Выразанкі. Мастацкі конкурс для школьнікаў

Новы мастацкi конкурс для школьнiкаў «Выразанкi» — гэта магчымасць вярнуцца ў казачны сусвет дацкага пiсьменнiка Ханса Крысцiяна Андэрсена i па-новаму асэнсаваць даўно вядомыя творы. I, канешне, укацiць у лета на новым ровары!
 
Конкурс звяртаецца да твораў знакамiтага дацкага казачнiка Х. К. Андэрсена. У 2020 годзе адзначаецца 215 гадавiна са дня нараджэння вялiкага пiсьменнiка, аўтара мноства казак, але яго сусветна вядомыя гiсторыi жывуць па-за часам, узростам i нацыянальнасцю. Праз шмат гадоў такiя казкi, як «Снежная каралева», «Русалачка», «Новае адзенне караля» i многiя iншыя натхнялi аўтараў па ўсiм свеце на стварэнне розных творчых iнтэрпрэтацый: прозы, тэатральных п’ес, музыкi i фiльмаў — у тым лiку знакамiтых анiмацыйных, зробленых кампанiяй Уолта Дыснея, гульняў, малюнкаў, скульптур i шмат чаго яшчэ.
 
Мэта гэтага конкурсу — пазнаёмiць беларускiх школьнiкаў з творамi Х. К. Андэрсена, паспрыяць развiццю iх фантазii, творчасцi i наватарскага мыслення праз стварэнне сваiх iнтэрпрэтацый вядомых казак.\
 
Мы запрашаем школьнiкаў ва ўзросце 7 — 15 гадоў стварыць свае творчыя пераасэнсаваннi адной з мноства казак Х. К. Андэрсена. Гэта можа быть малюнак, анiмацыя, жывапiс, калаж цi нават выразанка — любiмы занятак пiсьменнiка. Фантазiя — гэта адзiнае абмежаванне!
 
Заяўкi на конкурс прымаюцца з 11 траўня па 7 чэрвеня 2020 года.
 
Творчыя работы будуць ацэнены журы, якое вызначыць пераможцаў у двух узроставых катэгорыях (7 — 11 гадоў i 12 — 15 гадоў). Пераможцы будуць абвешчаны 22 чэрвеня 2020 года.
 
Пераможца ў кожнай узроставай групе атрымае новы дацкi ровар — Kildemoes!
 
У склад журы ўваходзяць беларускiя i дацкiя мастакi, iлюстратары i iншыя эксперты:
 
— Генадзь Мацур. Мастак, iлюстратар (Беларусь).
 
— Юлiя Рудзiцкая. Мастачка, анiматарка (Беларусь).
 
— Кацярына Дубовiк. Мастачка, iлюстратарка (Беларусь).
 
— Mormor. Мастак (Данiя).
 
— Сiмон Дреўсен Холмбер. Дырэктар Iнстытута дацкай культуры ў Эстонii, Латвii i Лiтве.
 
— Алена Макоўская. Каардынатарка грамадскай культурнiцкай кампанii «Будзьма беларусамi!».
 
— Багуслава Саханьска. Дырэктарка Iнстытута дацкай культуры ў Польшчы.
 
Для ўдзелу ў конкурсе аўтары павiнны запоўнiць заяўку, а таксама прадставiць творчую работу ў электроннай форме.
 
Даведацца больш пра Правiлы i ўмовы конкурсу можна тут.
 
Конкурс арганiзаваны Iнстытутам дацкай культуры ў Эстонii, Латвii i Лiтве ў супрацоўнiцтве з грамадскай культурнiцкай кампанiяй «Будзьма беларусамi!».
 
Кантактная iнфармацыя — Дар’я Гога, dashagoga@gmail.com.
 
З палажэннем конкурса можна пазнаёміцца тут.