Працоўная група Балонскага працэсу: Беларусь не гатовая

«Беларусь не гатовая далучыцца да Еўрапейскай прасторы вышэйшай адукацыі», — такі вердыкт вынесла працоўная група Балонскага працэсу. Паседжанне групы, якая прадстаўляе ўсе 47 краін-удзельніц Балонскага пагаднення, прайшло 18–19 студзеня ў Капенгагене. Паводле ацэнкі Працоўнай групы, якую цяпер узначальваюць Данія і Азербайджан, Беларусь не выконвае прынцыпы і каштоўнасці Балонскага працэсу, такія як акадэмічная свабода, інстытуцыйная аўтаномія і студэнцкі ўдзел у кіраванні вышэйшай адукацыяй.

Чытаць далей / Каментаваць

  
Грамадская дыскусія «Крызіс у адукацыі. Шляхі выйсця»

АБ ПРАЕКЦЕ

Nastaunik.info стварае актыўнага настаўніка – актыўны настаўнік стварае Nastaunik.info!
Наш сайт знаёміць з тэндэнцыямі адукацыі ў свеце, з новымі тэхналогіямі і метадамі выкладання, а таксама вынікамі іх ужывання ў Беларусі. Праграмная абалонка дазваляе скапіяваць інфармацыю, а таксама дадаць свае распрацоўкі. Чакаем Вашых матэрыялаў на адрас Info@ nastaunik.info

Сайт Nastaunik.info заняў першае месца ў конкурсе «Лепшы сайт у сферы нефармальнай адукацыі за 2010 год», 

МУЛЬТЫМЕДЫЙНЫЯ ДАПАМОЖНІКІ

Дыскі метадычных і дапаможных матэрыялаў «Гадуем беларусаў" можна атрымаць па пошце.
Частка 1 – для дашкольнікаў і малодшых школьнікаў,
Частка 2 – для сярэдняй школы.
Калі Вы – педагог, дыск Вам дашлем бясплатна. Пішыце на адрас info@nastaunik.info

АНАЛІТЫКА, ПУБЛІЦЫСТЫКА

Наталля ІЛЬІНІЧ: Што мы пабачылі ў Варшаве
Максім БАГДАНОВІЧ: Да пытання пра беларускую і вялікарускую гаворку ў мясцовай школе
Эва БОРГАШ: Актыўная ацэнка як філасофія навучання
Алесь ЛОЗКА: Ад ТБШ у Заходняй Беларусі да сённяшняга РГА «ТБШ»: 90 год
Святлана ЦІШКО: Навучанне па-беларуску – плюсы і прывілеі 
Міхась БУЛАВАЦКІ: Настаўнік і рэпетытар – паплечнікі ці канкурэнты?
МІНІСТЭРСТВА АДУКАЦЫІ: План мерапрыемстваў па папулярызацыі і пашырэнні сферы выкарыстання беларускай мовы ў жыцці грамадства на 2010 і наступныя гады
Tамара МАЦКЕВІЧ: Краіны Усходняга Партнёрства зацікаўленыя ў сумесных праграмах
Алена МАЛЯЎСКАЯ: Аднойчы ў Амерыцы: З досведу інклюзіўнай адукацыі
Міхась КУДЗЕЙКА: Каб адзнака стала актыўнай
Алена РАДЗЕВІЧ: Як зрабіць мэту ўрока дасягальнай: Тэхналогія SMART
Павел САПЕЛКА: Каб не ператварыцца ў педагагічнага разнарабочага: Парады юрыста
ДЫСКУСІЯ: Сістэма адукацыі: Старыя пытанні пра галоўнае
Кацярына СІНЮК: Ці патрэбны беларусам беларускамоўныя школы?
Лявон БАРШЧЭЎСКІ: Культура мовы… на словах?  
Пётра САДОЎСКІ: З досведу іншаземнага прачытання расійскай класікі
PISA: Вынікі міжнароднага даследавання якасці школьнай адукацыі ў свеце
Газета «ЗВЯЗДА»: «Самаадданасць педагогаў нельга эксплуатаваць бясконца»
Аляксандр ПАЛОННІКАЎ: Умовы пашырэння Усходняга партнёрства ў галіне адукацыі і навукі
Дайэн РАВІЧ: Што такое дэмакратыя і як яна павінна вывучацца ў школах
Мікалай ЗАПРУДСКІ: Карыснае з польскага досведу для школьнай адукацыі ў Беларусі

КОНКУРСЫ, ПРАГРАМЫ, КУРСЫ

Міжнародны трэнінг па інклюзіўнай адукацыі (да 25 студзеня) 
BELAMUN 2012: Беларуская мадэль ААН для студэнтаў (да 31 студзеня) 
Дзень маладога даследчыка на Заалагічных чытаннях (да 1 лютага) 
«Беларуская Асацыяцыя клубаў ЮНЕСКА»: Стажыроўка-2012 (да 20 лютага) 
Community Connections: Праграма прафесійна-культурнага абмену (дашкольнае развіццё – да 24 лютага)
Конкурс на стыпендыю Кіркланда: 2012/13 навучальны год (да 29 лютага) 
«Шацілкаўскія чытанні»: IV навукова-практычная канферэнцыя (да 31 сакавіка) 
Стыпендыі ў філіяле Стакгольмскай школы эканомікі ў Рызе (да 2 красавіка) 
Праграма малых грантаў Амбасады ЗША – 2012
Фонд EVZ: Стыпендыі для абмену школьнікамі
Стыпендыя Фонду Бадэн-Вюртэмберга: вучоба і практыка ў Германіі
Праграма малых праектаў MATRA/KAР
Пошук стыпендыі з Google
Конкурс адукацыйных матэрыялаў «Notebook-2011»

ПАДПІСКА НА РАССЫЛКУ

Дашліце свой e-mail на адрас Info@ nаstаunіk.info з пазнакай «падпіска», i Вы будзеце атрымліваць штотыднёвую рассылку адукацыйных навінаў.

НАШЫЯ СЯБРЫ

Нашыя дзеткі
ЕГУ-Беларускі ўніверсітэт за мяжой
Віртуальны кабінет беларускай мовы і літаратуры
Блог настаўніка фізікі і інфарматыкі
Школьная фізіка (сайт Аляксандра Саковіча)
Сайт філолага Міколы Жуковіча
Жывая матэматыка
Парта для настаўніка
З рога ўсяго многа (сцэнары школьных святаў, музыка)
Злы фізрук
Камунікат (беларуская бібліятэка)
Адукацыя ў Еўропе
Alma Mater – адукацыя ў Беларусі і ў свеце
Abitura.by
Народныя казкі для дзетак
БЕЛІНТЭРНАТ – дзецям-сіротам
adukatar.net
Блог Настаўніка года-2011 Інэсы Зубрылінай
Казачнік BY
Дзяцінства
Крок да роўнасці
Газета «Наша Ніва»
Газета ЗВЯЗДА
Prastora.by – інтэрнэт-крама дыскаў, кніг, відэа
Knihi.by – беларускія кнігі, фільмы, дыскі поштай
Твой стыль
Казкі беларускія

 



 

 

«Экслібрыс»: Конкурс маладых пісьменнікаў

Апошні тэрмін падачы тэкстаў – 1 мая 

ГА «Саюз беларускіх пісьменнікаў» абвяшчае конкурс маладых пісьменнікаў «Экслібрыс».
Гэты год выдаўся багатым на юбілеі класікаў беларускай літаратуры: Паўлюка Багрыма, Якуба Коласа, Янкі Купалы, Алеся Гаруна, Цішкі Гартнага, Максіма Танка, Янкі Брыля, Міхася Стральцова... Славутым юбілярам і прысвячаюць арганізатары гэты конкурс.
Да ўдзелу прымаюцца празаічныя творы, паэзія, драматургія, літаратурная крытыка, пераклады мастацкіх тэкстаў на беларускую мову, пераклады твораў беларускіх пісьменнікаў на рускую мову. Узяць удзел у конкурсе могуць пісьменнікі, літаратурныя крытыкі і перакладчыкі, не старэйшыя за 35 гадоў.

Чытаць далей / Каментаваць

Агляд адукацыйных навінаў

- 7 cтудзеня – прэзентацыя кніжкі С.Вітушкі «Дзінь-дзілінь» >>>
- Універсітэты – інструменты рэпрэсіяў. Таму і не ўзялі ў Балонскі працэс >>>
- Студэнты выкрылі махінацыі з інтэрнатам на $25 000 >>>

Каментаваць

Мінск: Прэзентацыя трох музычных дыскаў

2 лютага

Запрашаем на прэзентацыю трох музычных дыскаў!
«З Новым годам!» – святочная складанка класічных і новых зімовых вершаў ды песень.
«Шыпшына» – 19 пранікнёных рамансаў на вершы класікаў беларускай літаратуры.
«Пасьпеўкі» – супольная праца Сержука Сокалава-Воюша і Тацяны Грыневіч-Матафонавай. 
Імпрэза адбудзецца 2 лютага ў мінскім музеі Янкі Купалы (вул. Янкі Купалы, 4). Пачатак а 18 гадзіне.
У праграме -  сустрэча з выканаўцамі, жывая музыка.
Уваход вольны.

Чытаць далей / Каментаваць

Сярэдняя школа № 2 г. Ашмяны: Экзамен па краязнаўстве

Звязда 

Зараз у СШ №2 г. Ашмяны — чатыры першыя класы, і адзін з іх стаў у сёлетнім навучальным годзе беларускамоўным. Аднак ужо з наступнага года ва ўсіх першых класах пачнецца навучанне выключна «на мове». Такім чынам, установа стане цалкам беларускамоўнай, пакуль адзінай у горадзе.
— Чаму мы пайшлі на гэта? Таму што з’яўляемся рэспубліканскай інавацыйнай пляцоўкай па развіцці ў вучняў камунікатыўных навыкаў шляхам вывучэння мовы, азнаямлення з культурай і гісторыяй роднага краю, — расказвае дырэктар СШ №2 г. Ашмяны Наталля Галашэўская. — Пацвярджаць новы статус будзем у красавіку. А пакуль у межах праекта наладжваем стасункі з беларускамоўнымі школамі і гімназіямі ў розных абласцях.
Нядаўна наладзіліся стасункі з беларускамоўнай гімназіяй Вільнюса. Спачатку група нашых старшакласнікаў і настаўнікаў наведала літоўскіх сяброў, а ў мінулым месяцы, 23 снежня, яны прыязджалі да нас. Для дзяцей гэта было сапраўднае свята. Вільнюскія школьнікі расказалі пра сябе, праспявалі нам песні на літоўскай мове, а ў якасці сюрпрызу падрыхтавалі песню на беларускай мове «Тры чарапахі». Але ж аказалася, што і нашы дзеці ў падарунак падрыхтавалі менавіта гэтую песню!

Чытаць далей / Каментаваць

Агляд адукацыйных навінаў

- 300 настаўнікаў-лагапедаў чакаюць, калі Міністэрства адукацыі прызнае іх «сваімі» >>>
- Bielaruskaja lacinka: kali pryjdzie jaje cas? >>>
- Лацінка: асноўныя правілы >>>

Каментаваць

Конкурс «Пераклад Канвенцыі аб правах інвалідаў на беларускую мову»

Апошні тэрмін падачы прац – 1 сакавіка 2012 г. 

Асветніцкая праваабарончая ўстанова «Офіс па правах людзей з інваліднасцю» абвяшчае конкурс «Пераклад Канвенцыі аб правах інвалідаў на беларускую мову». Мэта конкурсу – стварэнне прафесійнага перакладу Канвенцыі на беларускую мову, а таксама пашырэнне ведаў аб Канвенцыі ў беларускім грамадстве.
Пераможца конкурсу атрымае ноўтбук, а таксама права і прывілей цалкам перавесці на беларускую мову Канвенцыю аб правах інвалідаў на камерцыйных умовах аплаты. 
Дадатковым плюсам пры ацэнцы конкурсных прац будзе арыгінальны пераклад тэрміналогіі Канвенцыі. Пераможцам можа быць таксама калектыў аўтараў.

Чытаць далей / Каментаваць

Агляд адукацыйных навінаў

- Пры школах Мінскай вобласці створаныя бізнес-кампаніі >>>
- У Магілёве больш не будуць рыхтаваць выкладчыкаў беларускай мовы >>>
- Міжнародная ВНУ ўзроўню Кембрыджа ці Гарварда ў Мінску – міф? >>>

Каментаваць

Новае на сайце

Гарбузік №3: Рыцары 

У нумары:
- Клапатлівыя машыны
- Краіна замкаў, краіна рыцараў
- Настольная гульня «Выратуй каралеўну»
- Самаробка «Рыцарскі замак»
- Казка пра спадарыню Мышэвіч (заканч.)
- Загадкавая крыжаванка

Чытаць далей / Каментаваць

Новае на сайце

Гарбузік №2: Дыназаўры

У нумары:
- Лічым дзетак жывёл
- Казка пра спадарыню Мышэвіч
- Гіганты мінулага
- 7 надзвычайных дыназаўраў
- Задачкі для маленькіх і вялікіх разумнікаў
- Вясёлы Дына з пластыліну
- Крыжаванка

Чытаць далей / Каментаваць

Агляд адукацыйных навінаў

- 40% беларускіх студэнтаў вучацца на эканамістаў  >>>
- 64% беларускіх студэнтаў – «платнікі» >>>
- Студэнтаў прымусяць чысціць Мінск ад снегу  >>>

Каментаваць

Паграмы ўступных выпрабаванняў у ВНУ і ССНУ на 2012 год

У Беларусі зацверджаны і апублікаваныя праграмы ўступных выпрабаванняў у ВНУ і ССНУ на 2012 год.
Усе праграмы, якія прызначаны для тых, хто паступае ў сярэднія спецыяльныя навучальныя ўстановы пасля атрымання агульнай базавай адукацыі (дзевяць класаў), а таксама для тых, хто пасля заканчэння адзінаццаці класаў плануе паступаць у сярэднія спецыяльныя навучальныя ўстановы або ВНУ, размешчаны на партале Міністэрства адукацыі і на сайце Нацыянальнага інстытута адукацыі. Акрамя таго, яны будуць уключаны ў даведнікі для абітурыентаў 2012 года. 

Каментаваць

«Інтэлектуальны марафон»: Конкурс творчых прац абітурыентаў ЕГУ – 2012

Апошні тэрмін падачы прац – 12 лютага 

Еўрапейскі гуманітарны універсітэт абвяшчае конкурс творчых прац сярод абітурыентаў 2012 года. 
На папярэднім этапе конкурсу ва ўсіх навучальных кірунках, акрамя праграмы «Медыя і візуальны дызайн», неабходна напісаць хатнюю творчую працу (сачыненне-эсэ) на тэму «Аб беларускай ідэнтычнасці».
Адборачны этап конкурсу для ўдзельнікаў, якія абралі кірунак «Медыя і візуальны дызайн», праходзіць у форме стварэння серыі паштовак (ад двух да пяці) на тэму «Школа 21 стагоддзя».

Чытаць далей / Каментаваць

Каб я была міністрам адукацыі

Наталля Ільініч

Дыскусія ў газеце «Звязда» пасля публікацыі ліста настаўніка з Віцебскай вобласці пацвердзіла мае асабістыя адчуванні пра школу: усё вельмі дрэнна і, на жаль, так думаюць многія мае калегі.
Што трэба зрабіць, каб палепшыць становішча?
Гэта маё асабістае меркаванне – звычайнай беларускай настаўніцы з педстажам 25 гадоў. Некаторыя з гэтых крокаў не патрабуюць ніякіх фінансавых укладанняў, трэба толькі палітычная ды адміністратыўная воля.

Чытаць далей / Каментаваць

Міжнародны трэнінг па інклюзіўнай адукацыі

Заяўкі прымаюцца да 12.00 25 студзеня

Прадстаўніцтва Міжнароднага дзіцячага фонду ў Рэспубліцы Беларусь запрашае паўдзельнічаць у серыі трэнінгаў, прысвечаных інклюзіўны адукацыі.
I сесія адбудзецца ў Мінску 2 – 4 лютага. Назва трэнінгу: «Інклюзіўная адукацыя. Перавагі і асноўныя падыходы»
Арганізатары запрашаюць на трэнінг спецыялістаў дашкольнай, школьнай і спецыяльнай адукацыі; кіраўнікоў адукацыі; прадстаўнікоў недзяржаўных некамерцыйных арганізацый, якія яднаюць сем'і дзяцей з інваліднасцю.

Чытаць далей / Каментаваць

Агляд адукацыйных навінаў

- Ільготныя крэдыты – суддзям і пракурорам, а не лекарам і педагогам >>>
- Кіраўнікі дзіцячых садкоў не ўяўляюць, як развязаць кадравае пытанне >>>
- «Пераскочыць» цераз клас: ашчадзіць час ці займець псіхалагічны дыскамфорт? >>>

Каментаваць

«Маніторынг якасці выкладання прадмета»: Каму і што павінны даводзіць настаўнікі?

«У Гомельскай вобласці, – піша ў рэдакцыю сайта даўні сябра Іван С., – прайшла селектарная нарада па якасці адукацыі. Было абвешчана, што неўзабаве сярод настаўнікаў вобласці трэба правесці экзамены, у форме тэстаў, на веданне прадмета. Далей фармулёўку змянілі на «маніторынг якасці выкладання прадмета». Ці правамоцна гэта? І як у гэтай сітуацыі павінен паводзіцца педагог?»
«Абурэнню няма межаў, – падтрымлівае калегу Ігар Ч. – У мяне пытанне, наколькі гэта ўсё адпавядае закону? Для мяне гэта нізка і не прымальна, як і для шмат якіх настаўнікаў. Што, мне не зразумела, мы падцвярджаем, і каму, і навошта?»
Спецыялісты ў працоўным праве, да якіх звярнуўся Nastaunik.info, прызнаюцца: лёгка даваць агульныя парады, калі глядзіш на праблему звонку. Рэальна падтрымаць настаўніка, які мусіць працаваць у гэтай сістэме далей, нашмат цяжэй.
Таму мы звяртаемся да вас, шаноўныя чытачы. Можа сярод вас ёсць спецыялісты, абазнаныя ў адукацыйным заканадаўстве? А можа хто мае ўласны досвед у адстойванні сваіх прафесійных правоў і годнасці? Ці мелі вашыя высілкі плён? Што вы параіце нашым карэспандэнтам? Чакаем Вашых каментароў пад гэтым артыкулам.

Каментаваць

Агляд адукацыйных навінаў

- Чаму абітурыент з 337 баламі з 400 магчымых не паступіў ў БДУ? >>>
- Школам адведзеная ці не галоўная роля ў прафілактыцы сацыяльнага сіроцтва >>>
- Эксперт: Дзеці ўсё горш размаўляюць па-беларуску >>>
- Навучанне ў ВНУ падаражэе з 1 лютага >>>

Каментаваць

English as a Second Language (ESL): Дабрачынны курс англійскай мовы

Сумоўе – 28 студзеня 

Размоўная англійская мова бясплатна з носьбітамі мовы! Інтэнсіўныя заняткі (па 2 гадзіны): г. Мінск, вул. Райніса, 6 (р-н плошчы Ванеева) з 30 студзеня па 3 лютага.
На курсы запрашаюцца ўсе ахвотныя ад 16 год, незалежна ад узроўня валодання мовай. Навучанне бясплатнае.
Праграма мае пяць узроўняў: Basic, Beginner, Intermediate,  Advanced, Super advanced.
Напрыканцы студэнты, якія выканаюць патрабаванні наведвання, атрымаюць сертыфікат пра заканчэнне курса размоўнай англійскай мовы. Тым, хто паспяхова пройдзе праграму, будзе прапанаваны бясплатны гадавы курс з носьбітамі мовы.

Чытаць далей / Каментаваць

Выйшаў «Беларуска-польскі размоўнік-даведнік»

Баршчэўскі Л. П. Беларуска-польскі размоўнік-даведнік / Л. П.Баршчэўскі ; прадм. Л. Шарэпка. — Мінск: Радыёла-плюс, ІП Сіўчыкаў Ул. М., 2011. — 180 с.
«Беларуска-польскі размоўнік-даведнік» выйшаў у межах серыі «Беларускія ЕўраРазмоўнікі». Выданне прызначаецца найперш тым, хто выязджае ў Польшчу ў камандзіроўку, на адпачынак, турыстам.
Размоўнік-даведнік мае адметную структуру: можа не толькі дапамагчы карыстальнікам, якія ўпершыню сутыкнуліся з польскай мовай і з польскімі рэаліямі, але і адначасова зацікавіць іх у лепшым засваенні мовы суседняга народа, звязанага з беларусамі агульнымі гістарычнымі каранямі. Дзеля гэтага ў склад кнігі ўключаны практычны граматычны даведнік, асновай якога паслужыла падрыхтаваная тым жа аўтарам і выдадзеная ў 2008 г. «Кароткая граматыка польскай мовы». Раздзелы размоўніка забяспечаны тэматычнымі беларуска-польскімі слоўнічкамі. У кнізе таксама змешчана актуальная інфармацыя пра самыя важныя турыстычныя аб’екты на тэрыторыі сучаснай Польшчы.
Утрымлівае размоўнік-даведнік і практычную транскрыпцыю.

Каментаваць

Агляд адукацыйных навінаў

- У Беларусі плануюць стварыць школу для бацькоў >>>
- Дэканат абараніў студэнтку, затрыманую за акцыю пратэсту >>>
- У БДУІР паболее бюджэтных месцаў >>>

Каментаваць

«Птушыныя гульні» на birdwatch.by

На сайце, прысвечаным назіранням за птушкамі ў Беларусі, запрацаваў раздзел з тэматычнымі гульнямі – http://birdwatch.by/games. На «Птушыных гульнях» вы не толькі зможаце патрэніраваць сваю памяць, кемлівасць і хуткасць рэакцыі, але і даведаецеся пра некаторыя цікавыя моманты з жыцця таго ці іншага віду птушак.

Чытаць далей / Каментаваць

BELAMUN 2012: Беларуская мадэль ААН для студэнтаў

Апошні тэрмін падачы заявак – 31 студзеня

11–14 сакавіка ў Мінску будзе праходзіць міжнародная канферэнцыя па мадэляванні ААН (Арганізацыі Аб’яданых Нацый) – BELAMUN 2012. Да ўдзелу запрашаюцца студэнты ВНУ і каледжаў. Галоўнае патрабаванне – веданне англійскай мовы.
Мадэль ААН – гэта сінтэз канферэнцыі і ролевай гульні, у ходзе якой на працягу некалькіх дзён студэнты імітуюць працу органаў Арганізацыі Аб’яднаных Нацый. Удзельнікі Мадэлі ААН – дэлегаты і назіральнікі – выступаюць у ролі афіцыйных прадстаўнікоў краін-чальцоў ААН, якія прыехалі на канферэнцыю для абмеркавання пытанняў, якія стаяць на парадку дня іх камітэта. На Мадэлі дэлегаты абавязаны адстойваць не свой ўласны пункт гледжання, а афіцыйную пазіцыю прэзентаванай імі краіны. Напісанне рэзалюцыі – канчатковая мэта кожнага камітэта, ажыццяўленне якой магчыма толькі пры дасягненні кампрамісу паміж інтарэсамі усіх прэзентаваных дзяржаў.

Чытаць далей / Каментаваць

Новае на сайце

«Беларускае пяціборства-ХІ»: Заданні і адказы

...Заданне 5 (мова – да 20 балаў). У школьнай насценгазеце паведамлялася пра пераможцаў школьных спартыўных спаборніцтваў. Спачатку ў алфавітным парадку былі змешчаны прозвішчы вучняў 5-га класа, потым – 6-га, пасля – 7-га і нарэшце 8-га: Адаменка, Адаміч, Бандарэнка, Бандарчук, Завадская, Заварухін, Кудраўцаў, Кудравец, Купрыянаў, Сцёпачкін, Сцяпук, Сцяпанчыкаў, Хількевіч, Хілько. Ці можаце вы адказаць, хто з іх у якім класе вучыцца?..

Чытаць далей / Каментаваць

Агляд адукацыйных навінаў

- Віцебскі гарвыканкам патлумачыў правілы бясплатнага праезду школьнікаў >>>
- Які дыплом атрымае беларускі студэнт за чатыры гады? >>>
- Латышскую мову страшыць прыклад беларускай >>>

Каментаваць