НАША адукацыя

У мінулым годзе на сайце Nastaunik.info праходзіла грамадская дыскусія «Альтэрнатывы ў адукацыі», якая мела вынікам публікацыю – зборнік артыкулаў.

Хацелася б і сёлета працягнуць падобную працу, якая дапаможа нам сабраць меркаванні розных бакоў і абмяняцца паспяховымі практыкамі вырашэння адукацыйных праблем, ці проста зазначыць і абмеркаваць важныя тэмы.

Прафесіяналы сыходзяць са школы, моладзь імкнецца з’ехаць за мяжу, адукаваныя разумныя людзі – не каштоўнасць для дзяржавы... Але шмат таленавітых і самаадданых педагогаў застаюцца ў школах, шукаючы шляхі вырашэння гэтых праблем. Давайце паспрабуем падзяліцца сваім досведам, як гэта раней зрабілі Наталля Ільініч, Уладзімір Колас, Валянціна Быстрык, Міхась Булавацкі ды іншыя.

Гледзячы на іх, мы маем больш аптымізму, радуемся, што дагэтуль дзейнічае ў падполлі закрыты ў 2003 годзе Беларускі ліцэй; настаўніца, якую звольнілі з працы, пазбавілася толькі... начальства, але не сышла з адукацыі, вучыць дзяцей і нават калег; заснаваны на агульных каштоўнасцях клуб «Беларускае кола» выйграе конкурсы і на канікулах вандруе па Беларусі, Літве, Польшчы, Германіі, Бельгіі. Мы з цікавасцю сачылі, як настаўнікі, якія атрымалі папярэджанні, штрафы і нават судовыя справы за тое, што апублікавалі заданні рэпетыцыйнага тэставання ў сваіх блогах, згуртаваліся і гатовыя былі ісці да дырэктара РІКВ на перамовы. Вядома, РІКВ не прызнаў сваю паразу, але даў задні ход, адмяніў перамовы і наўрад ці адважыцца судзіцца з настаўнікамі наступным разам.

І гэтыя перамогі адбыліся тут і цяпер. Значыць, мы нешта можам.

Вось некаторыя з тэм, якія мы б хацелі абмеркаваць:

• Стэрэатыпы ў беларускай адукацыі. Над чым настаўнік не задумваецца, а варта?

• Спіс ключавых кампетэнцый. Чаму і як трэба вучыць у школе? Якія кампетэнцыі патрэбны сучаснаму беларускаму школьніку? Ці тыя самыя, што нямецкаму, літоўскаму, расійскаму?

• Імідж беларускага настаўніка. Ад чаго і каго залежыць? Што рабіць? Што залежыць ад нас саміх?

• Грамадзянская пазіцыя настаўніка. Хаваць ці не хаваць? Ці ўплывае яна на якасць адукацыі?

• Імітацыя і фальсіфікацыя адукацыі як выклік грамадству. Што такое плагіят? Чым можа скончыцца «Дай спісаць!» у школе?

• Праблема інфармацыйна-камунікатыўных кампетенцый розных пакаленняў. Лічбавая прорва ў школе: настаўнікі – вучні, упраўленцы – настаўнікі...

• Няякасныя падручнікі. Што рабіць? Навука пад канспект? Пішам свой падручнік?

• Грамадзянская адукацыя, нацыянальная школа і патрыятычнае выхаванне. Ці ёсць перспектывы ў краіны, якая не мае сваёй школы?

• Устаноўкі, якія мы даем дзецям. Навошта вучыцца? Нашыя чаканні? Ці ёсць шчасце за мяжой?

• Медыяадукацыя. Што гэта? Навошта? Ці ёсць ёй месца ў адукацыйным працэсе?

Давайце разважаць, давайце выцягваць сябе з руціны, каб было лепш бачна, ці тое мы робім і ці так, давайце дзяліцца сваімі дасягненнямі, нават самымі маленькімі. Можа, вы прааналізавалі адукацыйнае заканадаўства і цяпер не абыходзіце дамы, правяраючы, хто там прапісаны, і ці дыміць комін? А можа вашая школа змагла адстаяць права настаўнікаў не прыбіраць «Чыжоўка-арэну»? Ці вы ведаеце сакрэт павышэння матывацыі вучняў? Ці як далучыць бацькоў да супрацоўніцтва? Раскажыце нам.

Дасылайце свае нататкі на адрас nastaunik.info@gmail.com, сачыце за абмеркаваннямі на старонцы. Усіх аўтараў матэрыялаў плануецца запрасіць на круглы стол у красавіку 2014 г.

 

Дадаць каментар

Перазагрузіць Type the characters you see in this picture.
Калі ласка, увядзіце сімвалы, якія Вы бачыце на малюнку; калі вы не можаце прачытаць іх, адпраўце форму і для Вас будзе створаны новы вобраз. Не адчувальныя да рэгістра.  Пераключыць на аўдыя-праверку.

Да канферэнцыі

Настаўнік: прафесія ці місія?

Ці можа быць непрэстыжнай прафесія настаўніка? Хто і што робіць яе прэстыжнай? Што трэба зрабіць, каб у школу прыйшлі прафесіяналы? Якую кар’еру можа зрабіць настаўнік?

Грамадазнаўства ў беларускіх падручніках

Аналіз падручнікаў «Грамадазнаўства» для 9 і 10 класаў, зроблены Пётрам Садоўскім, які мае шматгадовы досвед супрацоўніцтва з «Інстытутам імя Георга Экерта для міжнароднага даследавання школьных падручнікаў».

Шануйце настаўніка і дайце яму спакойна працаваць

Апош­нім ча­сам шмат раз­ва­жа­юць пра не­аб­ход­насць дэ­бю­ра­кра­ты­за­цыі шко­лы, пра тое, што пе­да­го­га­мі ка­ман­ду­юць усе за­пар. Чы­та­чы «Звяз­ды» так­са­ма не за­ста­юц­ца ў ба­ку ад аб­мер­ка­ван­ня праб­лем шко­лы…

Што трэба, каб школьнікам была цікавая беларуская літаратура

Як жа, думаю я, а дзе беларускае фэнтэзі «Ладдзя роспачы»? А дзе ж натуральная драма і абсалютны must read – «Аблава» Васіля Быкава? Бо гэтыя шэдэўры могуць напраўду зацікавіць распешчанага стандартнай праблематыкай твораў вучня! Разважае рэпетытар Ева Гілевіч.

Прымусовая падпіска, ці як не стаць дысідэнтам у школьным калектыве

Для чаго выпісваць газеты, якія ніхто не чытае? Ці ёсць хоць нейкае юрыдычнае абаснаванне прымусовай падпіскі? Чаму мы працягваем удзельнічаць у атракцыёне нябачнай шчодрасці?

Крызіс сістэмы сярэдняй адукацыі

Педагог-рэпетытар Яўген Лівянт выклаў на сваім сайце разгорнутыя развагі, прысвечаныя неабходным рэформам, школьным іспытам і ўступнай кампаніі, а таксама адметнасцям і недахопам сістэмы ЦТ.

Як жывецца маладому настаўніку

Спачатку я спрабаваў працаваць, як лічу патрэбным. Потым пачаў раздзяляць урокі на тры групы: урок, на які пойдзе дырэктар; урок, на які пойдзе намеснік дырэктара; урок, які я вяду, як лічу патрэбным, у адпаведнасці з праграмай.

Старонкі