Грамадзянская адукацыя ў школе

«Гуляем у эканоміку»
Сучасныя дзеці гадуюцца не на фільмах пра Чапаева і казках пра Мальчыша-кібальчыша, а на тэлеперадачах і рэкламе. Часта даводзіцца чуць досыць абгрунтаваныя меркаванні, што тэлевізар разбэшчвае, аддаляе ад рэчаіснасці, як і паўсюдная (асабліва ў вялікіх гарадах) яркая рэклама. Але ж і гэты, здавалася б, непрыемны аспект, можа скіраваць у карыснае рэчышча. Напрыклад, пазнаёміць дзяцей з тым, навошта робіцца рэклама, каму яна патрэбная, адкуль бяруцца грошы і куды яны скіроўваюцца. Гэта паспрабавала зрабіць Т. М. Грашчанкава, выкладчыца кафедры эканамічнай тэорыі Віцебскага дзяржаўнага універсітэта імя П.М. Машэрава. Прапануем вам яе распрацоўку эканамічных практыкаванняў, гульняў і крыжаванак пад агульнай назвай «Гуляем у эканоміку» (doc, 269 КБ). Спадзяемся, што гэты матэрыял будзе карысны для настаўнікаў розных прадметаў і пры правядзенні пазашкольных мерапрыемстваў.
Паводле сайта «З рога ўсяго многа»  

Грамадскія арганізацыі дапамагаюць настаўніку
Артыкул з Бюлетэня «Настаўнік.інфо» №4 за красавік 2008 г. 
Настаўнікі – народ вельмі заняты. Але і вельмі арганізаваны. Таму, у адрозненне ад вучняў, ім хапае часу і на самаадукацыю, і на іншыя карысныя справы. Пры жаданні, само-сабой. А гэты артыкул прызначаны для калегаў, ахвотных зрабіць нешта добрае, сацыяльна-значнае. Для тых, хто шкадуе часу на вечную беларускую песню “Няма грошай, няма здароўя, начальства дастала…” І прысвечаны ён агляду адукацыйных грамадскіх арганізацыяў, якія б маглі дапамагчы нашаму настаўніку самарэалізавацца ды час ашчадзіць. >>>

Сайт аб навучанні правам чалавека
Прапануем вашай увазе спасылку на сайт ААН, прысвечаны вывучэнню правоў чалавека ў школе
Сайт змяшчае афіцыйны тэкст і спрошчаны варыянт Канвенцыі аб правах дзіцяці, Дэкларацыі правоў дзіцяці, Усеагульнай дэкларацыі правоў чалавека, брашуру «Азбука выкладання правоў чалавека», адказы на пытанні па тэме «Правы чалавека», а таксама іншую карысную інфармацыю.
Паводле wgcre.net.

Жыву ў Беларусі і тым ганаруся
План першага ўрока ў 5 класе, прысвечанага Беларусі, распрацавала настаўніца талькаўскай школы Наталля Ільініч
Спампаваць матэрыял (zip, 17 КБ)

Школьная канферэнцыя «Гісторыя і грамадства вачыма школьніка»
Распрацоўка настаўніцы мінскай школы №63 Таццяны Шчурко
Спампаваць матэрыял (doc, 45 КБ)

Урок “Настаўнікі і вучні нашай школы ў Другой сусветнай вайне”
 Даслаў Барыс Ібрагімавіч Mуха, які працуе настаўнікам з 1981 г, настаўнік гісторыі і грамадазнаўства дзіцячага саду – школы №1 г. Мар’іна Горка “Грамадзянская адукацыя”
Урок прапануецца для факультатыва па тэме “2-я сусветная вайна” а таксама для выкарыстання падчас урокаў у 10 класах і 12 класах па дванаццацігадовай праграме школы.
Цалкам прэзентацыя мае выгляд агучанага слайд-фільма. Яе можна атрымаць на дыску ( пішыце, каму трэба на info @nastaunik.info).
Праглядзець слайды прэзентацыі ў PDF-фармаце (pdf, 2.1 Mб)

Школа правоў дзіцяці
Матэрыял прадстауляе сабой кароткі артыкул аб тым, па якіх блоках можна арганізаваць у пачатковай школе (але не толькі) сістэму выкладання правоў дзіцяці, з удзелам бацькоў. Матэрыял прапануецца настаўнікам-лідарам, а таксама кіраўніцтву ўстаноў адукацыі, якія зацікаўленыя ў стварэнні гнуткай сувязі ўсіх удзельнікаў адукацыйнага працэсу, а таксама ў выхаванні граматнай у прававым плане асобы. Аўтар – настаўніца-дэфектолаг смаргонскай школы-садка Алена Чыкіна
Спампаваць матэрыял (doc, 52 КБ)

Інтэграцыйныя працэсы ў сучаснай Еўропе
Праграма факультатыўнага курса "Інтэграцыйныя працэсы ў сучаснай Еўропе: дзяржаўна-палітычны, сацыяльна-эканамічны, культурны аспекты".
Праграма садзейнічае фарміраванню кампетэнцый талерантнасці і павагі да іншых народаў і культур ў сучасным мультыкультурным свеце. Праграма стварае спрыяльныя ўмовы для самарэалізацыі вучняў і педагогаў, садзейнічае выхаванню пачуццяў нацыянальнай годнасці і патрыятызму.
Асаблівасцю праграмы з'яўляецца яе практычная накіраванасць. Праграма пабудавана на метадах і прыёмах актуалізацыі атрыманых ведаў і стварэнні спрыяльных умоў для пераўтварэння ведаў ў кампетэнцыі. Для забеспячэння гэтага падыходу вялікую частку заняткаў рэкамендуецца праводзіць па інтэрактыўным методыкам: ралявыя гульні, семінары, практыкумы, лабараторыі.
Спампаваць праграму (zip, 188 КБ)

Сцэнар гульні «Прэс-канферэнцыя з замежнымі гасцямі»
Сцэнар гульні для вучняў 8–11 класаў, якая дапаможа пашырыць веды вучняў пра краіны Еўропы, развіць уменні працаваць з рознымі крыніцамі інфармацыі, сфармаваць грамадзянскія каштоўнасці. Распрацаваны настаўніцай гісторыі Талькаўскай школы Наталляй Валянцінаўнай Ільініч:
Спампаваць сцэнар (doc, 80 КБ)

Настаўнікі і дзеці з Смаргоні вучаць бразільцаў правам чалавека
Праз наш сайт Уладзімір Калінін, кіраўнік інфармацыйнага цэнтра па правах дзіцяці і чалавека ў гімназіі № 4 г. Смаргоні, дзеліцца досведам працы цэнтра па правах чалавека і правах дзіцяці, у выніку чаго смаргонскія школьнікі разам з настаўнікамі патрапілі ў Рым, і ў Франкфурт. А зараз смаргонскі досьвед шырока адаптуецца ў Бразіліі – там ўжо выдалі кнігу накладам 1000 асобнікаў. Мы прызвычаіліся скардзіцца на школьную руціну і бяспраўнасць настаўніка ды і вучня. Усё гэта існуе і, на жаль, пашыраецца. Смаргонскія настаўнікі і вучні гімназіі №4 спрабуюць вырашыць праблему сваімі метадамі. Можа і праўда - трэба спачатку патрэніравацца на бразільцах.
Чытайце

Еўрапейская інтэграцыя і нашы падручнікі Пётра Садоўскі
«Школьныя падручнікі ствараюць нацыю», – пісаў французскі гісторык Марк Фэро ў папулярным выданні «Як распавядаюць пра гісторыю дзецям у розных краінах свету». У сваім артыкуле Пётра Садоўскі робіць параўнальны аналіз беларускіх і заходнееўрапейскіх падручнікаў.
Артыкул цалкам

Вучнёўскае самакіраванне. Дапаможнік для лідэраў.
Падрыхтаваў Максім Чарняўскі
Карысны для ўсіх, хто жадае стварыць вучнёўскае самакіраванне ў школе, удасканаліць яго працу. Зьмяшчае усё матэрыялы (ад вызначэння мэтаў да вучнёўскай «бюрактатыі"), патрэбныя для таго, каб вучнёўскае самакіраванне зрабіць не гульнёй у межах школы, а дзейснай арганізацыяй, школай для дарослага жыцця.
Загрузіць дапаможнік (zip)

Школьнае самакіраванне кароткі даведнік для настаўнікаў і бацькоў
Гэта першае у Беларусі выданне інфармацыйнага дапаможніка па самакіраванню ў школе. Калі бацькі і настаўнікі сыходзяцца ў спрэчках адносна таго, што такое школа, для чаго яна існуе і хто за што ў ёй адказны, суразмоўцам нярэдка не хапае мінімальных ведаў пра існуючае заканадаўства, якое абумоўлівае дзейнасць адукацыйна-выхаваўчай установы. Дзеля вырашэння гэтага недахопу інфармацыі быў зроблены аналіз адпаведных нарматыўных прававых дакументаў.  Падрабязней