тэму ў гэтыя так важныя першыя дні новага школьнага года, калі Вы будзеце пачынаць выхоўваць новую хвалю маладых беларусак і беларусаў, ад якіх калісьці будзе залежаць дабрабыт нашага краю і беларускага народу...

Чытаць далей/Каментаваць

Шаноўныя настаўнікі Беларусі! Горача віншуем вас з новым навучальным годам!

Няхай гэты год будзе лягчэйшым для нашых дзетак і настаўнікаў, няхай вас пазбегнуць новыя рэформы для праформы – сапраўдная рэформа ў нас наперадзе. Мы жадаем вам моцы і цярпення, свядомасці і натхнення, каб  за процьмаю папераў, інструкцыяў і кантроляў вы памяталі, што функцыя навучальнай ўстановы – адукацыя.

Шчыра ваш,
Nastaunіk.info

Internet у дапамогу настаўніку: www.postcrossing.com

The postcard crossing project быў створаны з мэтай бясплатнага абмену паштоўкамі паміж карыстальнікамі з усяго свету. Гэты праект можна паспяхова выкарыстоўваць на ўроках замежнай мовы, найперш англійскай, і дасягнуць адну з мэтаў – авалодванне навыкамі пісьмовага маўлення на прыкладзе напісання асабістых лістоў і віншаванак.


Чытаць далей/Каментаваць

Агляд адукацыйных навінаў

– У новым навучальным годзе матэрыялы па дванаццаці прадметах будуць на электронных носьбітах >>>

– У магілёўскім выканкаме распрацоўваюць комплекс мераў па прапагандзе беларускай мовы
>>>

– Ад новага навучальнага году вучні ў школе атрымаюць не толькі бясплатнае малако ці ёгурт, але таксама садавіну і гародніну >>>

– Мінадукацыі Польшчы: Школьная форма – гэта задорага для польскіх бацькоў
>>>

– Настаўнікаў прыраўняюць да вайскоўцаў. Але не па заробку. Чаго чакаць ад Кодэкса аб адукацыі? >>>


Каментаваць

Новае на сайце

Карта праектавання ўрока

Распрацоўка арыенціровачнай карты праектавання ўрока, зробленая загадчыкам кафедры педагогікі і філасофіі адукацыі Акадэміі паслядыпломнай адукацыі Мікалаем Іванавічам Запрудскім дапаможа настаўнікам эфектыўна спланаваць свой урок, звязваючы вынікі ўрока з пастаўленымі дыягнастуемымі мэтамі.

Спампаваць матэрыял


Каментаваць

Новае на сайце

Кейс-метад навучання


Сярод сучасных тэхналогій і метадаў навучання ў апошні час асаблівае месца займае навучанне кейс-метадам. Ён арыентаваны на самастойную індывідуальную і групавую дзейнасць навучэнцаў пад час набыцця камунікатыўных уменняў.
Выкарыстанне кейс-метада дазваляе ўвесці вучня ў стан інтэлектуальнага напружання, якое выклікае патрэбу ў ведах, пазнавальную цікаўнасць да вывучаемага матэрыялу, забяспечвае магчымасць ужывання метадаў навуковага даследавання, развівае пазнаваўчую самастойнасць і творчыя здольнасці, развівае эмацыйна-валявыя якасці і фармуе пазнаваўчую матывацыю.

Кароткі агляд выкарыстання кейс-метада на прыкладзе вывучэння тэмы «Прэса Вялікабрытаніі" прапануе настаўніца англійскай мовы школы №1 г. Івацэвічы Вольга Брыч.

Спампаваць матэрыял




Каментаваць

Міжнародны моладзевы абмен
“On a spaceship travel to active citizenship”

На абмене сустрэнецца моладзь з 5 еўрапейскіх краін (Нарвегія, Беларусь, Сербія, Іспанія і Чорнагорыя). Ідэя моладзевага абмену ў тым, каб удзельнікі паразважалі над тэмай грамадзянства, удзелу ў жыцці сваіх супольнасцяў, над тым, што робіць нас падобнымі, нягледзячы на розныя сацыяльна-культурныя ўмовы краін, ў якіх мы жывем.


На працягу абмену будзе магчымасць таксама паразмаўляць пра тое, што такое Еўропа і якой маладыя людзі жадалі б яе бачыць у будучыні.


Дзеля таго, каб высветліць гэтыя тэмы і таксама заахвоціць удзельнікаў на супрацоўніцтва і дыялог, будуць выкарастаныя метады нефармальнага навучання, каб кожны ўдзельнік мог атрымаць свой вопыт узаемадзеяня з іншымі культурамі, выказаць сваю пазіцыю і пачуць іншыя.



Чытаць далей/Каментаваць

Тыдзень нефармальнай адукацыі – 2009

20–27 верасня 2009 года ў Беларусі плануецца правядзенне
«Тыдня нефармальнай адукацыі -2009»
Працоўная група па падрыхтоўцы “Тыдня-2009” запрашае партнерскія арганізацыі, якія займаюцца нефармальнай адукацыяй, бізнес-арганізацыі, ініцыятыўную групу, трэнераў і экспертаў да ўдзелу ў распрацоўцы і правядзенні мерапрыемстваў у межах Тыдня.

Тэма сёлетняга Тыдня: «Нефармальная адукацыя (НФА) у Беларусі – да павышэння якасці жыцця».

Мэта “Тыдня НФА – 2009” – прадэманстраваць, якім чынам нефармальная адукацыя можа спрыяць павышэнню якасці жыцця чалавека.
Паляпшэнне якасці жыцця, апроч іншых вызначэнняў, можа разумецца таксама як магчымасць вольнага выбару чалавекам розных ладаў жыцця. Чым больш чалавек мае для выбару ладаў жыцця, тым вышэй якасць яго жыцця.
Нефармальная адукацыя ў гэтым выпадку можа разглядацца як інструмент, які дазваляе зразумець, убачыць і далучыцца да ўсёй разнастайнасці існуючых і магчымых ладаў жыцця, а таксама як эфектыўны інструмент, які спрыяе фармаванню ключавых сацыяльных, грамадзянскіх і іншых кампетэнцый, неабходных для гэтага.



Чытаць далей/Каментаваць

Майстар-класы для вучняў і моладзі па народных танцах
Калі Вы ўжо пачалі думаць аб тым, як правесці занятак 1 верасня (з улікам таго, што сёлета аб'яўлены Год роднай зямлі), тады гэтая прапанова для Вас!
Студэнцкая танцавальная суполка прапануе дапамогу для правядзення заняткаў, класных гадзінаў ці ўрокаў «Жыву ў Беларусі і тым ганаруся» на тэму гісторыі, беларускіх традыцый, беларускіх народных танцаў з удзелам танцавальнага каллектыву і дудара, альбо проста танцавальных майстар-классаў з расповедам пра гісторыю танца і абрады роднага краю.
Кантактная інфармацыя: +375 29 764 шэсць 2 50, e-mail: jagor.z@gmail.com
Каментаваць

Стыпендыі на навучанне ў Чэхіі, Венгрыі, Польшчы і Славакіі

У 2009 годзе Міжнародны Вышаградзкі Фонд рэалізуе спецыяльную праграму для Беларусі. Праграма прапаноўвае беларускім студэнтам і навукоўцам 80 семестраў навучання ў любым дзяржаўным ці прыватным універсітэце краінаў-удзельніц Вышаградзкай Групы.


Кожны ахвотны можа падаць заяўку на ўдзел у адукацыйных праграмах Master's ці Post-Master's (аспірантура) тэрмінам ад 1 да 4 семестраў.


Адабраныя кандыдаты атрымаюць стыпендыю.


Апошні тэрмін падачы заявак: 31 студзеня 2010 году.


Дадатковая інфармацыя – на старонках: scholarships.visegradfund.org і http://adukacyja.info/files/1064721489_V4_basic_info_EN_BY_RU.pdf



Паводле adukacyja.info



Каментаваць

Курсы беларускай мовы і гісторыі для школьнікаў


Узнаўляюць сваю дзейнасць курсы беларускай мовы і гісторыі для вучняў 10-х класаў сярэдняй школы. Курсы могуць наведваць усе жадаючыя.


Арганізацыйнае паседжанне адбудзецца ў аўторак 8 верасня 2009 году, а 17.00 у сядзібе ТБМ (вул. Румянцэва, 13, ст.м. “плошча Перамогі”).


Паводле рассылкі belngo.info



Каментаваць

Агляд адукацыйных навінаў

– Шэраг культурніцкіх сустрэч правяла вядомая паэтка і аўтарка дзіцячых песняў Ала Кажэра па Мінскіх школах на працягу жніўня >>>

– Бясплатная агульная сярэдняя адукацыя ў Беларусі будзе захавана
>>>

– Ці патрэбны веды школьнікам аб ЕС?
>>>

– Выпускнікоў ВНУ чакае размеркаванне па кантракце >>>

– 11-класнікі зноў будуць вучыцца па раздрукоўках замест падручнікаў >>>

– Прэзідэнт загадаў міністру адукацыі Аляксандру Радзькову актывізаваць вывучэнне замежных моваў у ВНУ. Хоць на працягу апошніх гадоў колькасць гадзін замежнай мовы актыўна скарачалася >>>



Каментаваць

Майстар-клас па камп'ютэрных прэзентацыях

Мiжнароднае асветнiцкае грамадскае аб'яднанне «АКТ» запрашае ўзяць удзел у майстар-класе «Эфектыўнае выкарыстанне PowerPoint-прэзентацыяў". Запрошаны эксперт – менеджэр, кансультант, трэнэр Аляксей Галанцоў.


У праграме:

– Тэхнiчныя патрабаваннi да правядзення прэзентацыi.

– Асновы камунiкацыi з аўдыторыяй.

– Сферы выкарыстаненя PowerPoint-прэзентацыяў.

– Дызайн слайдаў: тэкст, колер, выявы.

– Дэманстрацыя графiкаў, дыяграмаў, таблiцаў.

Майстар-клас адбудзецца 22 жнiўня 2009 году з 11.00 па 14.00 у Мінску.


Каб прыняць удзел у майтар-класе, дашлiце заяўку на адрас: actngo.info@gmail.com цi патэлефануйце 8(029) 678–18–30 (Юнэля Сальнiкава). Паведамце, калi ласка, сваё iмя, прозвiшча, назву арганiзацыi, кантактны тэлефон, адрас электроннай пошты. Памер групы абмежаваны.


Апошні тэрмін падачы заявак: 18 жніўня 2009 году.


Паводле рассылкі belngo.info



Каментаваць

Новае на сайце

“ Мы- беларусы!" (Распрацоўка ўрока, прысвечанага Году роднай зямлі)

Урок падрыхтавала Бяганская Тамара Альбертаўна, настаўніца пачатковых класаў  Зубкаўскай дзяржаўнай агульнаадукацыйнай сярэдняй школы Клецкага раёна.
Мэта гэтага ўрока -  каб вучні змаглі пазнаёміцца з лепшымі традыцыямі нацыянальнай культуры; адметнымі якасцямі беларусаў. Урок будзе спрыяць выхаванню  павагі да роднай мовы, да беларускага народа, яго гістарычнага мінулага, культурнай спадчыны.
Сцэнарый урока 
Прэзентацыя 
 



Каментаваць

Вакансія для педагогаў і псіхолагаў

Грамадская арганізацыя “Беларускі фонд SOS-Дзіцячая вёска” запрашае на працу вядучага спецыяліста па пытаннях апекі дзяцей. Асноўныя патрабаванні: вышэйшая адукацыя ў сферы псіхалогіі, сацыяльнай сферы ці сферы адукацыі; досвед працы не меньш за 3 гады з сацыяльнымі/псіхалагічнымі/адукацыйнымі праграмамі ў сферы апекі дзяцей; жаданне і ўменне працаваць з дзецьмі і маладымі людзьмі; валоданне нарматыỳна-прававымі актамі і іншымі метадычнымі матэрыяламі ỳ сферы выхавання, адукацыі і апекі дзяцей; паглыбленыя веды асноỳных момантаỳ сямейнага кансультавання і псіхалагічнай работы з дзецьмі і семьямі; валоданне міжнароднымі і нацыянальнымі заканадаỳчымі дакументамі аб правах дзіцяці; досвед у кіраванні праектамі, планіраванні, маніторынгу і ацэнцы; выдатныя камунікатыỳныя і арганізацыйныя навыкі; добрае валоданне гутарковай і пісьмовай англійскай мовай; камп'ютэрная граматнасць (MS Office);

Абавязкі:

падрыхтоỳка канцэпцыі апекі сямейнага тыпу і другіх канцэпцый апекі дзяцей для праектаỳ арганізацыі; развіцце новых праграм апекі дзяцей, накіраваных на паляпшэнне ўмоў жыцця дзяцей Беларусі; аказанне падтрымкі і ўкараненне стандартаў якасці апекі дзяцей у праектах арганізацыі; маніторынг і кантроль за ходам укаранення стандартаỳ якасці апекі дзяцей і моладзі; удзел у мерапрыемствах, прысвечаных правам дзіцяці, і па развіццю мадэлі SOS-Дзіцячых весак.
Адрас для рэзюмэ: anna.erofeenko@open.by

Тэрмін падачы рэзюмэ – да 18.09.2009 г.

Тэл. (017) 210–40–73 Ганна

Школа для журналістаў у Германіі

Ужо ў дзявяты раз у перыяд з 21 верасня па 2 кастрычніка 2009 году журналістам з Сярэдняй і Усходняй Еўропы прапануецца пазнаёміцца з ландшафтам нямецкай прэсы, яе структурамі ды метадамі працы, асабліва ў Сярэдняй Германіі.


Школа для журналістаў арганізаваная рознымі ўстановамі прэсы: Саксонская Фундацыя для адукацыі ў сфэры СМІ, Сярэдненямецкае Радыёвяшчанне, Федэральная Установа для прыватнага радыёвяшчання і новых камунікатыўных сродкаў.



Чытаць далей/Каментаваць

Конкурс «Выключана!»

Польская асацыяцыя Stowarzyszenie Edukacji i Postpu (STEP), Варшава, абвесціла конкурс «Выключана!». Работы ў катэгорыях: фатаздымак, фільм і архітэктура прымаюцца ад аўтараў любога ўзросту, прафесіі і з любой краіны.

Тэмай конкурсу з'яўляюцца занядбаныя, апустошаныя, разрабаваныя прамысловыя аб'екты: вакзалы, дамы, пустыя прасторы. Гэта месцы і прадметы, якія былі пазбаўленыя сваёй сацыяльнай функцыі. Менавіта ад удзельнікаў конкурсу будзе залежыць, ці здабудуць яны новую функцыю, ці дэградуюць.


Асацыяцыя ставіць на мэце стварэнне платформы для дыскусіі аб тым, што на сённяшні дзень з'яўляецца славутасцю, а што не, у чым заключаецца грамадскі інтарэс, а таксама, што такое публічная прастора і культурная спадчына.


Каб прыняць удзел у конкурсе, неабходна запоўніць заяўку (на сайце www.2b.art.pl у закладцы «Wykluczone!») і разам з працай даслаць па адрасе:

Stowarzyszenie Edukacji i Postepu STEP
ul. Radzilowska 5, m. 103–943 Warszawa

З пазнакай: „WYKLUCZONE!”.


Працы, адпраўленыя па электроннай пошце, разглядацца ня будуць.


Апошні тэрмін падачы заявак і працаў: 23 жніўня 2009 году.


Кантакт: Томаш Рыхтэр: t.rychter@wp.pl, Клара Копціньска: ja.pani.ka@gmail

Паводле рассылкі belngo.info



Каментаваць

Агляд адукацыйных навінаў
- Падрыхтоўка дзяцей да школы ўдарыць па кішэнях беларусаў: кошты на школьную форму выраслі >>>
- Школьнікаў апрануць у форму, якая абараняе ад выпраменьвання «мабільнікаў» >>>
- Крэдыты на навучанне ў Польшчы ў два разы ніжэйшыя, чым у Беларусі >>>
- Сёлета платнікаў у беларускія ВНУ прынята амаль у два больш, чым бюджэтнікаў. Колькі каштуе навучанне? >>>

Старшакласнікаў змогуць адлічваць са школ за непаспяховасць па трох прадметах
Праект Кодэкса аб адукацыі, які мяркуецца разгледзець у першым чытанні на восеньскай сесіі Палаты прадстаўнікоў Нацыянальнага сходу Беларусі, прадугледжвае адлічэнне з навучальных устаноў за непаспяховасць па трох прадметах. Аб гэтым паведаміў старшыня Пастаяннай камісіі па адукацыі, культуры, навуцы і навукова-тэхнічным прагрэсе Палаты прадстаўнікоў Уладзімір Здановіч, паведамляе БЕЛТА.
Адлічэнне са школ магчыма толькі на старэйшай ступені — 10–11-я класы. «Лічыцца, што да 9-га класа ўключна на дзіця яшчэ можна паўплываць, пераканаць, выхаваць», — растлумачыў ён.
Пры гэтым Уладзімір Зданович адзначыў, што дэпутатам пакуль не зусім зразумелы тэрмін «непаспяховасць»: Адзін бал па дзесяцібальнай сістэме — гэта таксама дадатная адзнака, і гэтае пытанне неабходна канкрэтызаваць».
Акрамя таго, адлічэнне навучэнцаў і студэнтаў будзе магчыма за акадэмічныя запазычанасці, нез'яўленне без паважнай прычыны на іспыты, пропуск больш за 10 дзён заняткаў і сістэматычнае парушэнне дысцыпліны. Беларусь можа стаць першай краінай, якая прыняла Кодэкс аб адукацыі.
Паводле сайта naviny.by


Каментаваць

Крытычнае мысленне – падрыхтоўка да пачатку навучальнага году

У жніўні, калі спадае спёка, вецер прахалоджвае галаву і спрыяе халоднаму і цвярозаму погляду на тое, што робіцца навокал. А для таго, каб гэта не зводзілася да простых назіранняў за тварамі ў тэлевізары, існуе спосаб пазнавання свету, вядомы як крытычнае мысленне. Менавіта яму быў прысвечаны настаўніцкі семінар «Думка, дыскусія, дзеянне – развіццё грамадскіх навыкаў вучня, якое стымулюе фармаванне грамадзянскіх паводзінаў".


Удзельнікі мелі магчымасць выявіць свае ўяўленні аб крытычным і некрытычным вучню і настуніку, паспрабаваць прымяць і зразумець розныя пункты гледжання і, урэшце рэшт, сканструяваць уласныя сцэнары трэнінгаў з выкарыстаннем набытых навыкаў.

Акрамя фотарэпартажу прапануем вашай увазе шэраг матэрыялаў, выкарыстаных падчас правядзення настаўніцкім семінараў. Іх можна выкарыстоўваць пры правядзенні заняткаў як з дзецьмі рознага ўзросту, так і з дарослымі для развіцця навыкаў распрацоўкі і рэалізацыі праектаў, вырашэння мясцовых канфліктаў, працы са сродкамі масавай інфармацыі, розных аспектаў крытычнага мыслення.

Сцэнар трэнінгу «Вучымся рэалізоўваць праекты» (doc, 62 КБ)


Сцэнар трэнінгу «СМІ ў грамадстве» (doc, 93 КБ)

Сцэнар трэнінгу «Як вырашаць мясцовыя праблемы» (doc, 77 КБ)


Сцэнар трэнінгу «Думка, дыскусія, дзеянне – метады стымулявання навыкаў крытычнага мыслення і вырашэння праблем» (doc, 200 КБ)



Каментаваць

Дапаможнік-гід па беларускай Вільні (+Фота)

Сталіца адной з наймагутных у сярэднявечнай Еўропе дзяржаў Вялікага княства Літоўскага. Места, дзе на пачатку 20 стагоддзя нарадзіўся наш нацыянальны рух і быў створаны «праект Беларусь». Горад нашай страчанай мары, які ўжо сем дзесяцігоддзяў ёсць сталіцай суседняй Літвы.
Аўтары дапаможніка паспрабавалі сістэматызываць і падаць у зручным выглядзе інфармацыю, для беларусаў, які хацелі б убачыць нашую духоўную сталіцу. Яны  засяродзіліся толькі на тых аб’ектах, якія можна памацаць рукамі, іншымі словамі – якія захаваліся дасюль.
Крыніца інфармацыі http://news.tut.by/culture/144187.html
Спампаваць PDF-версію (1,34 Мb)


Каментаваць

Сустрэчы з беларускімі паэтамі і гісторыкамі

Канцэрт-сустрэча з бардам Э. Акуліным і паэтам Л. Дранько-Майсюком пройдзе ў г. Дзяржынску Мінскай вобласці на фабрыцы “Эліз” 4 жніўня. Фабрыка знаходзіцца па адрасе: вул. Фурманава, 2. Пачатак канцэрту ў 14.00.

Творчая сустрэча з удзелам Э.Акуліна, Л. Дранько-Майсюка і В.Якавенкі пройдзе таксама 4 жніўня ў санаторыі “Зялёны Бор”. Санаторый знаходзіцца на паўднёвым усходзе вёскі Валоўшчына Мінскага раёну. Пачатак у 19.30.


Вядомы беларускі актор і тэлевядучы Юрый Жыгамонт правядзе творчую сустрэчу ў Шклоўскім раённым гістарычна-краязнаўчым музеі 7 жніўня.
Музей знаходзіцца па адрасе: г. Шклоў, вул. Савецкая, 46. Пачатак у 11.00.

Уваход на ўсе імпрэзы – вольны.

Паводле budzma.org



Каментаваць

Агляд адукацыйных навінаў

- Ад 350 да 675 тыс. рублёў будзе каштаваць бацькам поўная экіпіроўка першакласніка ў Мінску. Для старшакласнікаў — ад 518 да 995 тыс. рублёў >>>

- Большасць першакурснікаў БДУ – выпускнікі ліцэяў і гімназій >>>

- Прахадны бал у ВНУ Беларусі сёлета быў на 20—30 пунктаў вышэй, чым летась >>>

- Сельская прапіска стала перавагай для многіх абітурыентаў >>>


Каментаваць

Беларуская мова 1 клас для школ з рускай мовай выкладання

Метадычныя рэкамендацыі са сцэнарыямі ўрокаў па першым раздзеле вуснага курсу «Беларуская мова. 1 клас» для настаўнікаў агульнаадукацыйных установаў з рускай мовай навучання.
Аўтары Н. Антонава, Г. Галяш
Крыніца інфармацыі: сайт http://www.adu.by/
Спампаваць тут

Ад англійскай да мальтыйскай і японскай

У «Настаўніцкай газеце» выйшла рэцэнзія на кнігу «Кароткая граматыка англійскай мовы» Марыі Васючэнкі, якая поруч з «граматыкамі" латышскай, лацінскай, нарвежскай і польскай моў, укладзенымі Лявонам Баршэўскім, Андрэем Гуцавым, Аляксандрам Жлуткам, Вольгай Цвіркай, выйшла ў серыі «Беларускія ЕўраГраматыкі", укладзенай Уладзімірам Сіўчыкавым.
Прапануем вашай увазе тэкст артыкула

Школа адукатараў-2009

Мэтай школы з’яўляецца павышэнне ўзроўню кваліфікацыі спецыялістаў, якія адказваюць за распрацоўку і правядзенне адукацыйных і асветніцкіх праграм і мерапрыемстваў у вашых арганізацыях і ініцыятывах.

Удзельнікі Школы, якая будзе працаваць 4–6 верасня 2009 г., пазнаёмяцца з метадалогіяй распрацоўкі праграм адукацыйных мерапрыемстваў (вызначэнне мэтавых групаў, мэты і задач, крытэрыяў ацэнкі паспяховасці мерапрыемства, складанне праграмы, выбар трэнераў/фасілітатараў/экспертаў і г.д.), навучацца складаць заяўкі на падтрымку адукацыйна-асветніцкіх праектаў і асобных мерапрыемстваў, атрымаюць досьвед фасілітацыі такіх мерапрыемстваў.

Аўтары самых цікавых ідэяў адукацыйна-асветніцкіх мерапрыемстваў атрымаюць магчымасць правесці іх у межах агульнабеларускага Тыдня нефармальнай адукацыі, які будзе ладзіцца з 20 да 27 верасня 2009 г.! Тэма Тыдня – «Нефармальная адукацыя ў Беларусі – да лепшай якасці жыцця».

Адбор удзельнікаў Школы адукатараў будзе адбывацца на конкурснай аснове.

Для ўдзелу ў конкурсе неабходна даслаць да 10 жніўня на адрас электроннай пошты aha.info@gmail.com запоўненую анкету-заяўку, узор якой прыкладзены асобным файлам, а таксама рэкамендацыйны ліст у вольнай форме ад імя прадстаўніка кіраўніцтва арганізацыі.



Каментаваць

Новае на сайце

Краязнаўчы маршрут: «Ведай свой горад»

Пазакласнае мерапрыемства для вучняў 15 – 17 гадоў распрацавалі і правялі настаўніцы ліцэя Беларуска-Расійскага універсітэта Сяргеева Святлана Валянцінаўна і Шаршнёва Наталля Рыгораўна. Прапанавая актыўная форма працы з вучнямі мае на мэце стымуляванне цікаўнасці да краязнаўства, павышэнне ўзроўню ведаў не толькі па гісторыі горада, але і геаграфіі краю, накіравана на фарміраванне патрыятызму і нацыянальнай самасвядомасці.
Настаўніцы дзеляцца досведам арганізацыі і правядзення апісанай краязнаўчай гульні са сваімі ліцэістамі ў Магілёве.

Спампаваць матэрыял



Каментаваць

Запрашаем на семінар-канферэнцыю па праблемах сістэмы адукацыі ў Беларусі

Запрашаюцца актыўныя маладыя жанчыны, якіх хвалюе сучасны стан школьнай і дашкольнай адукацыі і якія гатовыя падзяліцца сваім бачаннем таго, што і як трэба мяняць у гэтай сістэме.

Падчас семінару ўдзельніцы будуць мець магчымасць абмеркаваць сваё бачанне праблемаў у школьнай і дашкольнай адукацыі Беларусі, азнаёміцца з рэформамі ў літоўскай сістэме адукацыі і сустрэцца з яе прадстаўнікамі, а таксама разам падумаць пра рашэнні хай сабе дробных, а ў той жа час вельмі важных праблем.

Семінар будзе адбывацца ў Вільні (Літва), 11–13 верасня (пятніца-нядзеля).

Удзел у семінары бясплатны.

Арганізатары таксама аплачваюць праезд, візы, пражыванне і харчаванне ўдзельнікаў.

Працоўныя мовы – беларуская і руская. Пры неабходнасці, будзе ажыццяўляцца пераклад з англійскай.


Зацікаўленых просім спампаваць анкету і даслаць яе на адрас seminar.educationby@gmail.com


Дэдлайн – 11 жніўня.



Каментаваць

Агляд адукацыйных навінаў
- Да 20 жніўня працягваецца набор на бакалаўрскую праграму «Гісторыя Беларусі і культурная антрапалогія» Еўрапейскага гуманітарнага універсітэту ў Вільні. >>>
- Адукацыйна-культурніцкая фундацыя Орса-Рамана вылучала 4 стыпендыі студэнтам-гісторыкам >>>
- Прахадны бал УВНУ Беларусі  ў 2009 годзе быў на 20–30 пунктаўв вышэй,  чым у летась >>>
- Каманда БДУ заваявала залатыя і срэбныя медалі на XVI Міжнароднай студэнцкай матэматычнай алімпіядзе ў Будапешце >>>
- Самы высокі конкурс у БДУ — 17 чалавек на месца >>>
- Нават з добрай сумай балаў абітурыенты выбіраюць платнае навучанне >>>
- Студэнтаў-атамшчыкаў прымньваюць рублём >>>
- Шведская сістэма адукацыі: без адзнак і заліковых кніжак >>>

Каментаваць

Увага! Выйшла новая кніжка па астраноміі на беларускай мове
Яе аўтар — Кастусь Цыркун. Кніга называецца «Над намі — неба: міфы і паданні пра зоркі, сузор'і і планеты». Кніга адрасуецца вучням сярэдняга і старэйшага школьнага ўзросту. Выдавец: «Мастацкая літаратура». Рэцэнзію Міколы Чэмера на гэтую кнігу можна пачытаць у «Настаўніцкай газеце».
 


Каментаваць

Да ўвагі настаўнікаў гісторыі

Заняткі па гісторыі Другой сусветнай вайны для педагогаў, студэнтаў і прадстаўнікоў НДА ладзяцца ў Віцебску і Катыні з 8 да 10 жніўня.

Няўрадавыя арганізацыі Віцебска і Гданьска запрашаюць педагогаў, студэнтаў і дзеячаў НДА на трохдзённае навучанне пра польскі ўдзел у Другой сусветнай вайне. Цыкл заняткаў пройдзе ў Віцебску і Катыні.
Заняткі будуць праводзіць беларускія і замежныя трэнеры ды эксперты.

Удзельнічаць у навучанні могуць педагагічныя супрацоўнікі пачатковых, базавых і сярэдніх школ, сярэднеспецыяльных вучэбных установаў, выхаваўчых асяродкаў для дзяцей і моладзі, навучальных цэнтраў для непаўналетніх інвалідаў, аддзелаў адукацыі розных узроўняў, студэнты педагагічных каледжаў і ВНУ, прадстаўнікі/прадстаўніцы НГА, кіраўнікі/кіраўніцы і актывісты/актывісткі асветніцкіх і краязнаўчых гурткоў, суполак, клубаў ды сетак.

Удзел у трэнінгу бясплатны.
Арганізатары кампенсуюць іншагароднім навучэнцам кошт праезду і пражывання. Усе ўдзельнікі забясьпечваюцца трохразовым харчаваннем. Навучэнцы атрымаюць вучэбныя ды іншыя матэрыялы.

Апошні тэрмін падачы заявак – да 5 жніўня.
Ахвотныя да ўдзелу могуць запісацца на заняткі па электронным адрасе: schoolgender@gmail.com ці па тэлефонах: +375 29 666 37 54 (Velcom) і +375 29 892 82 84 (МТС).

Паводле Кронікі грамадзкага жыцьця Гарадзеншчыны



Каментаваць

Агляд адукацыйных навінаў
- У Беларусі ствараецца новы масавы рух «Юны дзяржынец», які аб’яднае падлеткаў >>>
- Беларускія студэнты і выкладчыкі змогуць паехаць вучыцца ў лепшыя еўрапейскія ўніверсітэты па праграме Еўрасаюза “Эразмус Мундус”>>>
- Хто мае шанцы стаць студэнтам? >>>
- Год навучання ў Медыцынскім універсітэце каштуе ўжо 6 мільёнаў >>>
- Абітурыенты лічаць балы >>>
- Лідскія школьніцы выкінулі сяброўку з пятага паверху >>>
- У БДУ з'явіцца «чарнобыльская» стыпендыя Фонду Марыі Шарапавай >>>

КОНКУРС ГРАНТАЎ ДЛЯ ГРАМАСКІХ АРГАНІЗАЦЫЯЎ І ІНІЦЫЯТЫВАЎ
Міжнароднае аб’яднанне “Грамадзянская Беларусь” (Прага, Чэшская рэспубліка) абвяшчае конкурс для НДА. Мэтай конкурсу з'яўляецца актывізацыя грамадства. Да ўдзелу ў конкурсе запрашаюцца арганізацыі-сябры Асамблеі НДА. Прыярытэт будзе аддавацца крэатыўным падыходам да прыцягнення ўвагі грамадзтва да мясцовых і нацыянальных праблемаў, далучэння новых людзей да грамадскай працы, .
Важным будзе лічыцца акцэнт на каштоўнасці дэмакратыі і нацыянальнага адраджэння. Тэрмін выканання праектаў: да 30 красавіка 2010г. Апошні тэрмін падачы заявак: 5 верасня 2009 года.
Падрабязную інфармацыю аб конкурсе чытайце тут.
Паводле рассылкі belngo.info


Каментаваць

Семінары для валантэраў у Германіі

14–20 сакавіка 2010г., 9–15 мая 2010г., 26 верасня-2 кастрычніка 2010г. у Германіі адбудуцца семінары для валантэраў.


Для ўдзелу ў сэмінарах запрашаюцца заангажаваныя ў грамадскай
дзейнасці маладыя людзі ва ўзросце 18–25 гадоў. Галоўнай мэтай
сустрэчаў з'яўляецца абмен досведам, які спатрэбіцца ў далейшай
дзейнасці.


Семінары будуць прысвечаныя тэмам:


– валантэрства ў экалагічнай сферы,

– еўрапейскае валантэрства,

– нерэгулярнае валантэрства,

– валантэрства ў культурніцкай сферы,

– сусветнае валантэрства,

– іншыя валантэрскія службы за мяжой.

Удзел у семінарах бясплатны.

Дадатковая інфармацыя – на сайце: www.freiwilligenkolleg.de/174_Bewerbung.htm

Апошні тэрмін падачы заявак: 19 кастрычніка 2009 году.


Паводле adukacyja.info



Каментаваць

Адукацыйная праграма «Студэнт у дзеянні!"

Моладзевая прафсаюзная група «Студэнцкая Рада» запрашае прыняць удзел у адукацыйнай праграме «Студэнт у дзеянні!".


Праграма складаецца з 2-х трэнінгаў і ставіць мэту – фармаванне актыўнай грамадзянскай пазіцыі ў студэнтаў.


Да ўдзелу запрашаюцца студэнты ўсіх курсаў мінскіх сярэдніх спэцыяльных і вышэйшых навучальных установаў, якія жадаюць дзейнічаць у абарону сваіх правоў.



Чытаць далей/Каментаваць

Беларуская мова стала ахвярай крызісу

Жодзінскі гарвыканкам прыняў рашэнне спыніць у мясцовай гімназіі беларускамоўную праграму навучання.


Мясцовыя ўлады, спасылаючыся на эканамічны крызіс і неабходнасць эканоміі сродкаў, вырашылі ліквідаваць прыярытэтнае беларускамоўнае навучанне ў гімназіі №1 Жодзіна. Жодзінскі гарвыканкам ужо прыняў рашэнне № 928 ад 23.06.09 аб ліквідацыі адзінага ў рэгіёне беларускамоўнага гімназічнага класу.


Як адзначаюць актывісты, гэта ўжо трэцяя спроба ліквідаваць беларускае навучанне.


Першы раз чыноўнікі спрабавалі гэта зрабіць у 2004‑2005 гадах, другі раз − у 2008 годзе.


Нагадаем, менавіта тут вучыцца Янка Лапіцкі, бацькі якога дабіваліся навучання на беларускай мове.


Паводле Нашай Нівы



Каментаваць

Круглы стол «Сучасная камунікацыя ў развіцці гарадоў і рэгіёнаў Беларусі"

21 ліпеня 2009 году адбудзецца круглы стол. Арганізатарамі з'яўляюцца ГА «Цэнтар сацыяльных інавацыяў" і праектная група Агенцыя гуманітарных тэхналогіяў.


Мэта круглага стала – ў актывізацыі публічнага ды адкрытага абмеркавання тэмы развіцця малых гарадоў і рэгіёнаў Беларусі, пашырэнне кола пытанняў і праблемаў, якія ўздымаюцца.


Круглы стол будзе прысвечаны пытанням арганізацыі камунікацыі і ўмовам яе развіцця, ды іх стратэгіям.



Чытаць далей/Каментаваць

Лета – гэта час, калі настаўнікі вучацца з ахвотай
Ад метадычнага семінара «Навучанне праз супрацоўніцтва» нашыя тэарэтычна ўзброеныя да зубоў настаўнікі нічога асабліва новага не чакалі. Але першае ж практыкаванне паказала, што тэорыя і практыка ў айчыннай педагогіцы пакуль не пазнаёміліся. Таму навучанне, якое прапануюць грамадскія арганізацыі – гэта цалкам практычнае навучанне. Вучым таму, з дапамогай чаго вучым! Гэта дэвіз метадычнага навучання для педагогаў. Яшчэ стала традыцыяй на кожным семінары адводзіць час для абмену досведам для ўдзельнікаў. Майстар-клас для калег мог правесці кожны настаўнік. У хуткім часе метадычныя матэрыялы і сцэнарыі заняткаў з'явяцца на нашым сайце. А пакуль – фотарэпартаж з семінара «Навучанне праз супрацоўніцтва«.


Каментаваць

Беларускамоўныя групы ў садках

Мінск

Дзіцячая дашкольная ўстанова №412 (пр.Газеты Праўда, 64а) запрашае ў старэйшую ўзроставую групу з беларускай мовай выхавання. Даведкі праз т.: (017) 271–68–47.


ДДУ №522 (вул.Русіянава, 23) сёлета набірае малодшую групу. Даведкі праз т.: (017) 260–65–01.


ДДУ №314 (вул.Багдановіча, 68а) мае рознаўзроставую групу, тут прымаюцца дзеткі сярэдняга і старэйшага ўзросту. Даведкі праз т.: (017) 234–25–61.


ДДУ № 534 (вул.Матусевіча, 59) — цалкам беларускамоўны садок. Даведкі праз т.: (017) 257–76–91.


ДДУ № 187 (вул.Кахоўская, 64а) — цалкам беларускамоўны садок. Даведкі праз т.: (017) 213–06–71.


ДДУ № 234 (вул.Карастаянавай, 19) набірае рознаўзроставую групу. Даведкі праз т.: (017) 288–50–75.


Мінчукам з Сухарава, якія жадаюць з восені 2009 г. аддаць сваіх дзяцей 3—4 гадоў у беларускамоўны садок па месцы жыхарства, можна звяртацца праз тэлефон: (29) 395–73–99 (Дар’я) або праз e-mail: apalonik@gmail.com. На сёння група сфармаваная, але з часам, магчыма, з’явяцца месцы.

Брэст

Таксама арганізуецца беларускамоўная рознаўзроставая група ў брэсцкім дзіцячым садку. Каб яна пачала працаваць ў верасні 2010, тэлефануйце +(029) 228–44–68 (Мілана) або лістуйце milka-kotka@tut.by ці milka-kotka@mail.ru. Заявы трэба падаць у верасні 2009, каб у супрацоўнікаў аддзелу адукацыі быў час падрыхтавацца (у тым ліку і маральна).

Гродна

Усе, хто жадае аддаць дзіця ў беларускамоўную групу, звяртайцеся па інфармацыю: тэл. (029) 868–98–82 (Ігар Кузьмініч).

Магілёў

ДДУ № 81 (Дняпроўскі бульвар, 58а (м-н Юбілейны)) — набірае рознаўзроставую групу (4–5 гадоў). Даведкі праз т.: (0222) 26–06–69.

Маладзечна

Тут таксама будзе беларускамоўная група. Запрашаем далучацца і дапамагаць: тэлефон у Маладзечне (01773) 5–44–28; (029) 575–16–52 (Святлана).

Паводле Нашай Нівы



Каментаваць

Агляд адукацыйных навінаў

– Асаблівасці цэнтралізаванага тэставання гэтага году: эксперыменты і парушэнні >>>

– На ЦТ па біялогіі звыш 2 тыс. абітурыентаў не ведаюць, дзе ў раслін кветка, лісце і корань >>>

– Беларуская каманда заняла 1 месца на міжнародным турніры юных матэматыкаў >>>

– Школы Мінска завершаць падрыхтоўку да навучальнага года да 20 жніўня
>>>

– Пінскія абітурыенты здзівілі ўсіх па выніках цэнтралізаванага тэставання
>>>

– ЦТ-2009: Без рэпетытараў можна набраць 40 балаў
>>>

– Колькасць студэнтаў-замежнікаў у Беларусі павялічылася ў тры разы
>>>



Каментаваць

Майстар-класы для вучняў і моладзі па народных танцах.
Калі вы працуеце ў летніку, ці ўжо пачалі рупіцца пра пазакласную працу, тады гэтая прапанова для Вас!
Студэнцкая танцавальная суполка прапануе дапамогу для правядзення заняткаў, класных гадзінаў ці ўрокаў «Жыву ў Беларусі і тым ганаруся» на тэму гісторыі, беларускіх традыцый, беларускіх народных танцаў з удзелам танцавальнага каллектыву і дудара, альбо проста танцавальных майстар-классаў з расповядам пра гісторыю танца і абрады роднага краю.
Кантактная інфармація: +375 29 764 шэсць 2 50, e-mail: jagor.z@gmail.com
Каментаваць

Міжнародныя праекты праграмы Моладзь у дзеянні

1.RLB TC – REMOVING THE LINGUISTIC BARRIERS IN ENGLISH WITHIN INTERCULTURAL COMMUNICATION
Трэнінг для тых, хто няўпэўнена адчувае сябе пры камунікацыі на англійскай мове, але жадае больш працаваць з міжкультурнымі адукацыйнымі мерапрыемствамі. Добрая магчымасць для моладзевых каардынатараў і трэнераў  падцягнуць англійскую мову!
Даты: 2009–09–14 – 2009–09–20
Месца: Францыя
Апошні тэрмін падачы заявак 2009–07–17
2. SOHO France In French language 
Трэнінг для тых, хто хоча даведацца болей пра Міжнародную валанцёрскую праграму EVS. 
Для арганізацый, якія жадаюць дасылаць і прымаць валанцёраў з замежжа.
Даты 2009–09–23 – 2009–09–27
Месца: Францыя
Апошні тэрмін падачы заявак 2009–08–10
Трэнінг на французскай мове!!!!!
3. Трэнінг Europe@work пра тое, як працаваць з моладдзю на тэму вялікай «Еўропы»
Даты 2009–08–31 – 2009–09–03
Месца: Германія
Апошні тэрмін падачы заявак 2009–08–15
Больш інфармацыі пра трэнінгі  знаходзіцца тут 

Каментаваць

Настаўнікі авалодваюць сучаснымі сродкамі навучання (+ ФОТАРЭПАРТАЖ)

Сёлетні метадычны летнік у Альхоўцы быў прысвечаны сучасным сродкам арганізацыі адукацыйнага працэсу ў школе. Ключавое слова ў тэме летніка – сродкі навучання.
Справа ў тым, што сучасная айчынная школа, па першае, вельмі недастаткова абсталявана сродкамі, па-другое, сродкі носяць у большасці ілюстратыўны характар і прызначаны для пасіўнага ўспрыняцця вучнямі інфармацыі без яе крытычнага асэнсавання, у-трэціх, у аўтара курсаў Мікалая Іванавіча Запрудскага і яго партнёраў маецца досвед і ўзоры такіх сродкаў навучання, якія матывуюць вучняў на актыўную працу, стымулююць вызначэнне кожным навучэнцам сваёй уласнай пазіцыі, скіраванны на прысванне імі нацыянальных і гуманістычных каштоўнасцей, на поспех вучняў на ЦТ.
У летніку настаўнікі з розных куткоў краіны авалодалі сучаснымі інтэрактыўнымі сродкамі навучання, навучыліся самі ствараць навучальныя сродкі і праектаваць адукацыйныя працэсы.
Традыцыйна ў Альхоўку настаўнікі прывозяць свае распрацоўкі, каб падзяліцца імі з калегамі. Сёлета кожны ўдзельнік звёз дахаты не толькі добры настрой, творчую атмасферу, але і каля 10 гігабайтаў інфармацыі.
Найлепшыя метадычныя матэрыялы з альхоўскай скарбонкі хутка з'явяцца на сайце Nastaunik.info.
А пакуль глядзіце фотарэпартаж з Альхоўкі-2009.

Каментаваць

МІЖНАРОДНЫ ВАЛАНЦЁРСКІ ЛЕТНІК ВА ЎКРАІНЕ
Украінская дабрачынная агранізацыя “Цэнтар адукацыйных ініцыятываў” запрашае да ўдзелу ў міжнародным валанцёрскім летніку “Following the ancient history”, які адбудзецца з 1 па 14 жніўня 2009 года у мястэчку Бэлз у Львоўскім раёне. Мэтай летніка зяўляецца абмен культурным досведам і ведамі пра супольную гістарычную спадчыну, а таксама планаванне далейшай каапэрацыі ўдзельнікаў у гэтай галіне.
Удзельнікамі могуць быць асобы ва ўзросце 21–28 гадоў, якія цікавяцца гісторыяй і культурай Цэнтральнай Еўропы і Украіны, і валодаюць англійскай мовай на камунікацыйным узроўні.
Больш падрабязную інфармацыю пра летнік глядзіце тут.
Паводле ngo.by

МОЛАДЗЕВЫ ЛЕТНІК НА ВІЛЕЙСКІМ ВАДАСХОВІШЧЫ
Маладыя людзі ва ўзросце 17–20 год запрашаюцца да ўдзелу ў моладзевым летнiку «Надзея», якi адбудзецца з 10 па 20 жніўня на Вiлейскім вадасховiшчы. У праграме летнiка – камунiкацыйныя трэнінгi, гульнi, семінар па падрыхтоўцы валанцёраў для дабрачыннай дзейнасьцi.
Апошні тэрмін падачы заявак: 1 жніўня 2009 года.
Спампаваць форму анкеты можна тут.
Паводле рассылкі belngo.info

Каментаваць

ЛЕТНІК «ЧАРОЎНЫ ДОМ ЕЎРАПЕЙСКІХ СУСТРЭЧ» НА БЕРАСЦЕЙШЧЫНЕ
Берасцейская моладзевае аб'яднанне «Дзедзіч» запрашае ўзяць удзел у моладзевым дабраахвотніцкім летніку «Чароўны дом еўрапейскіх сустрэч».
З 25 ліпеня цягам 10 дзён моладзь зь Берасця ды ўсёй краіны ў вёсцы Залессе Камянецкага раёна (40 км ад Берасця) будзе ствараць свой «Еўрапейскі дом».
Летнік «Беларускі дом еўрапейскіх сустрэч» гэта:
- сустрэчы з цікавымі і творчымі людзьмі;
- вандроўкі ў Камянец (Белая вежа), Воўчын (радзіма апошняга караля Рэчы Паспалітай са старажытным Троіцкім Касцёлам), Высокае (сядзібава-паркавы ансамбль Сапегаў);
- свята вады на возеры Катэра;
- вечаровы Open Air;
- дэбаты, прыемныя размовы ды летнія раманы.
Да ўдзелу запрашаюцца сябры разнастайных грамадскіх арганізацыяў ды проста актыўная і пазітыўная моладзь з усёй Беларусі. Каб прыняць удзел у летніку, трэба даслаць заяўку па адрасе: dzedzich@tut.by
Форму заяўкі й падрабязную інфармацыю аб летніку глядзіце на сайце: www.dzedzich.org

Каментаваць

СТВОРЫМ БЕЛАРУСКI ПЕРШЫ КЛАС

Як вядома, жыццё развіваецца па спіралі, некаторыя падобныя праявы яго паўтараюцца праз пэўны перыяд. Мы цвёрда ўпэўнены ў тым, што новы віток адраджэнскага руху, які выведзе Беларусь на “пачэсны пасад між народамі”, не за гарамі.
У 1993 годзе ў першых беларускамоўных класах навучалася 76% ад усіх першакласнікаў, а ў сталічнай вобласці нават – 92,6%. Тыя, хто навучаўся тады, ужо самі становяцца бацькамі і аддаюць сваіх дзяцей у дашкольныя ўстановы з беларускай мовай навучання і выхавання, першыя беларускія класы.
Пра свой намер адкрыць новыя групы і класы заявілі праз СМІ нашы актывісты ў Менску, Гродна, Магілёве, Лідзе. У Менску прымаюць заявы не сем адукацыйных устаноў з беларускай мовай навучання. Сёлета навучанне па-беларуску вялося ў 18-ці агульнаадукацыйных установах: гімназіях № 4, 9, 14, 23, 28, гімназіі-каледжы мастацтваў, СШ № 11, 60, 68, 72, 89, 108, 131, 180, 190, 205, 209, 218. Можна прадоўжыць і лік дашкольных устаноў сталіцы, акрамя названых у СМІ, напрыклад, 533, 133 і інш.
Як паказвае досвед, поспех стварэння новых навучальных i выхаваўчых суполак у адукацыйных установах у большай ступенi залежыць ад актыўнасцi i прадпрымальнасцi зацiкаўленых бацькоў. Дык за справу!
У сваю чаргу Рэспубліканскае грамадскае аб’яднанне “Таварыства беларускай школы” знойдзе магчымасць на пачатку навучальнага года маральна падтрымаць лепшых актывістаў, новыя беларускія класы і групы ў садах краіны.
Дасылайце iнфармацыю пра актывiстаў стварэння беларускiх класаў i груп у дашкольных установах на адрасы ТБШ (tbskoly@tut.by) цi тэлефануйце (8029–7520821) да 15верасня 2009 г. 
Алесь Лозка,
старшыня РГА «Таварыства беларускай школы»
.


Каментаваць

Сёння распачаў працу дваццаты метадычны летнік у Альхоўцы

«Калі праект так доўга не знікае – значыць гэта добры праект» – гэта словы стваральніка і натхняльніка летніка Мікалая Іванавіча Запрудскага. Альхоўка-2009 мае тэму «Сучасныя сродкі навучання». Напрацягу тыдня настаўнікі фізікі будуць знаёміцца з новымі сродкамі навучання,і абменівацца досведам стварэння і эфектыўнага выкарыстання. Па традыцыі кожны з удзельнікаў летніка прывозіць у Альхоўку ўсё, што ён напрацаваў за год, каб падзяліцца  з калегамі. Прыемна, што сёлета адін з удзельнікаў – Аляксандр Плятнёў – прывёз для агульнаага выкарыстання не толькі інтэлектуальны прадукт, але і ноўтбук, які ён выйграў на конкурсе «Ноўтбук для актыўнага настаўніка» , што праводзіўся на сайце Nfastaunik.info.


Каментаваць

Новае на сайце

Сцэнар «Купальскі карагод»

Сцэнар святкавання Купалля, складзены выкладчыцамі Брэсцкага дзяржаўнага універсітэта М.П. Осіпавай і З.М. Панасевіч і надрукаваны ў часопісе «Пачатковая школа» будзе, вядома ж, дарэчным напярэдадні Купалля для тых, хто і ў час адпачынкаў мае клопат аб шанаванні народных традыцый.

Спампаваць сцэнар (doc, 42 КБ)

Паводле сайта З рога ўсяго многа



Каментаваць

Агляд адукацыйных навінаў

– У школах праз два гады могуць увесці абавязковы іспыт па замежнай мове >>>

– Абітурыенты ўжо могуць пазнаёміцца з вынікамі тэставання па беларускай і рускай мовах

– Ад пачатку правядзення ЦТ з аўдыторыяў выдалілі больш за паўсотні абітурыентаў >>>



Каментаваць

На канікулах – у падарожжа “Таямніцы беларускай Поўначы”


Магілёўская гарадская арганізацыя ГА “Таварыства беларускай мовы імя Францішка Скарыны” запрашае ў трохдзённую вандроўку “Таямніцы беларускай Поўначы” па Віцебшчыне, якая адбудзецца 10–12 ліпеня 2009 г. 

Падчас вандроўкі ўдзельнікі наведаюць краязнаўчы музей у Лепелі, музей Васіля Быкава ў Бычках, пабачаць самае глыбокае возера Беларусі, наведаюць крайнюю паўночную кропку і самы старажытны горад нашай краіны, а таксама мноства помнікаў архітэктуры ды іншых найцікавейшых мясцінаў.



Паводле рассылкі belngo.info


Чытаць далей/Каментаваць

Пачаўся прыём дакументаў на завочнае аддзяленне бакалаўскіх праграм ЕГУ


Прыём дакументаў здзяйсняецца на наступныя бакалаўрскія праграмы:


– гісотрыя Беларусі і культурная антрапалогія;

– візуальны дызайн і медыя;

– культурная спадчына і турызм;

– медыя і камунікацыя: візуальная культура (кіно, тэлебачанне, Інтэрнэт), масавыя камунікацыі і журналістыка;

– міжнароднае права;

– паліталогія і еўрапейскія даследаванні;

– сацыяльная і палітычная філасофія;

– тэорыя і практыка сучаснага мастацтва.

Апошні тэрмін падачы дакументаў на завочнае аддзяленне бакалаўрскіх праграмаў: 24 ліпеня 2009 году (1-шы паток), з 27 ліпеня па 21 жніўня (2-гі паток).

Азнаёміцца з працэдурай прыёму і разгляду дакумэнтаў можна ў раздзеле «Правілы прыёму» на сайце: http://www.ehu.lt/news/notice/0013467/

Звярніце ўвагу на тое, што працэдура прыёму дакумэнтаў змянілася.


http://www.ehu.lt/studies/low_residency/programs/


Кантакты: Irma Jukauskaite, EHU Communications Officer, mob.: +370 680 20 586, i.zukauskaite@ehu.lt


Паводле рассылкі belngo.info


Каментаваць

Конкурс асветніцкіх праектаў


У Дохе (горад на ўзбярэжжы Персіцкага заліву, сталіца эмірату Катар) з 16 па 18 лістапада 2009 году адбудзецца першы ў свеце Сусветны інавацыйны адукацыйны саміт (World Innovation Summit for Education, WISE), арганізатарам якога выступае Фонд адукацыі, навукі ды сацыяльнага развіцьця Катара.


У межах саміта пройдзе конкурс адукацыйных праектаў, па выніках якога будуць абвешчаныя пераможцы прэміі ў галіне інавацыйных тэхналогіяў у адукацыі.


Прэміямі будуць уганараваныя лепшыя адукацыйныя інавацыйныя праекты: рэалізаваныя практыкі і тэхналогіі, якія спрыяюць фармаванню прынцыпа новай мадэлі адукацыі.


Прымаюцца праекты з розных галінаў адукацыі ад арганізацыяў з любой кропкі свету.


Апошні тэрмін падачы заявак: 15 ліпеня. Заяўкі прымаюцца на англійскай мове.


Форма заявак і падрабязная інфармацыя – на сайце http://www.wise-qatar.org/en/awards



Паводле рассылкі belngo.info


Чытаць далей/Каментаваць

Конкурс «Польшча '89 – Беларусь 91' – нераўназначныя змены»


Цэнтр Міжнародных зносінаў (Centrum Stosunkоw Miedzynarodowych) і партал
Belarus-Live.eu абвяшчаюць конкурс найлепшых артыкулаў, эсэ, рэпартажаў з Беларусі. Тэма: «Польшча 89'- Беларусь 91' – нераўназначныя змены».


Дасылайце на конкурс цікавыя рэпартажы, фота-рэпартажы, эсэ, артыкулы, аналітыку, якія асвятляюць падзеі, што паўплывалі на мінулыя 20 гадоў Беларусі і Польшчы, і іх узаемных дачыненняў (палітычных, сацыяльных, культурных).


Апошні тэрмін падачы работ: 10 жніўня 2009 году. Работы дасылайце на адрас: konkurs@csm.org.pl


Падрабязную інфармацыю аб конкурсе чытайце ў файле Abviestka_aficyjnaja.pdf.



Паводле рассылкі belngo.info


Чытаць далей/Каментаваць

Новае на сайце

Артыкул «Ян Снядэцкі"

Прапануем вашай увазе цікавы артыкул пра гісторыю жыцця Яна Снядэцкага, рэктара Віленскага універсітэта, знанага астранома, матэматыка, грамадскага дзеяча і даследчыка гісторыі навукі, здольнага спалучыць высокую навуковую кваліфікацыю і талент, арганізацыйныя здольнасці і актыўную грамадскую пазіцыю. Матэрыял надрукаваны ў газеце «Наша слова».

Аўтар – Леанід Лаўрэш.


Спампаваць артыкул (doc, 240 КБ)

Паводле pawet.net



Каментаваць

Экспрэс Салідарнасць – 2009

Пачаўся набор моладзі для ўдзелу ў другім выпуску Экспрэс Салідарнасці, арганізатарам якога з'яўляецца Еўрапейскі цэнтр салідарнасці ў супрацоўніцтве з Міністэрствам замежных спраў Польшчы. Першы выпуск праекта адбыўся летась у межах святкаваньня 25 гадавіны ўручэння Леху Валенсе Нобелеўскай прэміі міру. У ім прынялі ўдзел больш за 200 грамадзкіх актывістаў з 44 краінаў.


Другі выпуск Экспрэс Салідарнасці прымеркаваны да 70 гадавіны пачатку Другой Сусветнай вайны і адбудзецца з 26 жніўня па 2 снежня 2009 г. 

Арганізатары кампенсуюць выдаткі на праезд і пражыванне ў Польшчы замежных удзельнікаў.


Каб прыняць удзел у наборы, неабходна запоўніць форму заяўкі на англійскай мове праз сайт: ecs.org.pl/index/solidarityExpressForm


Апошні тэрмін адпраўкі заявак: 25 чэрвеня 2009 г.



Паводле рассылкі belngo.info


Чытаць далей/Каментаваць

Міжнародны семінар для моладзі ў Кіеве


Пачаўся набор удзельнікаў для новага праекта «Глядзець паверх межаў", да ўдзелу ў якім запрашаюцца студэнты і моладзевыя актывісты няўрадавых арганізацыяў з Беларусі, Украіны, Польшчы і Германіі.


Мэтай праекту з'яўляецца пашырэнне доступу да аб'ектыўных крыніцаў ведаў і інфармацыі аб Беларусі, а таксама стварэнне інтэрнэт-пляцоўкі для моладзі з краінаў Цэнтральнай і Ўсходняй Еўропы, якая дазволіць ім лепш даведацца адзін аб адным і абмяняцца меркаваннямі.


Сямідзённы міжнародны семінар будзе праходзіць з 3 9 жніўня 2009 году ў гарадох Чарнігаве і Кіеве. Зацікаўленыя ва ўдзеле могуць азнаёміцца з патрабаваннямі на сайце: www.drumla.org.pl/index.php


Заяўкі, якія змяшчаюць рэзюмэ і суправаджальны ліст, адпраўляйце на адрас: drumla_s@wp.pl


Апошні тэрмін падачы заявак: 26 чэрвеня 2009 году.


Паводле рассылкі belngo.info


Каментаваць

Агляд адукацыйных навінаў

– Эксперымент пры прыёме ў творчыя ВНУ >>>

– Мінская вобласць рыхтуецца да масавай рэарганізацыі школ >>>

– Мінадукацыі зліквідавала рэгіянальныя філіі ВНУ на 1500 студэнтаў >>>

– Мэтавікам аспірантура будзе даступная толькі пасля адпрацоўкі
>>>



Каментаваць

Сустрэчы і імпрэзы ў беларускіх школах

Творчая сустрэча з паэтамі Эдуардам Акуліным і Леанідам Дранько-Майсюком адбудзецца 24 чэрвеня ў Мядзелі. Даведкі па тэлефоне: (029) 637–66–43.


Дудар Зміцер Сідаровіч выступіць з канцэртамі 20 і 21 чэрвеня ў Любанскім раёне.


20 чэрвеня канцэрт адбудзецца ў дзіцячым летніку «Арэса». Пачатак у 17.00.


21 чэрвеня канцэрт пройдзе ў Доме культуры Любані. Пачатак у 12.00.


Паводле budzma.org



Каментаваць

Навучальны тур у Польшчу – 2009

“Польска-амерыканскі фонд свабоды”, фонд „Borussia”, Калегія Усходняй Еўропы імя Яна Новака-Эзяранскага і фонд “Адукацыя для дэмакратыі” запрашаюць актыўных студэнтаў з Беларусі на стажыроўку ў Польшчу.


У межах інтэнсіўнага двухтыднёвага побыту ў Польшчы, каардынаванага дасведчанымі грамадскімі арганізацыямі, удзельнікі змогуць азнаёміцца з дзейнасцю польскіх акадэмічных цэнтраў, даведацца аб працы грамадскіх арганізацыяў, сустрэцца з выдатнымі грамадскімі дзеячамі Польшчы, прыняць удзел у лекцыях, курсах, культурных мерапрыемствах.


Да ўдзелу ў праграме “Study Tours to Poland” запрашаюцца студэнты:


– ва ўзросце ад 18 да 21 году (якім да 1.07.2009 не споўніцца 22 гады), якія навучаюцца ў Беларусі і з'яўляюцца грамадзянамі краіны;

– з высокімі паказнікамі паспяховасці, якія актыўна ўдзельнічаюць у грамадскім жыцці.


Апошні тэрмін падачы заявак: 1 ліпеня 2009 году.


Заявы дасылайце па электронным адрасе: nabor2009@studytours.pl


Больш падрабязную інфармацыя чытайце на сайце: http://www.studytours.pl.
Паводле рассылкі belngo.info.


Каментаваць

Летняя моладзевая акадэмія правоў чалавека і дэмакратычных ініцыятываў


Абвяшчаецца набор на ўдзел у міжнароднай праграме “Летняя моладзевая акадэмія правоў чалавека і дэмакратычных ініцыятываў”, якая будзе праходзіць у Польшчы з 16 па 25 жніўня 2009 года.


У Акадэміі прымуць удзел 25 моладзевых актывістаў з Польшчы, Германіі, Беларусі, Украіны і Расіі. З кожнай краіны на падставе пададзеных анкетаў шляхам правядзення конкурсу будзе адабрана па 5 кандыдатаў. Працоўная мова Акадэміі – руская.


Да ўдзелу ў конкурсе ад Беларусі запрашаюцца выпускнікі беларускіх нацыянальных адукацыйных праваабарончых праграмаў для моладзі, найперш – “Беларускай праваабарончай школы”.


Для ўдзелу ў конкурсе неабходна запоўніць анкету, якая знаходзіцца ў файле anketa-bel.doc і даслаць яе на адрас беларускага каардынатара праграмы belschool@gmail.com з пазнакай у тэме “летняя Акадэмія”.


Апошні тэрмін падачы заявак: 28 чэрвеня 2009 году. Пра вынікі конкурсу прэтэндэнтам будзе паведамлена да 10 ліпеня 2009 году.


Арганізатары Акадэміі кампенсуюць выдаткі на візу, праезд (цягнік, аўтобус), забяспечаць пражыванне і харчаванне ўдзельнікаў.


Адказы на ўсе дадатковыя пытанні можна атрымаць па электронным адрасе: belschool@gmail.com.


Падрабязную інфармацыю аб конкурсе чытайце на сайце: http://spring96.org/be/news/28749/

Паводле рассылкі belngo.info.


Каментаваць

Новае на сайце

Дзьмітры Вінчэўскі «Пуцявод па законах прыроды разам з птушкамі"

Прапануем вашай увазе ўнікальнае для Беларусі выданне «Пуцявод па законах прыроды разам з птушкамі". На яе старонках вы знойдзеце не толькі цікавую і арыгінальную інфармацыю пра такія экалагічныя аспекты жыцця птушак, як міграцыя, адаптацыя і выжыванне ў сучасным прыродным свеце, але і апісанне многіх інтэрактыўных методык навучання і прыклады іх ужывання. Спадзяемся, што вялікі педагаічны і выхаваўчы досвед аўтара дапаможа як настаўнікам біялогіі пры вывучэнне адпаведных раздзелаў заалогіі і экалогіі, але і шырокаму колу педагогаў, зацікаўленаму ў інтэрактыўных метадах навучання і практыкі іх выкарыстання для розных школьных прадметаў.

Спампаваць кнігу (pdf, 7 МБ)


Каментаваць

«Гадуем беларусаў" разам!

Прапануем далучыцца да стварэння новага дыска матэрыялаў


Паважаныя настаўнікі!

Nastaunik.info працуе над выпускам унікальнага мультымедыйнага дыска “Гадуем беларусаў!”. Дыск будзе складацца з розных матэрыяылаў, якія дапамагаюць настаўнікам і бацькам выхоўваць у дзяцей каштоўнасці, любоў да радзімы, дэмакратычны светапогляд. Большасць матэрыялаў даслалі нам настаўнікі.

Дыск будзе мець дзве часткі:

І – для дзіцячага садка і малодшых школьнікаў

ІІ – для старэйшых школьнікаў.

У дыск увойдуць метадычныя і дапаможныя матэрыялы для навучання і пазакласнай працы: сцэнары святаў, песенькі для маленькіх, ноты, караоке, сцэнары для школьнага тэатру, дыяфільмы, навучальныя кліпы, метадычныя распрацоўкі заняткаў, семінараў і трэнінгаў для падлеткаў, падборка беларускай музыкі для школьных мерапрыемстваў і шмат чаго іншага.


Калі Вы меце чым падзяліцца з калегамі і зрабіць унёсак у развіццё нацыянальнай адукацыі, дасылайце матэрыялы, а таксама прапановы (што вы лічыце неабходным ўключыць у такі дыск) на наш адрас nastaunik.info@gmail.com.

Ваша актыўнасць будзе ўзнагароджана дыскамі “Гадуем беларусаў!”. Чакаем Вашых матэрыялаў да 10 ліпеня.



Каментаваць

Ток-шоў «ФОРУМ» Тэма: Куды пайсці вучыцца?
Вы яшчэ не ведаеце, што існуе якаснае беларускае ток-шоў, дзе ўзнімаюцца надзённыя пытанні, палемізуюць звычайныя людзі і спецыялісты (а не муміі з БТ), няма закрытых пытанняў, цэнзуры і прыхаваных фактаў? -Значыць вы яшчэ не назбіралі 250 тысяч каб усталяваць спадарожнік і глядзець адзінае незалежнае беларускае тэлебачанне БЕЛСАТ і яшчэ каля тысячы бясплатных каналаў з усяго свету.  Калі ж вы зрабілі свой выбар паміж чарговымі пантофлямі і доступам да інфармацыі, не прапусціце праграму, прысвечанцую адукацыі.
Наколькі даступная ў Беларусі вышэйшая асвета? Ці адпавядае нашая адукацыя сучасным патрабаванням? Адукацыйная сістэма краіны – ідэалагізаваная, не мае развітай даведачнай базы, тэхнічна адсталая. У нас не стае падручнікаў і ўласных навучальных праграмаў – дагэтуль выкарыстоўваюцца савецкія ці ў найлепшым выпадку маскоўскія. Шараговая сярэдняя школа практычна не здольная падрыхтаваць свайго выпускніка да паступлення ва універсітэт, што спараджае развіццё шэрага рынку рэпетытарства. Аднак, нягледзячы на ўсё пералічанае, дзяржава захоўвае фактычную манаполію на сярэднюю і вышэйшую адукацыю.
Глядзіце праграму «Форум» на тэлеканале БЕЛСАТ у гэтую нядзелю 14 чэрвеня ў 20:10
Відэаанонс на сайце «Нашай Нівы»
Каментаваць

Акцыя для школьнікаў і студэнтаў
З 28-га мая па 28-га чэрвеня інтэрнэт-супольнасць Moladz.org і кампанія “Будзьма” праводзяць грандыёзны розыгрыш падарункаў для студэнтаў ды школьнікаў. Стаць удзельнікам акцыі здольны любы малады чалавек, які атрымлівае адукацыю ў беларускіх ВНУ (школах\ каледжах і г.д.), а таксама вучні беларускамоўных класаў, створаных па-за межамі Рэспублікі Беларусь.
Падарунак зможа атрымаць толькі той, хто мае ў 2008–2009 навучальным годзе 10 (дзесяць) балаў па прадмеце беларуская мова або беларуская літаратура.
Да 28-га чэрвеня ўдзельнікі павінны даслаць сваё імя ды кантактны тэлефон на электронную скрыню арганізатараў, а 29-га чэрвеня адбудзецца розыгрыш падарункаў.
Кантактная інфармацыя
 321 48 76 (Velcom)
www.moladz.org
http://vkontakte.ru/club3353897
vkonkurs@gmail.com

Паводле www.moladz.org
Каментаваць

КОНКУРС ДЛЯ ГРАМАДCКІХ ІНЦЫЯТЫВАЎ МІНСКА І МІНСКАЙ ВОБЛАСЦІ
Для грамадскіх арганізацый Мінска і Мінскай вобласьці абвешчаны конкурс “Падтрымка грамадскiх iнiцыятываў, якія ўмацоўваюць каштоўнасці дэмакратыі і незалежнасці".
Мэтай конкурсу з'яўляецца пашырэнне каштоўнаснага складніка ў грамадскай дзейнасці. Заяўнiкамі могуць быць зарэгiстраваныя і незарэгiстраваныя арганiзацыi і  iнiцыятывы Мінска і Мінскай вобласцi.
Апошні тэрмін падачы заявак: 25 чэрвеня 2009 года.
Больш падрабязную інфармацыю чытайце ў гэтым файле.
Паводле рассылкі belngo.info.


Каментаваць

Ці стануць тэсты прасцейшымі?

Завяршаюцца выпускныя экзамены. Праз некалькі дзён пачынаецца цэнтралізаванае тэставанне, па выніках якога будуць залічваць студэнтаў у ВНУ.


Сёлета адбудуцца два выпускі: проста 11-я клясы, якія апошнімі вучыліся па 11-гадовай праграме, і 11-я “штрых”, якія меліся першымі вучыцца па праграме 12-годкі, але вымушаныя праходзіць год за два. Праўда, Міністэрства адукацыі сцвярджае, што выпускнікоў будзе не ўдвая, а ўсяго на 10% больш.


У лідэрах на цэнтралізаваным тэставанні сёлета матэматыка — яе будуць здаваць 116 тысяч. На тэст па рускай мове зарэгістравалася 110 тысяч (летась яе здавалі 107 тысяч). А вось колькасьць ахвотных здаваць беларускую сёлета зменшылася — 65 тысяч супраць 68 тысяч летась.


У мінулым годзе вынікі тэставання былі, мякка кажучы, не вельмі паспяховыя. Амаль палова выпускнікоў напісала матэматыку і траціна — рускую мову менш чым на 20 балаў.


Чытайце далей на старонцы Радыё Свабода



Каментаваць

Семінар па арганізацыі вэб-кампаніяў

Моладзевыя актывісты (НЕ IT-спецыялісты), якія жадаюць пазнаёміцца з сучаснымі сродкамі вэб-камунікацыі і пачаць выкарыстоўваць новыя магчымасці ў сваёй штодзённай дейнасці, запрашаюцца да ўдзелу ў семінары па арганізацыі вэб-кампаніяў.


Семінар адбудзецца ў Вільні з 13 па 15 ліпеня 2009 году. Арганізатары забяспечваюць праезд, візы, пражыванне і харчаванне ўдзельнікаў.


Каб прыняць удзел у семінары, неабходна запоўніць анкету, якая знаходзіцца тут, і даслаць яе на адрас: seminar.webcampaigns@gmail.com


Апошні тэрмін падачы заявак: 21 чэрвеня 2009 году. Аб выніках адбору будзе паведамлена 22 чэрвеня.


З пытаннямі звяртайцеся на тэл. +375 29 6616440

Паводле рассылкі belngo.info


Каментаваць

Конкурс для маладых дзеячоў і журналістаў



The Trust for Civil Society in Central and Eastern Europe абвяшчае конкурс для студэнтаў, маладых журналістаў і актывістаў з Цэнтральнай і Усходняй Еўропы (у тым ліку з Беларусі) ва ўзросце ад 18 да 30 гадоў.


Працы, якія будуць прапанаваныя на конкурс, мусяць змяшчаць наватарскае ўяўленне праблематыкі грамадзянскай супольнасці і кіравацца ідэяй падвышэння грамадзянскага і грамадскага актывізму.


Працы могуць быць у форме:

– эсэ (да 2 тыс. словаў),

– фотарэпартажа (1–5 фатаздымкаў),

– відэа (да 3 хв.).



Выбар тэмы залежыць ад творчай вынаходлівасці аўтара. Важным з'яўляецца ўказанне асабістага погляду на грамадзянскую супольнасьць. Працы могуць апісваць асабісты досвед грамадскай дзейнасці, прадстаўляць самыя цяжкія грамадскія праблемы альбо грамадскія інтарэсы ў мясцовай супольнасці.


Усе працы мусяць быць на англійскай мове.


Тры пераможцы атрымаюць стыпендыю ў памеры 2 тыс. даляраў, якую змогуць выкарыстаць для асабістага развіцьця (адукацыя, стажыроўка, асабісты даследніцкі праект) ды прымуць удзел у Міжнародным форуме, які адбудзецца ў Браціславе з 16 да 18 верасня 2009 году.


Апошні тэрмін падачы працаў: 12 ліпеня 2009 году. Вынікі конкурсу будуць абвешчаныя ў жніўні 2009 году. Абраныя працы будуць прадстаўленыя на форуме ў Браціславе.


Падрабязнасці чытайце на сайце: csf.ceetrust.org/article/contest-introduction


Паводле рассылкі belngo.info


Каментаваць

Сустрэчы і лекцыі ў беларускіх школах

Пісьменнік, краязнаўца, журналіст Станіслаў Суднік правядзе ў чэрвені шэраг культурніцкіх сустрэчаў.


11 чэрвеня ў вёсцы Турэц Карэліцкага раёну адбудзецца лекцыя Станіслава Судніка на тэму “Пытанні ўшанавання памяці Янкі Брыля”. Сустрэча будзе ладзіцца ў мясцовай школе. Пачатак у 12.00.


18 чэрвеня краязнаўца выступіць у бібліятэцы гарадскога пасёлку Мір Карэліцкага раёну з лекцыяй “Захаванне беларускамоўнага візуальнага асяроддзя ў Міры”. Пачатак у 17.00.


25 чэрвеня сустрэча са Станіславам Суднікам адбудзецца ў мясцовай школе вёскі Сноў Нясвіжскага раёну і будзе прысвечаная тэме “Янка Купала ў Дольным Снове”. Пачатак у 12.00.


Творчая сустрэча з паэтам Міхасём Скоблам і спявачкай, салісткай Белдзяржфілармоніі Таццянай Матафонавай адбудзецца 10 чэрвеня ў Смаргонскім раёне ў дзіцячым летніку вёскі Жодзішкі у 15.00.


Паводле budzma.org



Каментаваць

Увага! Праграма метадычнага навучання і стажыровак для настаўнікаў

Запрашаем настаўнікаў сярэдніх школ, а таксама ўсіх, хто працуе на ніве адукацыі, жадае паглыбіць свае веды і падзяліцца ўласным досведам, да удзелу ў двух цыклах семінараў-практыкумаў. Кожны цыкл будзе складацца з семінараў па наступных тэмах:
Тэма І
- Эфектыўныя метады матывацыі і ацэнкі Азнаямленне з метадам Актыўнай Ацэнкі, паводле якога ацэнка «дапамагае вучыцца».
Тэма ІІ
- Найноўшыя метады выкладання па тэмах актыўнага супрацоўніцтва на мясцовым узроўні: прынцып супрацоўніцтва, праца над праектамі, інш.
Тэма ІІІ
- Сацыяльныя навыкі вучня
У кожным з двух цыклаў прымуць удзел да дваццаці слухачоў. Найбольш зацікаўленым і заангажаваным будзе прапанаваны удзел у азнаямленчай вандроўцы ў Варшаву напрыканцы праграмы.
Арганізатары забяспечваюць:
Выкладанне дасведчаных інструктараў з лепшых навучальных цэнтраў Польшчы
Магчымасць для абмену досведам і перадавой практыкай з іншымі удзельнікамі
Публікацыю матэрыялаў, падрыхтаваных удзельнікамі семінара
Магчымасць усталявання супрацоўніцтва па адукацыйных пытаннях ў адной з беларускіх газет
Сертыфікат аб заканчэнні курсу
Пакрыццё выдаткаў на праезд, пражыванне і харчаванне ўдзельнікаў
Даты семінараў:
Першы цыкл
Семінар І 4–5 ліпеня
Семінар II 11–12 ліпеня
Семінар III 18–19 ліпеня
Азнаямленчая вандроўка кастрычнік 2009 года
Другі цыкл
Семінар І 1 – 2 жніўня
Семінар II 8 – 9 жніўня
Семінар III 15 -16 жніўня
Азнаямленчая вандроўка лістапад 2009
Для ўдзелу неабходна запоўніць анкету і даслаць яе да 25 чэрвеня ўключна па адрасе metodyka2009@gmail.com.
Падрабязная абвестка і анкета знаходзяцца тут
 

Каментаваць

Творчыя сустрэчы ў школях Мядзельшчыны


Паэты Леанід Дранько-Майсюк і Эдуард Акулін з творчымі сустрэчамі наведаюць Мядзельскі раён 9 чэрвеня.


10.00 – выступ паэтаў у Сырмежскай сярэдняй школе.

11.30 – сустрэча з паэтамі ў Старлыжскай сярэдняй школе.

13.00 – паэты выступяць перад вучнямі сярэдняй школы гарадскога пасёлка Свір.

А 15.00 паэтаў чакаюць у Камароўская сярэдняй школе.


Паводле budzma.org



Каментаваць

Замежныя стыпендыі і стажыроўкі для беларусаў

Славацкая арганізацыя Pontis Foundation традыцыйна прапануе інфармацыю пра навуковыя і адукацыйныя праграмы за мяжой, у якіх могуць удзельнічаць беларусы.
Славацкія калегі спадзяюцца, што беларускія студэнты, навукоўцы і супрацоўнікі выкарыстаюць магчымасьць стаць часткай міжнароднай акадэмічнай супольнасці і актыўна фармаваць дыскусію пра новы погляд на будучыню краіны.

Прапануем пазнаёміцца з бюлетэнем Фонда Понтыса на англійскай мове, змешчаным па адрасе http://arche.by/by/14/300/592/.

Паводле Кронікі грамадзкага жыцьця Гарадзеншчыны



Каментаваць

Навучальныя візіты ў Польшчу

Польска-Амерыканскі Фонд Свабоды, Фонд „Барусiя”, Калегіум Усходняй Еўропы імя Яна Новака-Язеранскага і Фонд «Асвета для дэмакратыі» запрашаюць актыўных студэнтаў з Беларусі, Украіны і некаторых рэгіёнаў Расіі на навучальныя візіты ў Польшчу.

Падчас візітыў удзельнікі атрымаюць магчымасць пазнаёміцца з універсытэцкімі асяродкамі і няўрадавымі арганізацыямі, сустрэцца з лідэрамі грамадскага жыцьця Польшчы, удзельнічаць у лекцыях, трэнінгах, семінарах і культурных мерапрыемствах.

Патрабаванні да кандыдатаў:

-студэнты ад 18 да 21 году ўключна, якія вылучацца дасягненнямі ў навуковай і грамадскай дзейнасці ў сваім асяроддзі.

Апошні тэрмін падачы заявак на ўдзел – да 1 ліпеня.

Заяўкі дасылаць на эл.адрас nabor2009@studytours.pl.

Падрабязнейшая інфармацыя размешчаная на вэб-пляцоўцы http://www.studytours.pl/

Паводле Кронікі грамадзкага жыцьця Гарадзеншчыны



Каментаваць

Хто паедзе ў Літву?

Віктарыну для замежнікаў ладзіць Міністэрства замежных спраў Літвы да тысячагоддзя краіны.

Удзельнікам віктарыны прапануюцца 15 пытанняў з варыянтамі адказаў, з якіх трэба абраць правільны.

Знаўцы гісторыі Беларусі змогуць лёгка адказаць на пытанні, сярод якіх такія: Хто быў першым каралём Літвы? У якой бітве змагаўся Вялікі князь Вітаўт? Чым знакамітая Канстытуцыя 3 мая 1791 года ды інш.

Найлепшага знаўцу гісторыі, культуры, сучаснай палітыкі Літвы, чакае чатырохдзённая вандроўка ў гэтую краіну на дваіх.

Яшчэ дзесяць удзельнікаў, якія правільна адкажуць на ўсе пытаньні віктарыны, атрымаюць прызы ад Міністэрства замежных спраў.

Апошні тэрмін – 15 ліпеня.

Пытаньні віктарыны і ўмовы ўдзелу разьмешчаны на вэб-пляцоўцы http://quiz.mfa.lt

Паводле Кронікі грамадзскага жыцьця Гарадзеншчыны



Каментаваць

Агляд адукацыйных навінаў

– Школьная рэформа абярнулася 15-гадовымі выпускнікамі >>>

– Шведская адукацыя для замежнікаў стане платнай >>>

– Беларускія школьнікі ўпершыню атрымалі стыпендыі на вучобу ў ВНУ Германіі >>>

– У Берасцейскай мастацкай школе адкрылася V Міжнародная выстава “Настаўнік-вучань”. На выставе побач выстаўлены працы дзяцей і іх педагогаў >>>

– У Мінску на ЦТ зарэгістравалася менш абітурыентаў, чым летась >>>

– Беларускі ліцэй спадзяецца на афіцыйную рэгістрацыю >>>

– У мінскай гімназіі пераблыталі дні іспытаў: дзяцей выклікалі за 200 км >>>

– Будучыя інжынеры-ядзернікі будуць вучыцца пяць з паловай гадоў
>>>



Каментаваць

Права на беларускую мову: юрыдычная школа ў Мінску

Таварыства беларускай мовы пачынае юрыдычную школу «Ведаем свае правы». Яна прызначаная для тых грамадзянаў, якiя хочуць адстойваць сваё права паўнавартасна выкарыстоўваць у жыццi беларускую мову, але не ведаюць, як гэта рабiць найбольш правільна, у адпаведнасцi з дзейсным заканадаўствам. Напрыклад, як дамагчыся выхавання дзiцяцi ў беларускамоўным садку i школцы, цi як атрымаць адказ ад чыноўнiкаў па-беларуску.


Юрыдычная школа будзе складацца з двух этапаў — тэарэтычнага, падчас якога юрысты распавядуць тонкасцi заканадаўства ў сферы рэгулявання моваў, i практычнага, на якiм будуць прааналiзаваныя жыцьцёвыя сытуацыi. Слухачоў курсаў навучаць, як правiльна пiсаць звароты, лiсты і скаргi ў абарону сваiх моўных правоў. Прыканцы арганiзатары плануюць правесцi «круглы стол» на тэму «Нашыя прапановы па паляпшэннi заканадаўства Рэспублiкi Беларусь адносна функцыянавання дзяржаўнай беларускай мовы».

Усе семiнары i навучанне — цалкам бясплатныя і будуць праходзіць штоаўторак на сядзiбе «Таварыства беларускай мовы» (Мінск, вул. Румянцава, 13). Тэарэтычныя заняткі пройдуць да пачатку лiпеня, практычныя — да верасня.
Паводле рассылкі belngo.info


Каментаваць

Віншуем з узнагародай!

Старшыня Аб’яднання Бацькоў, дзеці якіх вывучаюць беларускую мову – АБ-БА Барбара Пякарская і настаўніца беларускай мовы – Аліна Ваўранюк – узнагароджаныя сёння медалямі “Заслужаны дзяяч польскай культуры”.
Узнагарода прызнана за вялікія дасягненні ў развіцці польскай культуры, асабліва ў спрыянні развіцця шматкультурнага дыялогу на Падляшшы. Медалі ад імя міністра культуры і нацыянальнай спадчыны – Богдана Здраеўскага уручыў чалец управы маршалкоўскай управы Падляскага ваяводства – Мячыслаў Казімеж Башко.
Зараз у Ваяводскім Асяродку Анімацыі Культуры праходзіць прэзентацыя творчасці дзяцей і моладзі якія вывучаюць беларускую мову ў Беластоку.
Паводле Радыё Рацыя.

Каментаваць

Новае на сайце

Кароткі тлумачальнік астранамічных тэрмінаў

Прапануем вашай увазе кароткі тлумачальны слоўнік па астраноміі, складзены паводле «Слоўніка фізічных і астранамічных тэрмінаў» А.І. Болсуна і Я.Н. Рапановіча.


Спампаваць тлумачальнік (doc, 192 КБ)


Паводле сайтаАструм 8



Каментаваць

Сацыялагічныя даследаванні: Сярод беларускай моладзі 40% патэнцыйных эмігрантаў і 30% «саўкоў"
Кожная дзяржава прапаноўвае моладзі сацыяльны кантракт. Напрыклад, улады Беларусі абяцаюць хуткі кар'ерны рост у парку высокіх тэхналогій, камфартабельнае жыллё і працу ў малых гарадах і ў вёсках. Але ці супадаюць гэтыя прывабныя прапановы дзяржавы з жаданнем самой моладзі?
У межах сацыялагічнага даследавання Беларускага інстытута стратэгічных даследаванняў (BISS, Вільнюс) быў праведзены аналіз прапаноў дзяржавы і гатовасці моладзі іх прыняць.
Cацыёлаг лабараторыі НОВАК Надзея Яфімава падкрэсліла, што негатыўнай тэндэнцыяй для дзяржавы з'яўляецца тое, што працэнт патэнцыйных эмігрантаў сярод моладзі складае прыкладна 40%, а таксама наяўнасць у маладых беларусаў вялікага следа савецкага мыслення. Таму, каб зацікавіць пакаленне маладых жыць і працаваць у Беларусі, дзяржаве, магчыма, варта падумаць аб новых формах сацыяльнага кантракту.

Чытаць далей / Каментаваць

Вучоба ў Вышэйшай школе права ў Рызе 
Навучанне аплочваецца Інстытутам Адкрытае Грамадства (Open Society Institute). У асобных выпадках арганізатары аплочваюць не толькі навучанне, але і пражыванне, кошты дарогі і дадатковыя выдаткі на вучобу. Кандыдаты мусяць выдатна валодаць англійскай мовай.
Дадатковая інфармацыя і форма заяўкі на старонцы http://www.rgsl.edu.lv/index.php?option=com_content&task=view&id=378&Itemid=104 
Апошні тэрмін  падачы заявак 8 чэрвеня.

Каментаваць

Стыпендыя імя Кастуся Каліноўскага ў Польшчы
Кандыдатамі могуць быць студэнты і аспіранты вышэйшых навучальных устаноў, адлічаныя па палітычных матывах, а таксама тыя, каму па палітычных прычынах не дазволілі распачаць і працягваць вучобу ў Беларусі.
Веданне польскай мовы не з'яўляецца варункам атрымання стыпендыі, але пажадана веданне і англійскай мовы. Для падрыхтоўкі кваліфікаваных стыпендыдатаў да вучобы будзе праведзены інтэнсіўны двухмесячны курс польскай мовы, гісторыі і культуры.
Заяўкі прымаюцца да 20/06/2009.
Вынікі аб залічэнні на праграму будуць вядомыя не пазней за 15 ліпеня.
Кантактная інфармацыя e-mail: bialorus.studium@uw.edu.pl  Тэлl.: 022 55 21 888, факс: 022 55 21 887
Дадатковая інфармацыя на старонцы http://www.studium.uw.edu.pl/?id=91
Паводле сайта www.adukacyja.info
Каментаваць

Куды падзецца летам моладзі вялікага горада?
Грамадская арганізацыя “Моладзевы адукацыйны цэнтр “Фіальта” пачынае рэалізацыю мясцовай доўгатэрміновай праграмы «Горад вырашэнняў» чэрвень 2009 – люты 2010. 
Мэта праграмы: даць магчымасці маладым людзям для больш актыўнага ўдзелу ў жыцці свайго горада шляхам распрацоўкі і рэалізацыі сваіх ідэй.
Хто можа ўдзельнічаць:
маладыя людзі з г. Мінска ва ўзросце ад 18 да 25 гадоў, якія:
- гатовыя удзельнічаць ва ўсіх мерапрыемствах праграмы
- дагэтуль актыўна не ўдзельнічалі ў дзейнасці грамадскіх арганізацый
- жадаюць прадставіць свае ідэі вялікаму гораду
- па-сапраўднаму хочуць зрабіць нешта для сябе і іншых 
Удзел у праграме з’яўляецца бясплатным  Для ўдзелу неабходна запоўніць анкету і даслаць яе да 10 чэрвеня ўключна па адрасу fialta.city@gmail.com

Калі вас цікавяць пытанні: Чаму «Горад вырашэнняў»? Як гэта будзе? Якія мерапрыемствы запланаваны? Дзе ўзяць анкету? -  чытайце далей

Міжнародны праект “Belarus Inside-Out” шукае творчых людзей


Праект “Belarus Inside-Out” мае мэтай даследаваць, прааналізаваць ды крытычна раскрыць сапраўдную рэчаіснасць беларускага жыцця праз творчую супрацу беларускіх і замежных удзельнікаў.


Каардынатары праекту запрашаюць маладых аўтараў, мастакоў, фатографаў і журналістаў зь Беларусі, Германіі, Чэхіі ды іншых краінаў Цэнтральнай і Ўсходняй Еўропы далучыцца да праекту.


Асноўны этап праекту распачнецца ў жніўні 2009 году. Цягам 10 дзён, з 14-га да 23-га жніўня, усе ўдзельнікі збяруцца разам, каб абмеркаваць свае ідэі і прадставіць напрацоўкі, пасля чаго ўдзельнікі ў групах па два чалавекі раз'едуцца на тыдзень па ўсёй краіне для збірання матэрыялаў. У захапляльным падарожжы беларус і замежнік (менавіта такім будзе склад творчых груп) будуць працаваць разам над асобнай тэмай. Па заканчэнні вандроўкі ўдзельнікі збяруцца ў Мінску, каб падзяліцца атрыманым досведам і ўражаннямі.


Увесь здабыты матэрыял будзе выдадзены ў дзвюхмоўным часопісе, які будзе распаўсюджвацца ў Беларусі і іншых краінах Еўропы.


А ў студзені 2010 г. адбудзецца прэзентацыя вынікаў праекту ў Берліне.


Апошні тэрмін падачы заявак: 11 чэрвеня 2009 г.


Падрабязную інфармацыю чытайце на сайце: http://generation.by/news2921.html


Каментаваць

Агляд адукацыйных навінаў

– Абітурыентам-2009 варта паспяшацца з рэгістрацыяй на цэнтралізаванае тэставанне >>>

– БДУ павялічвае набор, а новы інтэрнат абяцае толькі праз год >>>

– Афіцэрам-ідэолагам прапанавалі ўзяць на ўзбраенне кнігу для першакласнікаў >>>

– Адукацыя больш як за 5 мільёнаў. Куды болей? >>>

– Выпускныя вечары ў Менску пройдуць 12 чэрвеня. Ні днём пазней ці раней >>>

– Каляндар школьніка: выпускныя і ўступныя іспыты >>>

– Адміністрацыі школ павінны запалохваць бацькоў «страшнай заграніцай» >>>

– Конкурс у ліцэй БДУ сёлета склаў 3,5—4 чалавекі на месца >>>



Каментаваць

Конкурс “Малады еўрапеец году”

Нямецкі Фонд імя Хайнца Шварцкопфа “Маладая Еўропа” абвясціў конкурс на ўручэнне штогадовай прэміі “Малады еўрапеец году 2009”.

Удзельнікам конкурсу можа стаць юнак або дзяўчына 18–28 год з любой краіны, якая працуе над паляпшэннем узаемаразумення паміж народамі альбо еўрапейскай інтэграцыі і дасягнула поспеху ў гэтай працы.

Прэмія дае магчымасць лаўрэату прайсці паўгадовую практыку ў офісе аднаго з дэпутатаў Еўрапарламенту альбо іншай еўрапейскай інстытуцыі, а таксама грант у памеры 5 тысяч еўра.
Калі вы ведаеце такога кандыдата, запоўніце форму-намінацыю.

Апошні тэрмін падачы заявк – да 30 чэрвеня.

Заяўкі прымаюцца на адрас: Heinz-Schwarzkopf-Stiftung Junges Europa,
Sophienstraße 28–29, 10178 Berlin, Germany.

Больш падрабязную інфармацыю і фармуляр можна знайсці на вэб-пляцоўцы арганізатараў.


Паводле «Кронікі грамадзкага жыцьця Гарадзеншчны»



Каментаваць

Фотавыстава “Нашыя дзеці”

Адкрыццё фотавыставы “Нашыя дзеці” адбудзецца 1 чэрвеня ў кавярні “Стары Менск” (пр. Незалежнасці, 14). У фотавыставе будуць прадстаўленыя працы Ксеніі Авімавай, Аляксандра Васюковіча, Таццяны Гаўрыльчык, Таццяны Зяньковіч, Андрэя Лянкевіча, Хрысціны Карчэўскай.


Арганізатар выставы – Валанцёрская ініцыятыва “Разам дзецям”.


Паводле radaslava.livejournal.com



Каментаваць

Новае на сайце

Урок беларускай мовы для 4 класа

Сваю распрацоўку ўрока беларускай мовы па тэме «Скланенне прыментнікаў у множным ліку» прапануе жлобінская настаўніца Галіна Чахава.


Спампаваць матэрыял (doc, 90 КБ)



Каментаваць

Канцэрты і сустрэчы ў беларускіх каледжах і ліцэях


Сустрэча са старшынём Беларускага добраахвотнага таварыства аховы помнікаў гісторыі і культуры Антонам Астаповічам і журналістам і краязнаўцам Віктарам Курсікам адбудзецца ва Уздзенскім дзяржаўным сельскагаспадарчым прафесійным ліцэі (пасёлак Першамайск, Уздзенскі раён) 29 мая. Пачатак а 15.00. Сустрэча будзе прысвечаная гісторыка-культурнай спадчыне Уздзеншчыны.

Канцэрт Андрэя Мельнiкава ў Вiцебску адбудзецца 31 мая а 17-й гадзiне, па адрасе вул. Крылова, 7 (актавая заля Вiцебскай духоўнай вучэльнi).

Бард Зміцер Бартосік выступіць з канцэртамі ў Магілёве. 3 чэрвеня ён выступіць у Магілёўскім электратэхнічным каледжы. Пачатак выступу ў 14.30. 4 чэрвеня барда чакаюць у Магілёўскім політэхнічным каледжы. Пачатак у 14.30


Паводле budzma.org і Нашай Нівы



Каментаваць

Агляд адукацыйных навінаў

– У Віленскай школе імя Францішка Скарыны прагучаў апошні званок >>>

– Сёлетні набор у ВНУ будзе павялічаны на 4,3%, а вось у ПТВ – на 26%. Разам з гэтым прыватныя ВНУ скарачаюць набор на 1000 чалавек.

– Таварыства беларускай мовы заклікае выпускнікоў школ абраць беларускую мову >>>

– Рэгістрацыя на цэнтралізаванае тэставанне, ад якога Мінадукацыі не збіраецца адмаўляцца, мае адбываецца па універсальным і ўсюдыісным прынцыпе аднаго акна



Каментаваць

Конкурс творчых работ на тэму смяротнага пакарання

У студзені 2009 году ў Беларусі распачалася кампанія “Праваабаронцы супраць смяротнага пакарання”. У рамках гэтай кампаніі абвешчаны конкурс творчых ра па тэме смяротнага пакарання.


Беларусь застаецца адзінай краінай у Еўропе і на пастсавецкай прасторы, дзе да гэтага часу выконваюць смяротныя прысуды. А права на жыццё з’яўляецца неад’емным правам кожнага чалавека.


Мэта конкурсу – прыцягненне ўвагі грамадства і дзяржавы да праблемы смяротнага пакарання ў Беларусі.


Удзельнікам конкурсу прапануецца выказаць сваё стаўленне да выключнай меры пакарання – смяротнай кары.


Умовы конкурсу:


Творчыя працы па праблеме смяротнага пакарання прымаюцца толькі ў электронным выглядзе памерам не болей за 3 друкаваныя старонкі.


Калі ласка, дасылайце свае працы да 25 чэрвеня 2009 году на электронную скрыню nash.konkurs@gmail.com


У лісце павінна быць змешчаная кантактная інфармацыя, імя і прозвішча аўтара.


Пераможцы конкурсу будуць узнагароджаны прызамі. А лепшыя працы будуць змешчаныя на сайтах арганізатараў і патрапяць у зборнік творчых работ.


Арганізатары конкурсу пакідаюць за сабой права далейшага выкарыстання конкурсных прац з указаннем імя аўтара ў асветніцкай і іншай дзейнасці, скіраванай на прасоўванне і абарону правоў чалавека


Паводле naviny.by



Каментаваць

Імпрэзы ў беларускіх школах

Пісьменнік Васіль Якавенка і паэт Сяргей Законнікаў правядуць творчыя сустрэчы 26 траўня (аўторак) у горадзе Мар’іна Горка.

У 9.00 сустрэча будзе ладзіцца ў сярэдняй школе №1 Мар’інай Горкі.

У 11.00 пісьменнікі сустрэнуцца з навучэнцамі сярэдняй школы №2.

У 13.00 пісьменнікаў чакаюць у сярэдняй школе №4.

Напрыканцы госці выступяць у цэнтральнай бібліятэцы гораду перад бібліятэкарамі рэгіёну.

Прэзентацыя аўдыёвыдання “Галасы Уладзімера Караткевіча, Ларысы Геніюш, Рыгора Барадуліна. 1968 год” адбудзецца 22 красавіка ў Лідзе.


У імпрэзе возьмуць удзел адзін з аўтараў праекту – паэт і журналіст Глеб Лабадзенка і бард Раман Абрамчук.


Дыск “Галасы Уладзімера Караткевіча, Ларысы Геніюш, Рыгора Барадуліна. 1968 год” выйшаў у свет 1 красавіка ў межах супольнага праекту паэта Сяргея Панізніка і Блога Глеба Лабадзенкі. На дыску змешчаныя ўнікальныя архіўныя запісы ў аўтарскім выкананні: 5 вершаў і 3 песні Караткевіча, 7 вершаў Ларысы Геніюш, 7 вершаў Рыгора Барадуліна, а таксама 8-хвілінны аповед Сяргея Панізніка пра тое, як запісваліся гэтыя галасы.


Паводле budzma.org



Каментаваць

Летнік у Берліне

З 12 па 26 жніўня 2009 году ў Берліне адбудзецца летнік для грамадскіх актывістаў з розных краінаў, а таксама і з Беларусі.

Падчас летніка ва ўдзельнікаў будзе шанец пазнаёміцца з функцыянаваннем палітыкі ды грамадзянскай супольнасці ў Германіі.

Разам з майстар-класамі (па тэмах энергія і палітыка, па ахове навакольнага асяроддзя, палітыка Еўрапейскага Саюзу, грамадства і правы нацыянальных меншасцяў) удзельнікі пройдуць кароткую практыку ў фундацыі Генрыха Бёля.



Чытаць далей/Каментаваць

Новае на сайце: Вершаваная граматыка

Прапануем падборку дзіцячых вершаў, якія дапамогуць засвоіць школьную праграму беларускай мовы. У каментарах вы можаце дадаць яшчэ верш, які трапляе ў тэму.

Жывая граматыка (Мужчынскі, жаночы і ніякі род) - Артур Вольскі
Ад А да Я — прафесія мая – Артур Вольскі
Гукі без прынукі – Рыгор Барадулін
Склоны Іх запомніць варта! – Рыгор Барадулін
Грамацейка – Рыгор Барадулін
Загадкі-багаткі – Рыгор Барадулін
Спампаваць вершы тут

Дадаць яшчэ верш / Паглядець, што дадалі калегі

У мінскіх школах пачынаецца прыём у першыя класы

Шэсць з іх прапануюць навучанне на беларускай мове:


Дзяржаўная ўстанова адукацыі «Гімназія № 4» (вул. Кунцаўшчына, 18)


Гімназія № 9 (Сядых, 10)


Гімназія № 23 (пр. Незалежнасці, 45)

Гімназія № 28 (Ракасоўскага, 93)


Гімназія № 14 (вул. Васняцова, 10).


Школа з музычнай накіраванасцю № 60 (Лібкнехта, 82).


Сярэдняя школа №190 (раён Уручча-3)



Чытаць падрабязней/Каментаваць

Бюлетэнь «Настаўнік.info» №9

У красавіцкім (2009) бюлетэні змешчаны артыкул Ірыны Сыско «Праектна-тэматычны падыход да засваення новай лексікі ў пачатковай школе». Аўтарка прыводзіць і дынаміку адносінаў да ўрокаў беларускай мовы пры выкарыстанні такога падыходу. Інтэрв'ю з Галінай Дрокінай чытайце ў рубрыцы «Асоба ў адукацыі".
Бюлетэнь цалкам знаходзіццатут.

Каментаваць

Фан-клуб беларускага року можа прыехаць і ў вашую школу.
Фан-клуб беларускага року “Будзьма свабоднымі” працягвае сустрэчы па рэгіёнах Беларусі.
Паспяхова прайшлі сустрэчы ў Магілёве, Гродне, Віцебску, Наваполацку. 
У межах сустрэч адбываюцца дыскусіі на музычныя тэмы. Аўтары кніг “Праз рок-прызму” і “222 альбомы беларускага року” Вітаўт Мартыненка і Анатоль Мяльгуй прэзентуюць свае выданні. Вітаўт Мартыненка і Анатоль Мяльгуй знакамітыя музычныя крытыкі. Пра беларускі рок пішуць з пачатку 80-ых гадоў. Іх першая кніга “Праз рок-прызму” выйшла у 1989 годзе у ЗША. “222 альбомы беларускага року” – працяг іх першай кнігі (без аніякіх паўтораў). Выданне уяўляе сабой энцыклапедыю беларускай музыкі, бо праз выданьне альбомаў можна прасачыць гісторыю айчыннага року. Кніга расказвае пра альбомы нашых каманд, што выходзілі не толькі ў Беларусі, але і ў ЗША, Польшчы, Расіі, Францыі, Нямеччыне і Вялікабрытаніі і іншых краінах ад 30-х гадоў да нашых дзён.
Усім наведнікам ў падарунак дыск “Фестывальны рух Беларусі” ад фан-клуба “Будзьма свабоднымі”. Беларускія барды Андрэй Плясанаў і Тацьцяна Беланогая знаёмяць аматараў са сваёй творчасцю.
Наступныя сустрэчы пройдуць:
22 мая. Брэст. 18.00. вул. Маладагвардзейская, 14/1 (кафэ-бар “Вектар”)
24 мая. Орша. Музей У.Караткевіча. (вул. Леніна,26). 18.00.
26 мая. Гомель. Вул. Палесская, 52 ( управа АГП). 18.00
Уваход вольны! Даведкі: 6490888
Запрашайце, прыедзнм і да вас.
Нагадаем, што Фан-клуб беларускага року гэта нефармальнае аб’яднанне, створанае Беларускай Музычнай Альтэрнатывай (www.belmusic.org), для аб’яднання аматараў беларускай музыкі з розных куткоў Беларусі з мэтай папулярызацыі айчыннай музычнай культуры.Каментаваць

Еўрапейскі гуманітарны універсітэт запрашае беларусістаў

ЕГУ працягвае набор студэнтаў на бакалаўраўскю праграму “Гісторыя Беларусі і культурная антрапалогія” Еўрапейскага Гуманітарнага універсітэту Навучанне ў ЕГУ”, якая ўключае:


* авалоданне дзьвюма еўрапейскімі мовамі;

* фундаментальная падрыхтоўка ў галіне гуманітарных і сацыяльных навук;

* грунтоўныя веды па беларускай, еўрапейскай і сусветнай гісторыі, археалогіі, этналогіі, культурнай антрапалогіі, гісторыі мастацтва;

* магчымасць вучыцца ў «Крывіцкай Мэцы» – у Вільні;

* атрыманне дыплома літоўскага дзяржаўнага ўзору, які прызнаецца ў Еўропе;

Бакалаўрская праграма “Гісторыя Беларусі і культурная антрапалогія” Еўрапейскага Гуманітарнага універсітэту (Вільня) была распрацавана з улікам патрабаванняў, якія прад’яўляюцца да выпускнікоў гістарычных факультэтаў універсітэтаў Еўропы. Яна дае грунтоўныя веды па гісторыі Беларусі і Еўропы, а таксама ў галіне сацыяльнай, культурнай і гістарычнай антрапалогіі і іншых гуманітарных дысцыплін.


Чытаць далей/Каментаваць

Агляд адукацыйных навінаў

– Школа журналістыкі ў ЗША патрабуе ад студэнтаў карыстацца iPod і iPhone >>>

– Студэнты-мэтавікі будуць адпрацоўваць 5 гадоў >>>

– У беларускія ВНУ на бюджэт штогод паступаюць каля 500 расіянаў >>>

– Афіцыйны клопат аб фізічнай культуры і спорце разам з рэформай адукацыі мае вынікам скарачэнне ставак настаўнікаў фізкультуры
>>>

– Уступныя экзамены у ВНУ розных краін могуць быць сінхранізаваныя >>>

– Выпускны баль будзе каштаваць мінімум 100 долараў >>>



Каментаваць

Вінцук Вячорка: Кім засялілі падручнік беларускай мовы? Прафком, саўнарком і камротамі...
Штовечар правяраю хатняе заданьне ў малодшай дачкі. Так праходжу гімназічную праграму – параграф за параграфам – і штовечар натхняюся (дакладней, набрыньваю гронкамі гневу).
Пра падручнікі для 5-й клясы, іхную мову, улік узроставай псыхалёгіі ды цывілізацыйную арыентацыю я сабе паабяцаў напісаць – і мусова напішу – эсэй. Калі закончыцца навучальны год. А пакуль – фрагмэнт будучых нататак фэноляга.
“Беларуская мова”. 2001 год. 2-е выданьне, не якое там 40-е стэрэатыпнае. Значыць, даволі сьвежа, як на падручнік, укладзенае. Імёнаў аўтараў падручніка не падаю: абодва яны харошыя ды нацыянальна сьведамыя людзі даволі шаноўнага ўзросту. У практыкаваньні 10-гадовыя дзеці мусяць прыпісаць правільныя канчаткі словам, дапасаваным да складанаскарочаных. Мэтадычная задача – замацаваць уменьне вызначаць род складанаскарочанага слова дый наагул яго граматычную форму.
Усё звычайна. Вось сказы.
-  Люба коратка ахарактарызавала кожнага студэнта, чые заявы разгляд… прафком. (А.Васілевіч)
- Забеліна, як і Васіліна цяпер, прыехала некалі, гады за чатыры да вайны, у Старыцк… МТС.
- (Т.Хадкевіч) РБУ дарожн… вядзе свой рамонт – адвечную работу. (С.Басуматрава)
- Саўнарком засяд… позна, гадзін да адзінаццаці. (Іван Шамякін)
- “Зямлянку” – зімнюю элегію – спяв… камроты Весялоў. (А.Пысін)
- Фінал розыгрышу кубка чэмпіёнаў па ручному мячу сярод клубных каманд Еўропы выйгр… спартсмены Мінск… СКА. (“Звязда”)
Што ж беларускае дзіцё пачатку XXI стагодзьдзя вычытала ў гэтых сказах і ў выніку напісала? *** …
Чытаць далей

Новае на сайце

Артыкул «Марцін Пачобут-Адляніцкі"

Прапануем вам прачытаць і скарыстаць на сваіх занятках аповед пра гісторыю жыцьця, навуковую і грамадскую дзейнасць астранома з Віленскага універсітэта Марціна Пачобута, надрукаваны ў газеце «Наша слова».

Аўтар – Леанід Лаўрэш.


Спампаваць артыкул (zip, 608 КБ)

Паводле pawet.net



Каментаваць

Стажыроўкі для студэнтаў у Швейцарыі

Швейцарскі ўрад ладзіць стажыроўкі для замежных студэнтаў у Швейцарыі.


Да ўдзелу ў стажыроўках запрашаюцца студэнты ўсіх краінаў свету, якія маюць ступэнь бакалаўра і жадаюць працягваць навучанне ў Швейцарыі. Некаторыя студэнты маюць шанец атрымаць грант.

Апошні тэрмін падачы заявак: 30 верасня 2009 году.

Болей падрабязную інфармацыю (пра галіны навучаньня) і форму заяўкі глядзіце на сайце: http://www.mladiinfo.com/master/swiss-government-scholarships-for-foreign-students-switzerland.html

Паводле рассылкі belngo.info



Каментаваць

Стыпендыяльная праграма Лэйна Кірклэнда

Галоўнай мэтай праграмы з'яўляецца абмен польскім досведам у галіне сістэмнай трансфармацыі ў межах гадавой постдыпломнай адукацыі ў польскіх ВНУ, дапоўненай стажыроўкамі ў дзяржаўных і прыватных арганізацыях (ад двух да чатырох тыдняў).
Стыпэндыя прызначаная для асобаў з краін былога СССР.

Месца правядзення праграмы: універсітэты ў розных гарадох Польшчы.


Да ўдзелу ў праграме запрашаюцца:

– лідэры няўрадавых грамадскіх арганізацыяў,

– прадпрымальнікі,

– журналісты,

– эксперты, палітыкі,

– выкладчыкі ВНУ.

Заяўнікі мусяць валодаць польскай мовай на ўзроўні, які дазваляе слухаць лекцыі і семінары альбо ведаць англійскую мову; мець досвед працы мінімум два гады; быць ва ўзросце да 35 год (у выключных выпадках да 40 год); мець вышэйшую адукацыю.



Чытаць далей/Каментаваць

Праграма навучання беларускіх студэнтаў у Нідэрландах

Нідэрландскі Фонд падтрымкі “Лібэртас” (Libertas Support Fund) прапануе праграму навучання беларускіх студэнтаў у Нідэрландах.


Умовы ўдзелу:

– валоданне англійскай мовай;

– заангажаванасць у палітычным, грамадскім жыцці Беларусі;

– узрост да 35 гадоў.

Каб падаць заяву, неабходна запоўніць анкету, сабраць неабходныя дакументы, якія падцвяржаюць факт папярэдняга навучання ў ВНУ, прайсці тэст на валоданне англійскай мовай TOEFL.

Падрабязная інфармацыя ды анкета — у файлах Mandatory_Netherlands.pdf і Application_Form.xls, а таксама на сайце www.nuffic.nl/international-students/scholarships/asia-africa-latin-america-and-eastern-europe/libertas-support-fund


Паводле рассылкі belngo.info



Каментаваць

Новае на сайце

Беларускія народныя назвы сузор'яў

Арыгінальныя артыкулы беларускага этнаастранома, выпускніка фізічнага факультэта БДУ, магістра гісторыі Цімафея Авіліна пра народныя назвы сузор'яў будуць карысныя не толькі настаўнікам астраноміі і краязнаўцам, але і ўсім, каго цікавіць жывая народная спадчына. Інтэрв'ю з аўтарам чытайце на старонцы Радыё Свабода.


Плеяды (doc, 30 КБ)


Млечны Шлях (doc, 39 КБ)


Вялікая Мядзведзіца (doc, 42 КБ)


Паводле старонкі «Беларуская народная астраномія»



Каментаваць

Канцэрты і лекцыі ў беларускіх школах і гімназіях

Сольны канцэрт паэта і барда Эдуарда Акуліна “Не магу жыць без крылаў” адбудзецца ў гімназіі горада Заслаўе (Мінскі раён) 12 мая ў 12.00.

8 мая Змітра Бартосіка чакаюць навучэнцы сярэдняй школы пасёлку Свіслач, што ў Пухавіцкім раёне. Пачатак канцэрту ў 13.00. У гэты ж дзень адбудзецца канцэрт спевака па адрасе: вул. Набярэжная, 5 і пачнецца ў 18.00.

14 мая Станіслаў Суднік выступіць з лекцыяй “Ігнат Дварчанін: рысы біяграфіі” ў сярэдняй школе вёскі Дварэц Дзятлаўскага раёну. Пачатак сустрэчы ў 12.00.


21 мая сустрэча з паэтам на тэму “Беліца ў вайне 1649–1654 гадоў” адбудзецца ў бібліятэцы вёскі Беліца Лідскага раёну. Пачатак у 18.00.

Паводле budzma.org



Каментаваць

Конкурс вершаў для маладых творцаў

Моладзевая інтэрнэт-пляцоўка moladz.org распачынае новы конкурс для маладых паэтаў. На працягу месяца Вы можаце пісаць і дасылаць нам вершы па-беларуску на любую тэму, якая Вас хвалюе. Найлепшыя вершы будуць выкладзеныя на старонках moladz.org і змогуць трапіць у зборнік вершаў “Наш час-3”.


Напрыканцы конкурсу наведвальнікі парталу змогуць прагаласаваць і выбраць самых таленавітых паэтаў. Удзельнікі, што зоймуць першыя тры радкі ў рэйтынгу галасавання, атрымаюць падарункі.


Для ўдзелу ў конкурсе патрэбнае толькі жаданне, муза, крэатыўнасць, талент і пэўныя намаганні. Вы пішаце верш і дасылаеце яго на паштовую скрыню vkonkurs@gmail.com, а далей справа будзе за намі.

Апошні тэрмін падачы вершаў – 25 чэрвеня 2009 г.


Калі Вы маеце пытанні, тэлефануйце на нумар +375 29 321 48 76, Надзея.

Паводле budzma.org



Каментаваць

Партнэрства грамадскіх ініцыятываў

Фонд імя Стафана Баторага, Фонд імя Робэрта Боша і Фонд PAUCI запрашаюць падаваць заяўкі на праекты, якія рэалізуюцца ў межах праграмы «Партрэрства грамадскіх ініцыятываў".


Заяўкі мусяць уключаць кароткае апісанне праектаў, якія плануецца правесці ў 2010 годзе.


Падаваць заяўкі могуць трохбаковыя партнэрствы няўрадавых арганізацый з Польшчы, Германіі і Беларусі, якія ўдзельнічаюць у праграме ад пачатку.


Апошні тэрмін падачы заявак у фонд імя С.Баторага – 29 траўня.


Да 3 чэрвеня будзе адбывацца адбор лістоў аб намеры і запрашэнне на сустрэчу партнэраў праектаў.


21–23 верасня – сустрэча для партнэрскіх арганізацый з Беларусі, Калінінградскай вобласці Расіі, Польшчы і Германіі.


Апошні тэрмін падачы поўных заявак – 13 лістапада.


Рэалізацыя праектаў: люты-снежань 2010 году.


Падрабязная інфармацыя знаходзіцца на вэб-пляцоўцы па адрасе: http://rus.ngo.pl


Паводле рассылкі belngo.info



Каментаваць

Школа па правах чалавека для моладзі

Беларуская праваабарончая школа, арганізаваная міжнароднай супольнасцю праваабарончых арганізацыяў, абвяшчае спабор на ўдзел у Летніх школах па правах чалавека на 2009 год.


У межах праграмы Школы ўдзельнікі знаёмяцца з гісторыяй і філасофіяй правоў чалавека, а таксама сродкамі іх абароны на нацыянальным і міжнародным узроўнях.


Выкладчыкамі Школы з'яўляюцца прадстаўнікі вядучых праваабарончых арганізацый Беларусі ды іншых краінаў, вядомыя і аўтарытэтныя спецыялісты ў галіне правоў чалавека і права.


Месца правядзення: Вільня.


Тэрміны правядзення:

Школа 1: 3 – 11 ліпеня (заяўкі прымаюцца да 6 чэрвеня ўключна).

Школа 2: 12 – 20 ліпеня (заяўкі прымаюцца да 10 чэрвеня ўключна).


Школа 3: 24 ліпеня – 1 жніўня (заяўкі прымаюцца да 20 чэрвеня ўключна).


Школа 4: 2 – 10 жніўня (заяўкі прымаюцца да 27 чэрвеня ўключна).


Запрашаецца беларуская моладзь, зацікаўленая ў набыцці ведаў у галіне правоў чалавека (узрост ад 18 да 25 гадоў). Кожная група будзе сфармаваная з 18–22 удзельнікаў.


Для ўдзелу ў Школе прэтэндэнт мусіць запоўніць рэгістрацыйную форму і даслаць не пазней за вызначаны тэрмін па адрасе: belschool@gmail.com. Пажадана прадаставіць таксама рэкамэндацыйны ліст (ад праваабарончай ці іншай грамадскай арганізацыі, з якой супрацоўнічае прэтэндэнт, з месца працы ці вучобы). Перавага будзе аддавацца ўдзельнікам, якія арыентуюцца ў грамадcкай праблематыцы, зацікаўленыя ў атрыманні ведаў у галіне правоў чалавека, якія жадаюць і гатовыя дзейнічаць на карысць іх абароны.


Не будуць разглядацца заяўкі прэтэндэнтаў, тэрмін дзеяння пашпартоў якіх заканчваецца за тры месяцы да даты правядзення Школы.


Транспартныя выдаткі, звязаныя з афармленнем віз, кампенсаваныя не будуць.


З дадатковымі пытаннямі звяртайцеся на эл.адрас: belschool@gmail.com

Паводле рассылкі belngo.info

Конкурс эскізаў

Распачаўся конкурс эскізаў па матывах аповесці Уладзіміра Караткевіча “Ладдзя Роспачы”.


Вы маеце ўнікальную магчымасць стаць аўтарам скульптурнай кампазіцыі ў Рагачове, прысвечанай герою аповесці Уладзіміра Караткевіча “Ладдзя Роспачы” Гервасію Выліваху.


Гервасій – рэальны персанаж гісторыі горада Рагачова, што на поўдні Беларусі. Але нават самі жыхары не ведаюць пра гэта.


Патрабаванні да працаў:

– гэта эскіз для скульптуры

– дапускаюцца толькі арыгінальныя аўтарскія працы

– максімальнае ўвасабленьне эстэтыкі твору (адзінае абмежаванне – праца мусіць суадносіцца з літаратурным Гервасіям)

– фармат выканання вольны.


Працы не вяртаюцца, яны ўвойдуць у экспазіцыю музэя.


Апошні тэрмін – да 31 ліпеня.


Працы дасылайце на эл.скрыню RagachouVylivaha@gmail.com альбо тэлефануйце на нумар 336 19 60 68 (МТС)

Паводле «Кронікі грамадзкага жыцьця Гарадзеншчыны»



Чытаць далей/Каментаваць

Семінар для маладых журналістаў


10–11 чэрвеня Мінскі міжнародны адукацыйны цэнтр імя Ёханэса Рау пры падтрымцы амбасады ФРГ у Беларусі ладзіць семінар па правядзенні журналісцкага даследавання ў Інтэрнэце.


Да ўдзелу запрашаюцца журналісты-пачаткоўцы.


Да разгляду прадстаўлены наступныя тэмы:

– функцыі і структура Інтэрнэта

– віды пошукавых сістэм і спосабы іх выкарыстання

– інфармацыйныя прапановы, online-службы для журналістаў

– расследаванне па абранай тэме і падрыхтоўка матэрыяла

– абмеркаванне падрыхтаваных матэрыялаў.

Заняткі ладзяцца ў Мінскім МАЦ.

Трэнер – медыяэксперт Павал Быкоўскі.

Пачатак семінара – у 14.00.


Чытаць далей/Каментаваць

Пачалася рэгістрацыя абітурыентаў на цэнтралізавае тэставанне

4 мая пачалася рэгістрацыя абітурыентаў для ўдзелу ў цэнтралізаваным тэставанні. Паводле Правіл прыёму ў вышэйшыя навучальныя ўстановы, рэгістрацыя працягнецца да 1 чэрвеня.


Ужо шосты год запар менавіта тэсты з'яўляюцца пропускам у шэрагі студэнтаў. Летась у цэнтралізаваным тэставанні ўдзельнічалі больш 179 тыс. абітурыентаў. Яны здалі больш за 457,2 тыс. тэстаў. Сёлета ў сувязі са скасаваннем 12-годкі і ўтварэннем рыска-класаў гэтыя лічбы будуць, вядома ж, вышэйшымі.


Разгорнуты дапаможнік па працэдуры тэставання чытайце на старонцы партала tut.by.



Каментаваць

Падведзеныя вынікі конкурсу «Ноўтбук для актыўнага настаўніка-2009»

3 мая ў гістарычнай майстэрні нямецкага адукацыйнага цэнтра імя Йоганэса Раў адбылася выніковая канферэнцыя, на якую былі запрошаныя ўсе ўдзельнікі конкурсу «Ноўтбук для актыўнага настаўніка-2009». Павітаць удзельнікаў прыйшлі  Уладзімір Арлоў, Пётра Садоўскі, Мікалай Запрудскі, Алесь Лозка, Лявон Баршчэўскі.  
Для ўдзельнікаў канферэнцыі была арганізавана выстава метадычнай літаратуры, якую прадаставілі «Цэнтар Супольнасьць», Адукацыйны цэнтр «ПОСТ», Таварыства маладых навукоўцаў «ВІТ», ТБШ, Бацькаўшчына, выдавецтва «Радыёла Плюс» і інш. За ўнёсак ў развіццё беларускай адукацыі  ўсе удзельнікі былі ўзнагароджаныя дыпломамі  РГА «Таварыства беларускай школы», атрымалі  прызы і кнігі з рук аўтараў Уладзміра Арлова, Пятра Садоўскага, Лявона Баршчэўскага.
На конкурс было даслана 40 метадычных матэрыялаў у пяці намінацыях. З імі можна азнаёміцца на адмысловай старонцы нашага сайта.
Фотарэпартаж з выніковай канферэнцыі знаходзіцца тут.


Каментаваць

Новае на сайце

Урок «Сучасная беларуская лірыка. Творчасць Ларысы Геніюш»

Распрацоўка ўрока беларускай літаратуры (11 клас), прысвечанага творчасці выдатнай беларускай паэткі Ларысы Геніюш, якая на працягу ўсяго жыцця, нягледзячы на жорсткасць і бесчалавечнасць таталітарных рэжымаў, здолела захаваць трывалую грамадзянскую і маральную пазіцыю. Аўтар – настаўнік установы “Баравабудскі навучальна-педагагічны комплекс дзіцячы сад–сярэдняя школа Кармянскага раёна” Юры Мянькоў.


Спампаваць матэрыял (doc, 180 КБ)



Каментаваць