Міжнародныя валанцёрскія летнікі ў Беларусі

16.05.2012

Апошнія тэрміны падачы заявак: 1 чэрвеня, 15 чэрвеня

РГА «Беларуская Асацыяцыя клубаў ЮНЕСКА» запрашае маладзёнаў ва ўзросце 18–25 гадоў да ўдзелу ў міжнародных валанцёрскіх летніках.

Міжнародны англамоўны летнік у м. Ружаны (16–28 ліпеня) і рускамоўны – у в. Залессе (11 – 25 ліпеня) ладзяцца ў межах праграмы «Замкі Беларусі».

Падчас валанцёрскіх летнікаў прадугледжана наступная праца: уборка на тэрыторыі гістарычных аб’ектаў, азеляненне, будаўнічыя працы.

У праграме летнікаў: навучальныя трэнінгі і майстар-класы, культурныя мерапрыемствы, экскурсіі, турыстычныя паходы.


Падаць заяўку на ўдзел у летніку ў м. Ружаны

Апошні тэрмін падачы заявак: 1 чэрвеня 2012 г.


Падаць заяўку на ўдзел у летніку ў в. Залессе

Апошні тэрмін падачы заявак: 15 чэрвеня 2012 г.

Даведка:

У РГА «БелАЮ» з 1998 года існуе праграма «Замкі Беларусі», у рамках якой штогод праводзяцца моладзевыя міжнародныя валанцёрскія летнікі на аб’ектах гісторыка-культурнага значэння. У розныя гады такія летнікі ладзіліся ў Міры, Нясвіжы, Наваградку, Смілавічах, Тарасаве, Залессі.

Сёлета запланаваныя два летнікі: у мястэчку Ружаны (палацавы комплекс – былая рэзідэнцыя Сапегаў) і вёсцы Залессе (сядзіба М.Агінскага).

Паводле budzma.org